يا بحر بسألك ليش أمواجك الليلة تعاني

.......................... أ نت مثلي يا بحر قبل أمس فاقد لك حبيبه


أنت متضايق عشانك ولا متضايق عشاني


......................... اسألك بالله قلي يا بحر وش المصيبة ؟


ولا اقول : اسكت وأنا بحكي عن اللي لك خذاني


...................... ببتدي معك الكلام وكل ما عندي بجيبه


تذكر اللي لا لفتني بشر القلب المعاني


........................ تذكر اللي كلها حب وغرام ونهر طيبة


تذكر اللي صوتها تشتاق له حتى المواني


............................. كل ميناء يسأل الثاني إذا طول مغيبه


تذكر اللي في كفوفي تشعل الدنيا اماني


............................ تذكر اللي نورها سود الليالي تقتدي به


تذكر اللي سلهمتها تقلب الساعة ثواني


.......................... تذكر اللي عطرها حتى طيورك تحتفي به


تذكر اللي علمتني كيف اروض هالمعاني


............................ كل ما مرت علي رخت للشعر انتخي به


تذكر اللي كل صبح تمرني باحلى تهاني


........................ صار كل العمر عيد وصارت اقرب من قريبة


قبل يومين تركتني ورحلت مع شخص ثاني


......................... شخص ما كانت تحبه بس ما ادري وش تبي به


ادري اني من سببها كاسرٍ خاطر زماني


.............................. و ادري اني اول انسان كسر خاطر نصيبه


وادري أن الله خذى مني مثل ما هو عطاني


.......................... وادري ان الغالية راحت رضى ماهي غصيبة


بس اقول الله كريم وعمر كل الناس فاني


............................. والمكان اللي خلا من زولها وش ينبغي به


مدخلك بالله قلي حط نفسك في مكاني


........................... وش تسوي يا بحر لا صارت فاقد لك حبيبة

سلمت أناملكِ الذهبية عالطرح الرائع
الذي أنار صفحات المنتدى
بكل ماهو جديد لكِ مني أرق وأجمل التحايا
على هذا التألق والأبداع

مأراوع قلمك حين يصول ويجول

بين الكلمات تختار الحروف بكل أتقان ..

تصيغ لنا من الأبداع سطور تُبهر كل من ينظر إليها ..

دائمآانتي متألقه

روعه اخي ما طرحت
يعطييك الف عافيه
مشكوووور


يسلمو

فشكرا لكم على هذا المرور الأروع

ولا حرمنا الله من طلتكم

وبارك لكم وبارك فيكم