رواية : ياكيف ماتت امانينا / عناديه

• بالبدايه اعرفكم على ابطال قصتنا
(( عايلة ابو محمد ))
الحالة الاجتماعيه متوسطه عبارة عن 4 بنات وولد
منال الاخت الكبيره عمرها 28 سنه عندها بنت هديل 14 سنه
اميره وابرار سنه اولى جامعه تؤام بس شخصيات متناقضه تماما
اميره شخصية قويه تحب الدراسه و طموحها انها تكون دكتوره بالجامعه ..ما
تعترف بمشاعرها بسهوله ..كتومه وغامضه حييييل.. حلوه وملامحها حاده ...
اما ابرار رومنسيه وحساسه تكره شئ اسمه كتاب تحب تقرى روايات وحلمها تعيش
قصة حب في حياتها تحب تهتم برشاقتها وبجمالها ..ملامحها تختلف عن اميره
تماما ..
ملاك ثانيه ثانوي متينه ودفشه بس مرحه وتحب الفله شخصية قويه ومحد يقدر يزعلها..
محمد 14 سنه اخر العنقود مغرور وكل طلباته مجابه طبعا
.................................................. .................................

( الفصل لاأول )

الساعه 10 بالليل فوق السطح نقطة تجمعهم كالعاده
اميره :وناسه اخيرا خلصت الاجازه وباجر اول يوم لي بالجامعه
ابرار : اميره بتسكتين والا اقطج من فوق السطح وارتاح منج
ملاك : تسوين معروف فيني والله
ابرار : انا مو باط جبدي الا الكتب اللي تشتريها انا يالله يالله اقرى الكتب المقرره علي وهالانسانه تروح تشتري كتب
اميره : هذي ثقافه يا ماما
ملاك : اقول يا ام الثقافه ابلعي السانج ابرك
ابرار : أي صج قبل ما انسى ملاك عطيني جنطة فندي اللي شريتيها امس تكفين
بكشخ فيها باجر بالجامعه يمكن واحد من شباب الجامعه يعشقني واعيش قصة الحب
اللي اتمناها
اميره : يالله استغرب بصراحه من طريقة تفكيرج في احد بيعشق من جنطه.. الجمال جمال الروح والعقل مو بالمنظر
ابرار ::يوووووه هذي الحين شنو يسكتها
ملاك : ولا يهمج ابرار خليها علي اولا هي قالت ملاك مو اميره ثانيا المنظر
مهم وهذي الخطوه الاولى لسحب القلوب بعدين اذا بدى الحديث يبين جمال العقل
ابرار: مشاءالله والله يطلع منج يالدوووب لا يكون تقرين كتب من وراي؟؟
ملاك : هههه لا والله من كثر قعداتي معاها صرت مثلها
ابرار : خليني اقوم قبل ما تنتقل لي العدوه
وكل وحده دخلت غرفتها تفكر بيوم جديد وبداية سنه جديده
ابرار تفكر شلون راح تحط باجر كحلها وأي كعب بتلبس.. واميره تفكر منو باجر
ممكن يدليها مكان مكتبة الجامعه..اما ملاك مشتاقه لرفيجاتها وودها الساعه
تدق الحين .....................
.................................................. ....................................
الصبح الساعه 7
محمد: ليش مسوين بيض تعرفوني ما احب ريحة البيض من الصبح
ملاك : والله وحنا علشان خاطر صاحب السمو ننحرم من البيض يعني
ام محمد : ماري.. تعالي شيلي البيض من على السفره واللي يبي بيض يروح ياكل بالمطبخ
ملاك : يمه ما يصير جذي
ام خالد : ماري لا تنسين تسوين بخور علشان الريحه
ملاك : اوووف خلاص ما ابي ريوق انا رايحه السياره اميراااااااه ابراااار خلصونا
اميره نازله من الدرج تعدل نقابها :شنوه الصراخ من الصبح الواحد الصبح لازم يضحك ويكون رايق
ابرار نازله وراها منقبه بعد) : .. اشتغلت علينا ام الثقافه من الصبح ) وراحت السياره على طول
اميره : صباح الخير يا احلى ام بالدنيا
ام محمد: صباح النور والسرور
اميره : كيف اصبحتي
ام محمد: الحمدلله بس امس رجولي ما خلتني انام
اميره : خلاص ضروري تروحين المستشفى اليوم
ام محمد: والله ما احب روحة المستشفيات
ملاك : امييييييييييييييرهاااا خلصينا بنروح
اميره : لا ضروري اروح معاج اذا رديت يالله مع السلامه وديري بالج على نفسج
.................................................. .................
