بـعده وأنا تـحت السـماء فوق طوفـان

بعد التعب عودت مثل أي إنسان
بأنسى همومي مثل ماالناس ناسين


قعدت أقلب في الفضاء كوم بلدان
من شاشة لشاشة .. ولا أدري على وين


قلت أنبش هموم .. وكواليس الأوطان
وأشــوف هالــلاهين في ويــش لا هـين


أول قنـاة .. وفلـم عـن قصة أخـوان
حبــوا فتــاة .. وفـرقــت بــين الاثنيــن


ثاني قناة .. و وجه .. أو .. لوحة ألوان
من لبـسها .. وش لبـسها .. ربك يعين


ثالث قناة .. و رقص .. واضواء .. والحان
أجساد معروضـة .. من يــدين لــيدين


رابع قنــاة .. وشــاب من بـين نســوان
يشرح لهن بإمعان .. عن موضة ألفين


خامـس قــناة .. ومـن صــبايــا لــفــنان
لا والله إلا زغــــردي يــا فــلـــسطــيــن


سادس .. وسابع .. كلها .. حملة إعلان
ثامن .. وتاسـع .. مـثل بــاقي العنــاوين


عاشـر قــــناة .. ومـنـظـر يـهـز الأبـدان
مـن شـوفـته ضـاقـت على دمـعـي العيـن


قـبلـة وأنـا تـحـت الـغـما .. بـين جـدران
حـول الحـطب .. وأقسـى علـى الـبرد ويلين


بـعده وأنا تـحت السـماء .. فوق طوفـان
وأحــس فــي صــدري ســـواة الــبـراكــيـن


مـنـظــر طـفـل ديـنـه نـسـخ كـل الأديـان
مـسـلـم يـعـرف الله قـبـل يـنـطـق الـسـيــن


مـنـظــر طـفـل مـسـلـم مـشـرد ومـنـهان
بين المطر .. والبرد .. والـجوع .. والطـين


عاري .. وخايف .. لأن كم طفل عريان
فـي مـثـل عــمـره وانــدفـن قــبل يـومـيــن


جايع .. ومـن كـثر الـقـناعـة والايـمـان
يـسـكـت ويـقـرا الــحـمــد ويــقــول آميــن


صـوتـه عـتـاب .. ورعـشـة يدينه احزان
ونـظرة عـيـونه مـثـل طـعـن الـسكـاكــيـن


فـي قـلـب مـن لـه قـلـب مـفـعـم بالايـمان
وفـي عـيـن مـن لـه فـي زمـان الدجـى عـين


يــا الله يـالـلـي عـــنـدك الـــنـاس ســيـان
تـجـار وضــعـوف وعـــبــيــد وســلاطـيـن


حـنـا عــبــيدك وانــت يـاعـالـي الـشــان
أدرى بـخـبـث وغـطـرسـات الــمـلاعـيــن


يـــارب تــدحــر كــيــد عــبــاد الاوثــان
وتـعــز نــاس هــمــهــا نـــصــرة الــديــن

يعطيك العافيه ع الطرح الجميل
يسلمو

كالعادة ابداع و تميز

الله يعطيك العافية على الطرح المتميز

في انتظار جديدك

تحياتي

شكر جزيلا للطرح القيم
ننتظر المزيد من ابداع مواضيعك الرائعه
تحيتي وتقديري لك
وددي قبل ردي .....!!