واعدابي منك

واعذابي منك يا صوت الربابه
كم بحثتي خافي النفس العليله

بين قوس وسلك ولحونك تشابه
الوتر واحد ومن حطّه .. يشيله

كل جرّه منك ما معها مجابه
ما كسبتي من مجاريرك جميله

أتركيني لا تزيديني صبابه
خاطري مشحون وسموعي ثقيله

العوا لو قطّع حلوق الذيابه
كل ذيب ٍ زاد بعواه وعـويله

ليه عيّا يفتح النسيان بابه
نعمة النسيان ماهي مستحيله

من طواه العشق ..وأعياه.وغدابه
قام يهدم حالته .. ويهدّ حيله

كل ما هبّ الهوى جددّ صوابه
الذواري زادت الحمّى مـليله

ما يدوّر غير دعوه مستجابه
كان ما الله راحمه واعزّتي له

أتفكّر بالسؤال ..وبالإجابه
وأتذكّر كل يوم .. وكل ليله

وين غاب اللي محيّرني غيابه
غايته عيّت تبررها وسيله


عقب حبّه في ضميري شقّ نابه
وهلّ في صدري غلاه وسال سيله

شدّ عنّي ما ترك لي من زهابه
غير باقي سيرته والله وكيله

في جراهيد الجفا هجّت ركابه
عقب قيّدني على راس الطويله

ليت قلبي ما قطف زهرة شبابه
وليت وجدي ما شرب من سلسبيله

أن عذرته .. ما على الدنيا غرابه
وأن تركته .. كل مخلوق وسبيله

مير ليته يسمع الودّ وجنابه
في جناب الود غنوّا فيه شيله !!

رآآئع اخي

يعطيكـ الف عآفيه لمآ طرحت

يسلمو

ابداااااااااع روووعه ااخي

الله يعطيك العافيه

سلمك الله
بوركتي
،
،