ركبت اميره السياره وهي تضحك وتقول : صباح الخير يا خواتي الحلوات
ملاك : اقول سكري الباب وسكري فمج معاه
اميره : يالله تدرين ان مزاج الصبح يأثر على يومج كله علشان جذي اذا تبين يومج حلو خلي مزاجج الصبح حلو
ابرار : ملاك لا تردين عليها تكفين لا تفتح لنا محاضره من الصبح
ملاك : انا ما اقول الا الحمدلله ان مدرستي قريبه
وصلت ملاك وانزلت لمدرستها وكمل السايق طريقه للجامعة ..والله يستر من هالجامعة ما ندري شنو بيصير لأميره وابرار فيها ..
ابرار : واااو حيل كبيره أي بوابه تبينا ننزل
اميره : ما ادري بس ياليت تكون بوابه قريبه من قاعه 201 لانه عندي محاضره فيها بعد نص ساعه
ابرار : انتي من صجج من اول يوم بتحضرين محاضرات يا ماما هذي جامعه مو
مدرسه خلينا نفر اليوم الجامعه كلها ونحفظ الاماكن وباجر نحضر محاضراتنا
اميره : لا لا لا تبيني اغيب من اول يوم لا اسفه انا بروح احضر محاضرتي
ابرار : انا الغلطانه اللي اتكلم معاج كومار وقف وقف بنزل
ونزلت ابرار بوابه 4 اما انوار قالت كمل بنزل من بوابه 7
اول ما دخلت ابرار الجامعه على طول راحت للحمامات تعدل شكلها وكان فيه بنت واقفه جنبها
البنت : مرحبا
ابرار : هلا
البنت : عيونج حيل حلوه ممكن تسوين لي نفس كحلج
ابرار استانست طبعا : عيونج الحلوه اكيد ليش لا ..
البنت : انا ساره ثاني سنه لي بالجامعه
ابرار : وانا ابرار اول دقيقه لي بالجامعه
ساره : ههه مستجده يعني
ابرار : أي ..ها شرايج بالكحل
ساره تشوف نفسها بالمنظره واااو يهبل ..بمإنج سويتيلي الكحل باخذج فره بالجامعه وادليج كل الاماكن
ابرار :: وناسه كنت احاتي لا اضيع
ساره : ما تضيعين وانا معاج بس قوليلي وين تبين
ابرار : ابي مكان تجمع الشباب ..ودي اشوف واحد مزيون من على هالصبح
ساره : هههههههه شكلج مثل نظامي ,,,
وطلعوا من الحمامات وراحوا يفترون
.................................................. ..........
اما اميره ادخلت من بوابه 7 واسألت الحارس وين قاعه 201
الحارس :سيده اخر قاعه بالممر
اميره : شكرا ..وراحت وقعدت داخل القاعه باقي على المحاضره ربع ساعه ..طلعت كتاب كيف تنمي ذاتك ..وقعدت تقرى
اسماء) شخصية جديده من الصبح تفر بالجامعه تعبت كان تدخل اخر قاعه بالممر تبي ترتاح ..قعدت باخر الكراسي ..
اميره تشوف ساعتها صار نص ساعه والدكتور ما وصل ..فسألت اسماء تتوقع انها معاها بالمحاضره ..
اميره : شكل الدكتور ما راح يجي
اسماء : عفوا هههههههه وانتي من صجج بتحضرين محاضرات من اول يوم
اميره : اكيد اجل ليش مداومه
اسماء : انا من اول ما شفت الكتاب معاج وانا عارفه ان مصطفى يصيرلج
اميره : عفوا شنو هالاسلوب انا ما اعرفج ولا تعرفيني
اسماء انحرجت : اسفه بس طبعي دفش
اميره : لا عادي
اسماء : اسمي اسماء رابع سنه ..و انتي..اكيد مستجده
اميره : أي شلون عرفتي
اميره : سهله اللي معاهم كتب هم المستجدين اما اللي لابسه كعب وخاطه الكحل هم الداجين اللي صارلهم 5 سنسن بالكليه
اميره : هههههه وانتي من المستجدين والا الداجين
اسماء : انا الخليط فيما بينهم ههههههه
اميره: هههههههه
اسماء : بما إنج مستجده وما عندج محاضره قومي خليني ادليج اماكن الجامعه
اميره : صج اكون شاكرتلج
اسماء : ولو ما سوينا شئ ..شنو اول مكان تبين تروحين له
اميره : المكتبه اكيييد
اسماء : انا قايله انج من ربع مصطفى بس محد مصدق
اميره : ههه يعني اهم مكان بالجامعه المكتبه
اسماء : لا والله اهم مكان بالجامعه الكفتريا ودايما اذا قابلت احد مستجد
بالممرات يسإلوني وين الكفتريا اما المكتبه ما عمر احد سألني عنها
اميره : هههه اجل اكيد ما تدلينها
اسماء : انا رابع سنه كل مكان ادله .. وادل المكتبه بس بصراحه عمري ما
دخلتها بس امر من عندها مرور الكرام .. بس لعيونج بدخلها اليوم بس اخاف احد
يعرفني ويشوفني داخلتها ويصورني وينشرها بالتويتر .. بعدين اطيح بجبد اهلي
ومحد يخطبني
اميره : هههههه بس تكفين بموت من الضحك .. حسستيني بدخلج المخفر مو المكتبه
اسماء : ما الومج ما تعرفيني انا اخر وحده تشوفين معاها كتاب بالعالم ..
واكبر غششاشه بالجامعه .. ومعروفه عند الدكاتره .. يعني لو يشوفتي دكتور
داخله المكتبه ممكن ينجلط ...
اميره : هههههههه يالله لهدريجه
اسماء : واكثر بس يالله لعيونج خليهم يولون
وكملوا طريقهم للمكتبه
.................................................. .....
اما ملاك
من اول ما ادخلت المدرسه والكل قام يصارخ ويسلمون عليها
ملاك : اشتقتلكم يا شباب
شهد : شباب البنت صابتها رجة عقليه بعد العطله الحقوا يا بنات
مريم :اسم الله عليج ملاك تحسين بشئ
نوره : كل هالانوثه وتقولين عنا شباب
ملاك : أي انوثه اصراخ من اول ما دخلت خرعتوني من الصبح
وبعدين وين الانوثه كل وحده صايره كبر الطوفه شنو حاطين سرايركم داخل الثلاجه طول العطله
شهد : ههههه الشره مو عليج على اللي يستقبلج
نوره : أي والله وبعدين الله يعلم منو اللي نايم داخل الثلاجه طول العطله
مريم :أي والله اقول مشينا بنات خلوها تولي
ملاك : ما تقدرون تستغنون عني اساسا
نوره: صج ..ولفت ومشت والحقوها شهد ومريم
وملاك تصارخ يالدوووبين احبكم وتلحقهم وهم يركضون ويصارخون ما نبيج
ملاك اا اه ا ها: بس تعبت تعالوا خلونا نقعد قبل ما يطق الجرس
وقعدوا على الكراسي يسولفون ...........
.................................................. ...........................................
نرجع لأبرار وساره
ابرار : بس تكفين تعبت خلينا نقعد بهالممر
ساره : لا لا خلينا ننزل نقعد بالمزرعه اللي تحت
ابرار تشوف المزرعه من فوق : ساره ما فيه مكان كل الطاولات قاعدين عليها
ساره : خلاص خلينا واقفين هنا ونطالع اللي تحت
ابرار : شوفي الطاولة اللي تحتنا بالضبط
ساره : مشاءالله عليهم كل واحد احلا من الثاني
ابرار : ما ودك نروح نقول ممكن نقعد معاكم
ساره : ههههه تخيلي
ابرار حطت جنطتها على السور وهي ميته ضحك تقول : تخيلي والله لننفضح بالجامعه كلها
ساره : لااااااااااااااااااااااااااااااااااا
ابرار تخرعت لفت تشوف الا شنطتها طاحت على الطاوله اللي تحت على راس سعود ...
سعود : الله ياخذ هالملقوفه هذي
احمد : هههههههه
يرفعون راسهم بيشوفون منو بس ساره وابرار نزلوا راسهم على طول علشان ما يبينون ..
سعود معصب : من هالحيوانه خلوني بس اشوفها فجرت راسي الله ياخذها قنابل حاطه فيها
احمد :حرام اكيد مو قصدها
سعود: قصدها والا مو قصدها انا دافنها اليوم
احمد : حرام تلقاها خايفه الحين
سعود : يعني ومو حرام الصداع اللي احس فيه الحين..انا اموت واعرف شنو حاطه
فيها ..يفتح سعود الجنطه والا يلقى اربع عطورات ...اوووف انا اقول راسي
تكسر من هالعطورات ..منو هالبنت اللي ريحتها زباله ..الناس التكانه عطر
واحد اربعه ليش .
