قولو لها تمضي برحلتها عن عيون الانام !

،" 





غيبي فمان الدمع ماعاد لمشاعرنا كلام



ـــــــــ في غيبتك حتى الشجاع يهزه الشوق ويـ لين 





ماهي جديده والحزن دايم على صدري ينام 



ـــــــــ حتى ذبل غصني وجف الدمع من كثر الحنين 





الله معك يامسافره غيبي عن العين بسلام



ـــــــــــ وخوذي بقايا ذكرياتي لا عزمتي تبعدين





شاءت مواعيد الزمن تبقى نهايتنا الختام



ـــــــــــ ويموت حلم وصالنا على ضفاف الغائبين





أحباب دايم نلتقي نرحل ورى حدود الغمام



ـــــــــ وأغراب مانلمح من الدنيا سوى وجه ٍ حزين





جيتي أنوثه تمتلي طهر ومهابه وأحتشام



ــــــــــ ورحتي غريبه عن وطن كنتي لأرضه تنتمين





عينك مدينه من حزن بأهدابها طاب المقام



ــــــــــــ تشبه تفاصيل الضحايا في بلاد الرافدين 





فضلّتي العزله وعشتي ماتحبين الزحام



ــــــــــ خارج عن السرب بحياتك بالجروح تغرّدين 





كنتي كئيبه ومنهكه ودنياك يلبسها الظلام 



ـــــــــــ تطوين بدروب الهجير الحزن وأنتي ماتبين 





ويمر عام بغيبتك وإنتي معي في كل عام



ــــــــــ و أنا ألمحك طيف ٍ اشوفه في وجيه العابرين





قولوا لها تمضي برحلتها عن عيون الأنام



ــــــــ وتترك وراها ذكريات الأمس وأوجاع السنين





غيبي فمان الدمع ماعاد لـ مشاعرنا كلام



ـــــــــ في غيبتك قلب الشجاع يهزه الشوق ويلين









راقت لي 



دمتم بخير