الانسان له قلب ولابد من الاختيار ( الجزء الثاني)

[center]المهم مر اسبوع وماقدرت اودره ويوم سالني قتله هيه ودرته وكان يتصل
عاادي وارمسه وياهاليوم الي اخترب فيه كل شي كنت ارمس مال بوظبي الفليل ونا
ماعندي خطين وكنت امحوله تلفوني على اختي وقتلها اذا ياج هالرقم لاتردين
عليه قالتي اوكيه . كنت ارمس مال بوظبي واتصل طلال وجافه محول التلفون
والتلفون ينعرف اذا محول ولا لا وتصل حق مال بوظبي . اكيد بتسالون كيف عرف
رقمه وهذي سالفه بعد بخبركم كيف عرف رقمه ( كنت زاقره طلال صحارى سنتر وكنا
يالسين في الكوفي استار بوكس وقالي ييبي تلفونج اريد اجيك عليه قتله لا
اول شي فحسيت انه شك فانا قبل ماسير وياه غيرت اسم الي مسيفتنه في التلفون
مال بوظبي وخليته بسم بنيه المهم وعطيت التلفون طلال وماعرفت انه حول
التلفون عليه فكل الحالات , وعطاني اياه فبعد شويه اتصل مال بوظبي وكتمت
الصوت وقالي منو الي اتصل قتله ربيعتي قالي اجوف قتله لا مابا اراويك قالي
مب مشكله الحينه المكالمه بتحول استغربت وغيضت عليه وبندت فويه مال بوظبي
وتحول عنده قالي منو هذا او هذي قتله ربيعتيه لاترد تتصل فيها قالي اوكيه)
فبعدين عرف انه رقم مال بوظبي ماذكر كيف قتله انه هو؟؟؟ المهم يوم كنت
ارمسه الفليل سار واتصل فمال بوظبي وخبراه كل شي عني وسبني جدام مال بوظبي
وحتى مال بوظبي سبني انا جدام طلال يعني كل واحد خبر الثاني السالفه ياب
عني كل شي سبني ماخلا شي عني خلاني وحده ساقطه ولا اسوى شي المهم ونا كنت
فهاليوم عقب الدوام في الكليه كنت سايره بيت خالتيه الي فالشارجه واتصلت
فمال بوظبي(حمود) فمارد عليه وعقب 10 دقايق اتصل فيه رديت عليه الصوت متغير
استغربت خفت انه اخوه ولاحد من هله قالي انه ربيعه سعيد قالي بقولج شي
قتله آمر بس اوعديني اتقوليلي الصراحه قتله اوكيه قالي البارحه يوم حمود
بند عنج واحد اتصل فيه اسمه طلال وقال كل شي عنج وهو حاطنه اسبيك وحمود
يسمعني قتله انزين كمل قال كلام وااايد وكل كلمه قالها صح ياب عنج كل شي
منو انتي وكيف شكلج ومن وين وبنت منو وكل شي ؟ قالي اتعرفينه قتله لا
ماعرفه قالي قوليلي الصدق كيف ماتعرفينه ووقال كل شي عنج وقتله والله
العظيم ماعرفه قالي خبريني يمكن اتعرفينه من زمان وودرتيه وعرف انج اترمسين
حمود ويبا يخرب عليكم ؟ قتله والله العظيم ماعرفه قال مش معقوله قتله انا
يوم قلت كلمة احبك قلتها حق حمود بس حمود ونا كنت حاطه التلفون اسبيك انا
وبنت خالوه نسمع شو يقووول المهم تم يضغط عليه اني انا اعرفه فكنت بعترف بس
بنت خالتيه قالتلي انتي حلفتي بسم الله انج ماتعرفينه ( استغفر الله
وانشالله ربي يغفرلي ) فاصريت اني ماعرفه والله اني كنت مصدووومه وااايد
وماعرف شو كنت اقووول او اسوي ؟ فقالي المهم انج ماتعرفينه يمكن هذا واحد
يبا يخرب من بينكم قتله والله يمكن وقالي لحظه حمود يريد يرمسج قتله الحينه
ماروووم برمسه بعدين قالي لا الحينه قتله اسمحلي لا تضغط عليه قالي عشان
خاطريه الولد مرتبك ومايعرف شو يسوي او يقووول قتله والله ماروووم قلبي
يعورني قالي عشان خاطره قتله اوكيه . رمست حمود حسيت من صوته انه صايح وحاط
فخاطره ليش انه صدق كلام الولد وقالي انه سبني سب وسب خواتي واهلي وابويه
المرحوم وقال عنه كلام ( الله يسامحه) وحمود خلا عمره برى هو بعد ونه ماقال
شي عني موليه . وفجاه اتصل طلال يوم كنت ارمس حمود والتلفون محول على بنت
خالتيه وبنت خالوه قالتله ليش جي سويت وهي ماتبا اترمسك هو كان يسمعني ونا
ارمس حمود فغيض وقال انه بيقولي قبل مايقول حمود السالفه المهم بندت من