احمد ميت ضحك : ههههه تكفى سعود لا تفشلنا خلاص سكرها اكيد هي الحين تشوفك وميته قهر لانك تتعبث بأغراضها
سعود : في امها خير خلها تجي ..وانا اوريك فيها
احمد : مستحيل راح تجي خلها على الطاوله وحنا خلنا نقوم نروح محاضرتنا
سعود : ياعمي طير والله ما تخذها .. ويفتح سعود بوكها ويشوف بطاقتها
الجامعيه ..ويقول : ابرار سالم هين انا اوريج ... ويلقى نوت ( من طبع ابرار
عندها مذكره صغيره تاخذها معاها وين ما تروح وتكتب كل شئ صارلها حلو او
حزين بهالنوت وكاتبه عليها مسيرة حياتي ) سعود اخذ النوت وحطه بمخباته
احمد : يويو يا ولد شنو تسوي انت والله عيب عاد خلاص
سعود : ومو عيب اللي سوته فيني حتى اعتذار ما جت تعتذر
احمد : يويو سعود راسك ينزف دم
سعود يلمس راسه ويشوف الدم بيده : من عطورات هالزباله بس انا اوريك فيها
ويقوم سعود والجنطه بيده ويروووح للزباله ويقط الجنطه داخلها
احمد : سعووود سعووود لا لا
سعود : اقول تدل عيادة الجامعه ودني لها والا تبيني اروح بروحي
احمد : لا ما راح اخليك بروحك اخاف تدوخ وتطيح يالله يالله مشينا
وراحوا للعياده .....
.................................................. ...........................
ابرار وساره )))))
ابرار : حسبي الله عليه الحيوان قطها بالزباله
ساره : والله ما عنده ذووق بس شكله حيل معصب
ابرار : أي ذوق فتح الجنطه ولعب بأغراضي
ساره : الحين شنو بتسوين
ابرار : المشكله انها جنطة اختي ملاك والله لتذبحني
ساره : خلينا نروح نطلعها
ابرار : من صجج انتي والله ما اروح للزباله واطلعها
ساره : لا ياخبله مو انتي نقول لأي فراشه تروح تطلعها ..بوكج وبطاقاتج كلها بالجنطه
ابرار شوي وتصيح من القهر : حسبي الله عليه الله ياخذه ان شاءالله
ساره توقف لها فراشه : مدام مدام تعالي
الفراشه : نعم ماما
ساره : شنو اسم انتي
الفراشه : جاندرا
ساره : جاندر شوفي هذي زباله تحت... فيه جنطه طاحت داخل انتي جيبي
جاندرا : هو داخل زباله
ساره : أي روحي جيبي
انزلت جاندرا وراحت عند الزباله وطلعت الجنطه وصعدت فوق ..ابرار لما شافت جنطتها كلها عصير ووصخ بغت تموت من القهر
ابرار : ملاك بتذبحني.. اهلي بيقرون علي الفاتحه اليوم
ساره تاخذ الجنطه : وع وع ريحتها خايسه
ابرار : ياليت راسه تفجر ومات ان شاءالله
ساره تفتح الاغراض وتقول لجاندرا جيبي كيس .. وحطت الاغراض داخله ..
ساره : اووووف اربع عطورات لا بالله راس الرجال راح فيها
ابرار : يستاهل الحيوان ..اجل انا جنطتي تنقط بالزباله
ساره : المهم الجنطه ما منها فايده ريحتها خايس وكلها عصر .. واغراضج
حطيتها بالكيس ..يالله مشينا للكفتريا لا يرجع ويعرفنا ...وراحوا للكفتريا
وابرار تدعي عليه ووتحلطم خايفه من ملاك ...
.............................................

الفصل الثاني ....
اميره واسماء
اسماء : واااو والله مكتبتنا راقيه
اميره : عقب اربع سنين بالجامعه تقولين هالكلام
اسماء : والله ما احب هالأماكن .. اصلا احس شكلي غلط ..كل اللي موجودين
راسهم داخل الكتاب وانا اتأملهم كأنهم كائنات غريبه ..لا والمشكله حيل
مندمجين انا حسبالي يمثلون يعني مثقفين طلع صج في ناس مثقفين ..
اميره : هههه تكفين قصري صوتك لا تضحكين الناس علينا ..وتعالي صوب كتب علم النفس خليني اشوف لي كتاب حلو
...............................
ابرار وساره طالعين من الكفتيريا ويفترون بالجامعه وابرار منحرجه من الكيس اللي شايلته
ابرار : حسبي الله عليه والله احراج من بعد جنطة فندي امشي بكيس
ساره : ابرار ابرار شوفي هناك ؟؟
.................................................. ............
احمد وسعود طالعين من العياده وسعود لاف على راسه
سعود : حسبي الله على هالملقوف بطت راسي انا لو اعرفها كان عرفت شلون اخذ حق دمي اللي راح هدر
.................................................. ..................
