ودِّي أمُـوتْ .. اليُـوم ... وأعيـش باكـر

ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي فـ العَـزا كـان حاضـر
ومِنْهو دعى لي فـي " صلاتـه " ورحمنـي:SnipeR (37):
ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي

ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي مات وحضنِّـي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي

صحيح مسلـم .. لكــن الهم كــافر
كل ما بغيت أضحك .. يهددني حزني

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي

عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي
قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!

( شاعـر ) ولكنِّـي .. مانـي بـ شـاعـر
ودِّي أمـوت اليـوم .... وأرتـاح منِّـي !!

يشرفني ان اضع بصمتي المتواضعة

في موضوعة و يبن كلماتك العضيمة انت مبدع

الله يعطيك العافية مشكور ننتظر جديدك

تحيــــــــــــــاتــي

سلمت الانآآمل الرآآقية
اانتقآآء جميل وطرح اجمل
لا عدمنآآ التميز والابدآآع
شوقي لجديدكـ
ودي ،،

،،

ولاااااااااااااا اروع من هيك

رووووووووعـــــــــــــــــــــــــــــــــــــــــــــــــــة

فشكرا لكم على هذا المرور الأروع

ولا حرمنا الله من طلتكم

وبارك لكم وبارك فيكم

سلمت يمينك
على الطرح المتميز
يعطيك العافية

» ودِّي أمُـوتْ .. اليُـوم ... وأعيـش باكـر