كلـــــــــــــــــــــــــــــــــــــــــــــــــــــى جوري

ارجــوك يكفي يا بعد عمري حرام
كلي جروح وما ابي منــّـك جروح

ما عاد لك في خافقي شوق وغرام
رح في طريقك وين ما ودك تروح

والله حسـافه يـوم انـــا ما كنت انام
اسهر على شانك وانا صبري ينوح

متحـملـن من شانـك انـواع الملام
لكن خسـاره ما هقـيت انك شحوح

ياما لزمت الصمت واخفيت الكلام
خوفي على نار الغضب منــّـك تفوح

صبرت حتى الصبر عــدّا الاحترام
حتى غديت انسان ما املك طموح

دنـيـاي هـاذي كـلـهـا ظــلـم وظــلام
صعبن علي اشكي وانا حالف ما ابوح

بعــيـش سـاكـت لــو انــا كـلـي آلام
ابـقـا عـزيز النـفـس والـبــيـرق يلوح

هـاذي النـهـاية كــان ودك في الختام
دوّر على اللي يحتـمـل منك الجروح