ابرار خافت يوم سمعت هالكلام ومشت بسرعه هي و ساره
سعود واحمد ما انتبهوا لهم ....
ساره : الرجال متحلف فيج
ابرار : يمه يمه شفتي شلون معصب
ساره : أي حيل بس الحمدلله ما يعرف شكلج .. لو يعرفج كان وقفنا
ابرار : يارب استر هذا اول يوم لي بالجامعه
.............................................
صارت الساعه 2 ودقت اميره على ابرار تبلغها ان السايق عند الباب وطلعت ابرار ومروا مدرسة ملاك وردوا البيت ....
اميره : السلام عليكم ورحمت الله وبركاته
ابرار معصبه وتدز اميره وتقول : اوووف فاضين لج حنا
اميره : خير الكلام رد السلام
ملاك : وعليكم السلام بس انتي تسكتين وتفكينا
اميره تنادي امها : يمه يمه وينج
ام محمد: انا بالمطبخ
اميره تحب راس امها : شلونج يمه
ام محمد : بخير عساج بخير يالله روحي غيري ملابسج وتعالي تغدي
اميره : يالله ثواني
صعدوا كلهمك يغيرون ملابسهم ومن بعدها نزلوا كلهم الا ابرار
ام محمد: ابرار وين
ملاك : تقول ما تبي
اميره : اكيد اكلت بالكفتريا
محمد: يمه بعد الغداء بروح السينما ابي خمسين دينار
ام محمد: بعد الغدا اصعد غرفتي واخذ اللي تبي
اميره : وليش ما تدرس الامتحانات على الابواب
محمد: شنو قالولج اميره انا
اميره: وشفيها اميره طايحه من عينك
محمد: ما دخلتها علشان تطيح
ام محمد بكل عصبيه : اميره بس سكري فمج
اميره : بدال ما تسكتينه تسكتيني ..المفروض يحترم خواته الكبار
ام محمد: اميره بتسكتين والا قومي صعدي فوق
اميره معصبه وقامت صعدت
ملاك : استغفرالله انسدت نفسي ...وقامت ورى اميره
الكل صعد ينام بعد النهار المتعب من اول يوم دوامات
.................................................. ...............
الساعه 7 المغرب اميره تشرب كوفي بالصاله وابرار نازله من الدرج
ابرار: الله ياريحت هالقهوه بروح اسوي لي
اميره بعالم ثاني مندمجه مع الكتاب .. ومن بعدها ملت من القعده وصعدت للسطح
ابرار بالمطبخ حطت الكوفي على النار وتذكرت الشاب اللي فلقت راسه بعطوراتها شوي إلا ماري تقول : ابرار ابرار شوفي قهوه
ابرار : يويويو اووووف ..وتاخذ القهوه ..وحست انها تبي تقعد بروحها واصعدت
للسطح .. اول ما ادخلت لقت اميره قالت : يمه انتي مو كنتي بالصاله
اميره : لا هذا خيالي
ابرار : يمه لا تخرعيني ترى بسرعه اصدق
.................................................. ..............
ملاك نزلت مالقت احد راحت غرفة اميره مالقتها وراحت غرفت ابرار ما لقتها قالت اكيد بنقطة التجمع فوق وصعدت لهم
ملاك : سلاااااااااام يالخونه
ابرار : بسم الله الرحمن الرحيم بصيبيني سكته قلبيه من دفاشة هالبنت
ملاك : اسم الله عليج يالرقيقه
اميره : مو عن رقيقه بس هذي روح ما يصير تخرعينها تاخذين اثم جذيه
ملاك : يوووووو هذي الحين شنو يسكتها
ابرار : تكفين اميره هذي روحي مالج شغل فيها
ملاك : اقول بس شلون اول يوم لكم بالجامعة
ابرار : تكفين لا تذكريني والله فيني بجيه
اميره (حيل تخاف على خواتها وتحس هي امهم لان امهم بعيده عنهم كل اهتمامها
في محمد فتحس اميره بالمسؤليه اتجاه ملاك وابرار ) بنبرة خوف: خير ابرار
شفيج قوليلي؟؟
ابرار (حيل رقيقه وحساسه ) بصوت مخنوق : اليوم انا فلقت راس واحد
ملاك : هاااااااااااااااااااااااا يالمجرمه
اميره : ملاك بس خليها تكمل
ابرار : كنت فوق بالدور الثاني وحطيت جنطتي على السور ..وإلا تطيح على راس واحد قاعد بالمزرعه تحت
ملاك : عسى الجنطه فاضيه
ابرار: هي ما فيها شئ امممممم بس فيها 4 عطورات
ملاك : لا الولد راح من كيس اهله ..اكيد صابه ارتجاج بالمخ
اميره : ملاك بس لا تخوفينها كافي اللي فيها
ابرار تحط راسها على كتف اميره وتبجي
اميره : ابرار البجي ما يفيد كملي وبعدين إعرفج والا لا..؟؟
ابرار: لا ما عرفني انا نزلت راسي علشان ما ابين وهو قعد نص ساعه يقلب بالجنطه ..ومن بعدها قام وقطها بالزباله
ملاك : هاااااااااااااا شنو اللي بالزباله
ابرار: الجنطه
ملاك : لحظه علشان اركز ....شنو اللي بالزباله
ابرار: الجنطه
ملاك : أي الجنطه ...لحظه لحظه أي جنطه ؟؟
ابرار : فندي
ملاك : اشوه حسبالي مالتي .شنوووووووووووو فندي
ابرار : يويويويويو إي فندي
اميره : ملاك خلاص عاد جنطه وانقطت بالزباله عادي
ملاك : أي مو شارينها بفلوسكم انا اللي شاريتها بدم قلبي 300 دينار وما تهنيت فيها ...
اميره : ملاك بس ابرار كملي
ابرار :نادينا فراشه انا وساره وجابت الجنطه وحطينا الاغراض بالكيس وقطيناها لان كلها عصير وكاكاو
ملاك : انا ما اقول الا عساه ما يربح ..وجعل راسه للبط
اميره : مارحتي تعتذرين منه ؟؟
ملاك : هذي اللي بتجلطني ..قط جنطتها بالزباله تروح تعتذر ليش ..هو ما عنده ذوق ليش نتعامل معاه بالذووق
ابرار: لا ما رحت خفت منه ..رحت الكفتيريا مع ساره
اميره : منو هذي ساره
ابرار: وحده تعرفت عليها بالحمامات
ملاك : صراصير انتوا تتعرفون بالحمامات
اميره : ملاك مو وقتج كملي ابرار
ابرار : ولما طلعت من الكفتريا لقيته طالع من العياده ولاف على راسه ..ويتحلف فيني
ملاك : شنوو يقول
ابرار: يقول والله لو اعرف هالملقوفه كان عرفت شلون اخذ حق دمي اللي راح هدر
ملاك : قط الجنطه ويتحلف بعد .. انا رايحه باجر معاج الجامعه ..هذا فوق شينه قوة عينه
اميره: تحسسيني ان هو الغلطان وابرار البريئه
ملاك : ابرار فعلها بدون قصد بس هو قاصد يقط الجنطه
اميره : الكلام الحين ما منه فايده ..بعدين ليش الخوف هو ما يعرفج
ابرار: أي هو ما يعرف شكلي
اميره : خلاص سكري السالفه ما يستاهل تزعلين عمرج علشانها عادي ما يعرفج
ملاك : شنو تسكر السالفه وحق الجنطه والله لاطلعه من عيونه هذي 300 دينار
اميره : جنطتج مو اغلى من دمه اللي راح
ابرار: اللي معور قلبي انه مزيون لو جيكر قلت يستاهل
اميره : هذي اللي بقوم افلعها كل هالبجي وكاسر خاطرج لانه مزيون
ملاك : أي حبيبتي المزايين المفروض نحط عليهم حصانه لأنهم قربوا ينقرضون بهالعالم
ابرار:ههههه من ناحية ينقرضون هم بينقرضون
اميره تروح لزاويه بأخر السطح : بنات تتذكرون هالزاويه
ابرار: مكان عمي فيصل
ملاك :الله يرحمه
اميره بنبره مخنوقه : ليلحين مو مصدقه خبر موته
( فيصل عمهم الوحيد عمره 24 سنه كان حيل قريب منهم خصوصا من اميره كان
علاقته فيها قويه حيل وشخصياتهم متقاربه .. بعد ما خلص الجامعه كان بيسافر
علشان يكمل دراسته برى .. يومها كلهم عارضو خصوصا اميره انهارت لما درت ان
فيصل بياخذ اربع سنين برى علشان يكمل الدكتورا ..كانت تصارخ وتبجي وتترجى
ابوها انها تسافر معاه وتكمل دراستها ..بس ابوها قالها خلصي الثانويه
واخليج تروحين معاه..لكن الموت كان القدر ..طاحت الطياره وتوفى فيصل
..اميره قعدت بالمستشقى اسبوعين يوم اسمعت خبر وفاته ..وليلحين مو مصدقه
..دايما تتذكره وتقول راح احقق حلمه فيني وراح اجيب شهادة الدكتورا اللي
تمناها ...)