حمود ورمست طلال وقتله اني مابا ارميه واني اكرهه وبندت فويه؟؟ ومصدووومه
من الي استوى ويوم خبرت خواتي قالولي قنالج رمسي واااحد مش اثنينه جي كم
قلب عندج قتلهم احب الاثنينه قالولي مستحيل القلب فيه وااحد .الحينه طلال
خبرعنج لو هو ريال جان ماسوى جي وخبر وسبج ؟ قتلهم اوكي مابرمسه مره ثانيه
المهم كنت دوووم اسير الكليه وارد نا مارمس طلال وهو كان يتصل ويطرش مسجات
ونا كنت ابند فويهه . ويوم كنت راده من الكليه فالباص الظهر طرشلي مسج
وقالي اسمعي مني واحكمي عقب يمكن هو جذاب واتصل ورديت عليه قتله شو تبا
قول الي تباه وبند قالي حمود انسان جذاب هو قال عنج كل هذا وسباج وقال اني
انا عاطتنه صورتي وكنت مواعتنه ورا بيتنا هو كان زاقر ربعه ورا يتبعونكم
يمكن اتخونين فيه وتخبرين شباب فريجكم هنيه انصدمت والله والدموع قامت تنزل
صح الي استوى او بالحرى الي قاله طلال صح استغربت حمود خبر عليه انا
ورمسني وقال مال بوظبي كلهم جذابين وجلاب وتميت اصيح يوم قالي جي مش مصدقه
اصدق منو ولا اجذب منو ؟؟؟؟؟قالي انا احبج مش بس يحبني يموت فيه وحتى حمود
يحبني وكان عليه هالمره اني اختار من بينهم وللاسف كان اختياري غلط اختيار
ندمت عليه ولا زلت نادمه عليه ؟ قلت بودر حمود ؟ حمود الي حبني من قلبه
وماقال عني شي صح انه خبر بس كان راقد وماحس بالي قاله يوم كان يقووول وهو
من عاده يوم يرقد يرمس فاليل ونا مالومه باي شي والله انه انسان محترم
وااايد ومن عايله محترمه مشهوره الا هي(المهيري) نفس جبيلتي المهم رعدت
طلال اني مارمسه يوم وعدت كنت اصيح لاني خنت الاثنينه وكنت وااايد اتعذب
بسبت حمود والله انه ماكان له ذنب ذنبه الوحيد انه حبني ونا ماكنت استاهل
حبه بعته بالساهل. وعدته اني ماتصل فيه وذا اتصل مارد عليه . حمود يتصل
فيني بس انا مارد عليه مستغرب ليش مارد عيله؟؟؟؟ وخبرت طلال قتله انه يصل
فيني قالي حولي تلفونج عليه ونا الي برد عليه وقتله شو بتقوله لو سالك منو
انته قالي ماعرف قتله قوله انك ولد عمتيه وعرفت الي صارمن بينا قالي اوكيه .
حمود رد اتصل وحولت على طلال طلال رد عليه وقاله منو انته قاله غلطان
واتصل من رقمه الثاني وحوات عليه وبعديت اتصل من رقم اخته واخته قالته وين
(م) قالها مش موجوده وقالتله منو انته قالها انا ولد عمتها ولا تتصلين مره
ثانيه وقولي حق اخوج انه لايحاول يتصل فيها مره ثانيه بندت فويه ويوم حمود
سمع اغمى عليه فديته حمود انسام حساس وفيه فقر دم واتصلت اخته مره ثانيه
وقالتله مال دبي كلهم خياس والله يوم خبرني طلال تميت اصيح قالي لاتصيحين
على انسان جذاب مايحبج صدقته وماعرف كيف صدقته وتميت حاطه فخاطريه ليش جي
قالت عنا والله مابغيته ياخذ فكره عنا نحن بنات دبي بالعكس والله انا
حبوبات وطيبات وبالاخص انا الصراحه وحده عنياتي وطيبه وااايد وينقص عليه
وطلال طبعا استغل الصفات كلها .
طرشت ايميل حق حمود وقتله اني ماتوقعت منه كل هذا ونك قتله اني عطيته
صورتي وخبرته اني كنت مواعتنك ورا بيتنا وكل شي وطلعت الي فخاطريه فالميل
...وقتله ان تلفوني شالينه مني .
وكنت اتريا الرد منه بالميل وقالي انه ماكان يستوعب الي يقوله لان كان من
الساعه2 لين 4 الفجر يرمسون وماكان يعرف شو يقول والله قلبي عورني ماعرف شو
اقووول؟؟؟؟.المهم كتب انه يحبني ويموت فيه ومستحيل ينساني ويترياني
؟؟؟؟؟؟؟؟؟؟؟؟؟؟؟؟
طلال خبر اختي اذا رمست حمود او شكت اني ارمسه علطووول تتصل فيه او بمسج قالتله اوكيه وهو حلفاها قالتله اوكيه
وتمر الايام وماروووم استحمل والله اتعذبت وااايد فكري كله عند حمود وكل شي يذكرني فيه .
