عبق المشاعر

عبق المشاعر


( اصعب سؤال ) اللي جوابه للأسف مثله ( سؤال ) !!

ما هو تفلسف !! الا موقف صار واسمع " ثاني بيت" :



البارحه يومه سأل : ( وش ذكرك ذيك الليال ؟ )

كان الجواب بكل بساطه : ( من متى اصلا نسيت ؟ )



ادري بان جمع ( الصعوبه والبساطه ) شي محال !!

لكنها صارت كذا ! واللي (( اهم )) اني دريت :


ان الحياه فبعد أحبابك اذا جف الوصال

أتعيشها لو تقتنع انك خلاص أصبحت ( ميت !!)


يا صاحبي لو كل شي يمر بالخاطر يقال

ما كانت العبره تــــولجني اليامنك طريت ؟!


شفني قدرت احبس دموعي بس ( دمع القاف ) سال

ويا كبرها ساكت ولكن داخل أوراقي بكيت !!


عمر الحكي ما كان دافي لاابتدى بقولة تعال

لجل أتجاهل رجفة حروفي اليا مني حكيت ..


الحال في بعدك قسم بالله ما اسميه حال

أنوي على الضحكه وأحس كلي خطا لأني نويت ؟!


أتصور إنك من رحلت أشوفك لجسمي ظلال

لا شفته أمشي ببتعد واثره معي مهما مشيت !!


مدام يعني في بحرك لفرحتي مليون جال

وش فيه موجك ما ركد ؟ قربت أموووت وما رسيت ..


يرضيك ما عادت معي تفرق اذا جالك مجال

للأني اقتنعت انك نهايه واني ببطي ما بديت !!


صرت ( أعقد حجاجي ) اذا جابوك باطراف الجدال

وأنا قبل لاقالوا أسمك كني : ميت ثم حييت ..


تعبت أعيش الدور وأفتح للمعاذير الخيال

وأتخيل إني جيت في بالك وبإنك أستحيت ..


وتردلي كلك (( وله )) وتقول : ( كن البعد طال ؟ )

ومن الفرح ما عاتبك واقول : ( ياخي مابغيت ! )


حتى أنا تخيل حشمتك ! لن قلبي لا يزال

يكرر أسمك داخل أعماقي بنبضـه لا سهيت ..


قلي شسوي فيك ؟ وأنت بداخلي أصدق مثال وسريت ..

ربي يصبرني على الفرقا مدام الحظ مال

وأنت بيجيلك يوم تعرف ليه في بعدك شكيت ..


واذا بلاك الله وعذبك اشتياقك (( بس تعال ))

واقرأ القصايد في غيابك كـلُ أبووها بيـــت ... بيـــت ..


بتدرى إن ( أصعب سؤال ) اللي يجي رده ( سؤال )

لا قلتلي ( وش ذكرك ؟ ) ثم قلتلك ( متى نسيت ؟ )

تسلمم إيدكگ

م ننحرمم منن جديدكگ

شكرا لك على الموضوع الجميل و المفيد

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر