هبايب شماليه على قلب جنوبي

تذكير بمساهمة فاتح الموضوع :

هبوب الشمال اللي براده يهز الجاش
يبيّح خوافي قلب رجالٍ أخفاها

يعرّض بجوفه كيمراته بدون فلاش
وبانت في الصوره ولاعاد غطاها

وانا كن ظهري شايل خباش والا جاش
جبالٍ ما يعرفها سوى من تعلّاها

غدى نبض قلبي مثلما ثورة الرشاش
وانا خايفٍ عيني يخون الجفن ماها

تعذّر بعذر امحق وماسك لها منقاش
عسى عاذلي لايطرب النفس بمناها

درست الزمان وجاش في داخلي ماجاش
هذا اول سنين العمر ياكيف بأتلاها

عرفت الرجال وقلت عاش التجاهل عاش
الا حسرتي من حاجة الناس مقساها

وياكم تعزوينا عزاوي ولكن ماش
برد وجه راعيها ولاطاب مسعاها

يا كم واحدٍ لولا عطاياه قلنا لاش
ولولا مقاصد عازته كان مااعطاها

وكم واحدٍ ترهى صحونه بشحم كباش
على شان مركز كرسي الضيف (ذكّاها)

كريم المصالح عند وقت الحظا ينحاش
لو ان جارته ماتت من الحيم مااسقاها

وكم واحدٍ لأجل اريش العين يدفع كاش
عطايا يقدمها من الكثر ما احصاها

يغطّي حنين امه بالاعذار والمطراش
يا جعله نذر لأمه وفدوه لماطاها

وكم واحدٍ من شان شفّه دخل الانعاش
عيونه على حاجه توفّى ولاجاها

دروس التجارب ترشد الفاهمين بلاش
ولايخسر بها غير رجلٍ تناساها

بيوت الرجال الغانمه لو تكون (أعشاش)
علي الحرام ان اهلها ساس مبناها

على اللي مجالسهم تعمّر بدون احواش
سلامي عدد ماكرّموا من تنصّاها

بحور المراجل دونها يتعب الطواش
عيونه تشوف اللول وايده ما تلفاها

كفوف الشجاع يبين فيها دسم وعراش
وكف الذليل الله بالجوع يبلاها

سلامي على اللي في جروح النوايب شاش
ليا شاف نفسك موجعه حضّر دواها

في العافيه حازم ووقت اللقاء بطّاش
مساوي لكسب رضا عوانيه سواها

هذا صفحته بيضاء ولاجاتها الادباش
بذكره يشوش الراس والوجه يتباها

له الصدر مسكن ينزله والفواد فراش
معزز مكرم في المعاليق وحماها

وترفع له البيضاء على راس قرن خباش
ومن قدّم الجودات لابد يلقاها

ومن يدرس الدنيا عطاها الظهر وانحاش
تصافق بلاويها والاقدار تحداها

ويانفسي اللي غايتش روحت ومناش
ياكم واحدٍ فاتت صلاته وخلاها

لو ان الفضايح في البشر تنستر بقماش
ماكان البيوت الخاربه شين مجناها

هذي حالة الدنيا لكن النهايه ماش
تميت الهموم اللي كتمها وغطاها

وما دامها هزّت شمال وسرت بالجاش
تهيّض بها قلب (الجنوبي) وغنّـاها
هذي لي اغلا شماليه شمريه
من قلب جنوبيه
هبايب شماليه على قلب جنوبي - صفحة 2 3_1252413214

هبايب شماليه على قلب جنوبي - صفحة 2 3_1252413214

لكم الشكر والتقدير على هذا المرور الكريم
يسعدني ويشرفني مروركم العطرأروع
دمتم بحفظ الله ورعايته.

جمييل

تحياتي

لكم الشكر والتقدير على هذا المرور الكريم
يسعدني ويشرفني مروركم العطرأروع
دمتم بحفظ الله ورعايته.

» تدمير 16 بيارة و5 خزانات وقود جنوبي الشيخ زويد ورفح