فحمود طرش مسج حق اختي الصغيره وكتب فيه قولي حق (م) تتصل فيه ضروري لانها
ماتعرف شو استوابي ؟ المهم اختي خبرتني ومارمت جان آخذ تلفونها واتصل فيه ؟
كان يصيح اول ماتصلت وسمعني شله الي يشلها عيضه بن طناف النهالي ( احبك
مووت احبك موووت والله وهتويك سكن تفي مهجت فوادي غلاك و اضنه ما يخيب ضني
فيك رجا قدر شعوري يا ملاك ابيك ابيك ياعمري ابيك) والله يوم سمعتها تميت
اصيح وحتى اني كنت ارمسه ونا واقفه والله اني ماعرف شو ياني صحت تحت يلست
ارمسه وقالي انه يحيني ويموت فيني ومايرووم يعيش من دووني قتله مارووم
ارمسك لان ولد عمتيه يعرف وشال تلفوني وذا رمت بتصل فيك من تلفون اختي ولا
من تلفون البيت قالي اوكيه ويترياني وطبعا مارمت اطول معاه لان كنت اخاف ان
اختي الثانيه اجوفني واتخبر طلال عالي استوى . ارتاحيت فهاليوم وااايد
وكان العيد الفطر ياي وقتله اني بسير بيت عمتيه الي فالعين اريد اغير الجو
شويه عقب الي استوى والي صار ..... وطبعا يا الرمضان وكنت دوووم عقب
الفطوور ارمس حمود واوعيه من الرقااد حق السحور وطلال مايعرف اني رديتله
.... ويا يوم اضاربت ويا اختي ونا كنت يالسه فحجرت امايه اتصل فحمود رمسته
كان هو ويا عيال اخته فديتهم شياطين وحبوبين وااايد كان امودنهم الدكان (
البقاله) قتله اذا مشغووول خذ راحتك قالي لا انا ماصدقت انج اتصلتي تبيني
ابند ماببند المهم اختي يت وجافتني ارمس في التلفون شكت وتمت يالسه
وسالتني اترمسين منو تلها ربيعتيه قالتلي لا قتلها هيه ربيعتيه ؟ وجان
اتعيد الرقم وجافت رقم حمود وراحت عني عقب وطرشت مسج حق طلال وقالتله اني
رمست حمود ويوم طلال قالي قتله انها جذابه ونامارمسته ( وماعرف كيف جلب
خواتي عليه انا ) قتله اني كنت مضاربه وياها عشان جي خبرتك . الله يعلم جان
صدقني ولا لا المهم صدقني .
قتله اني بسير العين قالي لا تسيرين ابا اجوفج يوم العيد قتله اسمحلي ابا
اغير الجو عقب الي استوى قالي على راحتج ومابمنعج قتله اوكيه .....
المهم يا عيد الفطر وكنت في لعين بيت عمتيه وكنا مستانسين هناك وااايد
دوووم نظهر من البيت مع الدريول ومستانسين وااايد اشتقت حق حمود وااايد
وبغيت اتصل فيه عشان اعايده بالعيد وخذت تلفون بنت عمتيه وعطتني التلفون
قالتلي حق منو بتتصلين قتلها حق حمود قالتلي جي انتي ماترمسينه قتلها لا
قالت شو السالفه وطبعا خبرتها السالفه . ونا نسيت اقولها لاتخبرين خواتي
فاتصلت حق حمود وعايته كان راااقد فديته والله المهم سلمت عليه وبندت قالي
متى بتتصلين قتله اذ حصلت تلفون بتصلبك قالي اوكي يترياني. والفليل كنا
يالسين كلنا ويا خواتي وبنات عمتيه الثنتين انسولف وجان بنت عمتيه قالت حق
خواتي (م) رمست حمود اختي تمت اطالعني وطالعتني بحتقار حسيت انها بتصيح
وجان اتنش من عدنا وسارة الحجره الثانيه قلت حق بنت عمتيه ليش خبرتيها
قالتلي جي ماتعرف قتلها لا قالتلي مادري ... وطلال طبعا درى
بالموضوووووووووووووع وقتله واختي بعد قالتلي ان طلال من زمان متصل فيها
وسابني عندها وقالتلي ليش انتي جي جلبه تربعين وراه وسابنج بعد وانتي
اتردين اترمسينه ماعندج سالفه يووم اترمسينه وبنت عمتيه درت بالسالفه وكل
شي يستوي بيني وبين طلال يخبر اختي والله شو اتريا منه ؟؟؟ مدام كل شي قال
عني شو اباه واكبر دليل انه رامس عني جدام حمود ؟؟؟ المهم قالولي
لاترمسينه قتلهم اوكيه ؟ يوم يتصل مارد عليه يطرش مسجات مارد عليه هو يتصل
على اختي عشان يتطمن عني وقال يوم بترد دبي بترمسني المهم ردينا دبي عقب
العيد والصراحه طلال من النوع الذكي وماعرف كيف يخليني اردله دوووم
نتضارب واردله معني احلف اني ماردله..... يتبع

مشكووور نورت صفحتي

بارك الله فيك

رووووووووووعة
سلمت يمينك
يعطيك الف عافية