نصيحة في الحياة وفي الحب

تذكير بمساهمة فاتح الموضوع :



الحياة مش عايزه الانسان اللى ينتظر انه ياخد حاجة منها بدون تعب او جهد او نشاط من نحيته
الحياة عايزه الانسان اللى بيسعى واللى بياخد بالاسباب بكل ما يملك ثم يتوكل على الله ويفوض اموره فى كل شىء
الحياة مش هتعطيك اللى انت عايزه وممكن تبتلى فى اعز حاجة بتحبها عشان كده متتمسكشى بحاجة وفى نفس الوقت اعطى كل حاجة حقها
الحياة عايزه اللى يتكيف عليها وبكل اوضاعها مش اللى يترض ويقول ليه حصل كده وحصل ازاى
الحياة عايزه صبر ورضى وانك تعمل اللى عليك ,, متبصش للى اعلى منك بص دايما للى اقل منك , ومش معنى انك تكون راضى عن حياتك انك تستسلم على اوضاعك , ولكن حاول توصل واجتهد ومتستسلمشى
الحياة على اد هى متعبه , ولكن لو وجدت ثمرة تعبك فيها هترتاح كتير ويمك ده يكون اللى ممكن يسعدك فيها

الحب
اجمل احساس هتشعر بيه واجمل شىء فى الحياة ولكن عذابه والامه اصعب من اى الم نفسى تانى ,,
الحب احساس هياخد لابعد مما تتخيل هتحس بسعادة بداخلك لا يعادلها اى سعادة اخرى , هتحس انك مش عايز اى حاجة من الدنيا الا انك ترتبط باللى تحبه ,, ولكنه مؤلم وصعب وممكن ياخد من قمة الشىء ويرميك اسفله لذلك لابد من الحظر ,,

لا تبحث عمن تحبه عشان اضرار اكتر بكتير , ولكن ابحث عمن يحبك لنفسك واللى مستعد انه يسعدك , هتحس معاه بالامان وبالتدريج هتحس بقيمته فى حياتك فهتحبه اكتر

لا يغرك احساس الحب الجميل , اكتر ما يغرك عذابه الشديد لو اندمجت فيه , لذلك احظر من الدخول فى قصة حب متنبأه بالفشل من البداية عشان متدمرشى

خالى بالك من قلبك ومتعطهوش لاى حد عشان لو انكسرت او اتعذبت هتتعب بعد كده وممكن استحالة قلبك ينفتح مرة تانية ومن هنا خطورة الحب

جرح الحب جرح صعب لايوجد ليه اى دواء ومفيش دواء ليه وهتلاقى نفسك بتدمر يوم بعد يوم ومن هنا الخطورة , والجرح صعب يتلأم لانه صعب انك تسد الجرح لانه هينذف معاك ومش هتقدر تكتمه ومن هنا خطورة الحب

لذلك احفظ قلبك ولا تعطيه الا لمن يستحق واللى تحس منه بانه يحبك , ولا تبحث عمن تحبه لانه قد لايبادلك نفس الشعور فهتتعب ولكن ابحث عمن يحبك وتاكد انك ستسعد معه

وياريت لو عرفت تقفل قلبك اقفله , الحب مبيجيش وراه الا العذااااب والالم حتى لو حسيت انك بالحب ده فى احساس لم تحسه قبل ذلك ولكن الامه اشد وعذابه ابقى وجرحه ادوم من اى شىء اخر