ملاك تمسك يد اميره وتضغط عليها : الله يرحمه كان يحبج حيل
ابرار: ودايم تسهرون مع بعض شنو كنتوا تسولفون عنه ..؟؟
اميره العبره خنقتها ودمعتها بتنزل بس اميره لو تموت ما توري احد دمعتها
خصوصا ملاك وابرار لان هي مصدر القوه بالنسبه لهم فصعب يشوفونها ضعيفه
اميره تحاول تغير السالفه : تصدقون ودي امشي على السور
ابرار : لا تكفين اميره والله اخاف
ملاك : هي بتركب انتي تخافين شكو
اميره :هههههه أي والله ..يالله الساعه صارت 11 خلونا ننزل..
.................................................. ..................................
بيت سعود )
عايله متوسطة الحال ..
ابو سعود توفى بحادث قبل 6 سنين و سعود كان معاه ..لكن انكتب لسعود عمر
جديد من هالحادث ....وتحمل مسؤلية امه واخته دانه اللي كان عمرها 10 سنوات
وهو عمره 15 سنه.. ورفض ان عمانه يساعدونه ... عزيز نفس ..الصبح يرووح
للجامعه ,,وبالليل يبيع في محل ساعات ..
سعود بغرفته يحاول ينام لكن آلآم راسه مو قادر يتحمله وما يبي يخوف امه عليه ..
شغل الليت وشاف وجه بالمنظره ..كان لونه ازرق تخرع ودق على عمه بسرعه
سعود : الووو عمي تعال البيت بسرعه
العم : خير فيه شي
سعود : انت تعال ويصير خيير ..
العم : يالله دقايق واجي
سعود : من الباب الخلفي علشان امي ما تحس
العم :اوكي
وصل عمه وعلى طول ركب سعود السياره
سعود : على المستشفى بسرعه
العم : سعود شفيه وجهك
سعود : بلا اسإله عمي بسرعه
.................................................. .............................
نزلوا اميره وابرار وملاك وللمطبخ على طول لانهم ميتين جوع ..والا يشوفون امهم تبجي بالصاله ..وابوهم واقف عند الباب
اميره بخوف : خير يمه في شئ
ام محمد: محمد ليلحين ما رجع وتلفونه مغلق
ابرار: خلاص يمه لا تبجين الحين بيجي تلقين الفلم طويل
ام محمد: لا ولدي فيه شئ انا حاسه
ملاك :تعوذي من ابليس يا يمه
الابو يدخل الصاله وهو يقول : يارب استر عليه مالي غيره يارب احفظه
اميره هزتها هالكلمات "يارب مالي غيره " ام محمد وابو محمد دايما مو شايفين بناتهم شئ ....
اميره : خلاص يبه ريح عمرك محمد شوي ويجي بس انت لا يرتفع السكر عليك
صارت الساعه 12 ومحمد ما وصل ...شوي والا نسمع طق الباب
ابو محمد يركض على الباب ويفتحه والا يلقى محمد وكأنه لقا روحه ..ويضمه
حيييييييييل ..اميره هزها هالموقف لانها محتاجه لحنان ابوها وامها هي
وخواتها لاكن هالحنان ما يخص الا محمد.. تحسد محمد على هالمكانه اللي امها
وابوها حطوه فيها... وتنقهر لانه مو حاس فيها ولا محترمها ...
ام محمد : محمد وليدي حمدلله على سلامتك
محمد بعصبيه : شنو جاي من سفر انا ..
ابو محمد: لا يا وليدي بس خرعتنا عليك
محمد : يووووو جاهل انا تخافون علي ..شوفوا عدل تراني كبرت
ام محمد : مهما تكبر تظل وليدي اللي اخاف عليه من نسمة الهوى
محمد : بس خلاص كافي
اميره ما تحملت : شنو قلت الادب هذي ما تحترم لا صغير ولا كبير .. امي وابوي سهرانين علشانك وبالاخير هذا كلامك
محمد : انتي اخر وحده تتكلمين تفهمين والا بعرف شلون اسكتج
ابو محمد بصراخ: اميييييره سكري فمج وصعدي فوق
اميره تطالع محمد بنظره وتصعد غرفتها مقهوره وابرار وملاك وراها
ومحمد يضحك على اميره ويقول بنبره حاده لامه وابوه : انا اتاخر بكيفي لا
تسوون افلام وتقعدون تنتظروني مثل الورع اتمنى تفهمون هالمره ,..
ويصعد غرفته ينام ............
.................................................. .......................
بالمستشفى
تكفى عمي لا تدخل معاي للدكتور ( سعود حيل كتوم وما يحب احد يشفق عليه )
العم : ما يصير يا سعود لازم اتطمن عليك
سعود : قلت تكفى
العم يقعد على الكرسي وسعود دخل عند الدكتور
سعود صارله ساعه عند الدكتور والعم مات خوف عليه ...ثواني والا سعود يطلع
العم : ها سعود فيه شئ
سعود يضحك : لا يا عمي الحمدلله.. بس طباعه التقارير اخرتنا ..خلنا نرووح السياره
العم وهو يشغل السياره : قولي شنو القصه
سعود : والله السالفه تضحك
العم : قولها
سعود : كنت قاعد بالمزرعه وطاحت علي جنطة بنت
العم بخووف : على راسك
سعود : بس الحمدلله سويت تخطيط وكل شئ زين
العم : الحمد لله..دير بالك على راسك يا سعود ..ترى امك مالها غيرك ..
سعود بحزن : الله يخليها لي
.................................................. ........................................
الساعه7 الصبح
اميره على طاولت الطعام تتريق ..مثل العاده اول وحده تنزل ...
وابرار نازله من الدرج ...
ابرار : وين ملاك
اميره : الحين تنزل
ملاك نازله من الدرج : ها خلصت
ابرار: انا رايحه السياره ما اشتهي ريوق
ملاك : أي والله حتى انا ما ادري شلون تتريق هالبنت
اميره : احسدوني بعد
ملاك : اقول سكري فمج وخلصي لا تتأخرين علينا
اميره : يالله خلصت .. وتاخذ حليبها معاها السياره
ابرار: يوووو الحليب لازم بالسياره
اميره : شسوي ما مداني اتريق
ملاك : الصحون صارت فاضيه وهذي تقول ما مداني
اميره : بطني صار يعورني من عيونكم
ابرار وملاك ميتين ضحك ....وصلت ملاك المدرسه ..وابرار دخلت بوابه 4 ..واميره بوابه 7 مثل العاده....
................................... ...........................................
ابرار تدق على ساره : الو ساره وينج
ساره: انا بالكفتريا تعالي
ابرار: يالله جايه
ابرار سكرت التلفون.. وماشيه للكفتيريا ..سعود كان قاعد باخر كرسي بالممر
يقرى كتاب (سعود ما يحب سوالف البنات والمغازل ..عصبي وقاسي وما يعترف
بالحب ) ابرار لما شافت شهقت بس الحمدلله سعود ما سمعها وما انتبه ..حست
بالخوف ومشت بسرعه...
...........................................
اميره اول ما دخلت الجامعه دق تلفونها
اميره : هلا اسماء
اسماء : صباح الفول والجبنه
اميره : مصريه انتي
اسماء: اقول اخلصي انا بالكفتريا تعالي
اميره : لا تكفين ما احب ادخل الكفتريا وريحة الاكل والزحمه والازعاج من الصبح
اسماء : ها وين تبين نروح
اميره : باقي على محاضرتي ساعه امشي نروح المكتبه
اسماء: يويويو انتي من صجج مكتبه من الصبح
اميره: مكان هادي يريح الاعصاب من الصبح
اسماء : اقول تلايطي وخليج بالممر انا جايه
اميره : ههه يالله بسرعه لا تتأخرين
اسماء : ثواني
اميره وقفت بالممر وطلعت لها كتاب وقعدت تقرى.. الممر كان فاضي لان الصبح
..دقايق الا واحد مستعجل يفتح باب المبنى ويمشي بسرعه بالممر.........
امييره ارفعت راسها.. وافتحت عيونها على الاخر ..وما قدرت تنزل عيونها
..صابتها صدمه ....الرجال يرفع عيونه يشوف اميره تخزه ..ويكسر عينه
..واميره مو حاسه بنفسها تطالعه لين مر من جنبها وهي تلف راسها وتطالعه
..ولما راح اضحكت وهي تقول معقوله ..اختفه الرجال من الممر لكن اميره
بسرعه راحت تلحقه ....
...........................؟؟؟؟؟..............

.لست مجبورة ان افهم الاخرين من أنا
فمن يملكـ مؤهلات العقلــ والاحساســ
ســ اكون امامه كــ الكتاب المفتوح...
وعليه أن يحس الاستيعابـــ
اذا طالــــ بي الغياب فاأذكروا كلماتيـــ ،واصفحوا لي زلاتي
نحن افاس لانحب الغرور..
لكن سمح لنا بالتباهي...
لاننا ملوكــــــــــ......

دُمتَمْ بِهذآ الع ـطآء أإلمستَمـرٍ

يُسع ـدني أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص احترامي

لآرٍوٍآح ـكُم أإلجمـيله