خلاص الامل فيك مفقود

تذكير بمساهمة فاتح الموضوع :

خلاص الامل فيك مفقود

خلاص يعني الامل فيك مفقود

وانا الي كنت احسب شعورك عشاني

حاولت ياما لكن الباب مسدود

الله يعوض حبي..شوقي وحناني

كنت احسبك في داخلي دوم موجود

مهما اروح بعيد انت بكياني

كانت محبتنا ابد مالها حدود

كنت بحياتي دنيتي والاماني

انا بقربك عالمي كان محدود

كنت احسب اللحظات وي الثواني

ما امل من شوفك انا كنت ابا زود

وكل ما اشوفك قلت ربي عطاني..

دايم اقول مثلك بهالكون معدود

كنت احلف انك انت انسان ثاني

كنت الامل كنت العطر كنت الورود

كنت الي اشكي له واقوله اعاني

من كثر ماحبيت عيونك السود

كتبت لك اشعار واهديت اغاني

ليش الالم ليش الجفا ليش الصدود

فذمتك يعني صار غيري بمكاني؟

كفي بيبقا لك على طول ممدود

ابعد ليالي بس ارجع لي ثاني

صدقني تلقاني مثل اول وزود

بالعكس يمكن زاد فيني حناني

اكذب على نفسي اقول..يمكن يعود

ومرات اصدق واعترف هو نساني

حاولت ياما لكن الباب مسدود

الله يسامح حضي الي رماني

ان مت انا في يوم بوصيك يا دود

لو زار قبري ولا انه بكاني

قوله يحبك ..ويعترف كان محسود

ولو كان عايش كان قالك عشاني

لا تبكي دموعك ولا تنثر ورود

جيتك تكفي يا عسا تكون هاني..

وقوله امانه يروح عند ناعم العود

ذاك الي خلاني بدونك اعاني

قوله يقولك انت بالحب موعود

دامه اخذك مني اكيد ما بعاني

لاني اعرفك زين ما تكذب وعود

طيب وفي..حساس..راعي معاني

كنت بحياتي انت بس الي مقصود

كنت مستعد اموت وتبقى بمكاني

من كثر ما حبيت عيونك السود

اهديت لك عمري والعمر فاني..

يسلمووووووو

يعطيك العافية على الطرح الراقي

والمتميز ابدعتي يسلموووووووو