ﻗﺒﻞ ﻣﺎ ﻳﺪﺧﻞ ﻟﻠﻤﺪﺭﺳــﺔ

ﻗﺒﻞ ﻣﺎ ﻳﺪﺧﻞ ﻟﻠﻤﺪﺭﺳــﺔ ﻳﻌﻠﻤﻮﻩ ﺍﻟﻜﺬﺏ ﻗﺎﻟﻚ ﺑﺎﺑﺎ ﻣﺎﻧﻴﺶ ﻓﻲ ﺍﻟﺪﺍﺭ ... ﻛﻲ ﻳﺪﺧﻞ ﻟﻠﻤﺪﺭﺳﺔ ﻭ ﻓﻲ ﺍﻟﻌﺎﻣﻴﻦ ﻟﻮﻻﻧﻴﻦ ﻳﺘﻌﻠﻢ ﺍﻟﺴّﺐ ﻳﺎ ﺑﻬﻴﻢ ﻳﺎ ﺟﺤﺶ ... ﻓﻲ ﺍﻟﺴّﻨﺔ ﺍﻟﺜّﺎﻟﺜــﺔ ﻳﺘﻌﻠﻢ ﺍﻟﺘﻨﺎﺑﺰ ﺑﺎﻷﻟﻘﺎﺏ ﻭ ﺍﻟﺘﻤﻘﻌﻴﺮ ﻋﺎﻟﻨﺎﺱ ﻳﺎ ﻟﻌﻮﺭ ﻳﺎ ﺃﻋﻤﻰ ﻳﺎ ﻗﺰﻡ ﻳﺎ ﻭﺻﻴﻒ ... ﻓﻲ ﺍﻟﺴّﻨﺔ ﺍﻟﺨﺎﻣﺴﺔ ﻭ ﺍﻟﺴﺎﺩﺳﺔ ﻳﺒﺪﻯ ﻳﺘﻌﻠﻢ ﻓﻲ ﻗﻠﺔ ﺇﺣﺘﺮﺍﻡ ﺍﻟﻜﺒﺎﺭ ﻭ ﻳﺒﺪﻯ ﺑﺎﻟﻤﻌﻠّﻢ ﻭ ﺍﻟﻤﻌﻠّﻤﺔ ﻣﺘﺎﻋﻮ ... ﻳﺪﺧﻞ ﻟﻠﻴﺴﻲ ﻳﺘﻌﻠﻢ ﺍﻟﻐﺶّ ﻭ ﺍﻟﻜﺬﺏ ﻳﺒﺪﻯ ﻳﻔﺴﻜﻲ ﻭ ﻳﻨﻘﻞ ﻓﻲ ﺍﻟﺪّﻭﻓﻮﺍﺭﺍﺕ ﻭ ﻳﻘﺘﻞ ﻋﻤّﻮ ﺑﺎﺵ ﻳﺎﺧﻮ billet d'entré ... ﻓﻲ ﺍﻟﺜّﺎﻟﺜﺔ ﻭ ﺍﻟﺮّﺍﺑﻌــﺔ ﺛﺎﻧﻮﻱ ﻳﻜﺒﺮ ﻋﺎﺩﻩ ﻭ ﻳﻮﻟﻲ ﻳﺤﻂ ﺍﻟﺠﺎﻝ ﻓﻲ ﺷﻌﺮﻭﺍ ﻭ ﻫﻲ ﺗﻮﻟﻲ ﺗﻠﺒﺲ ﺍﻟﻤﺤﺰﻭﻕ ﻭ ﻳﺘﻌﻠﻤﻮﺍ ﺍﻟﺘّﺒﺰﻧﻴﺲ ﻭ ﺍﻟﺘﺤﺮّﺵ ﻭ ﺗﺨﺪﻳﻢ ﺍﻟﻤﺦ ... ﻳﻮﺻﻞ ﻟﻠﺒﺎﻙ ﻳﺒﺪﻯ ﻣﺮﻳﻘــﻞ ﻣﺘﻌﻠّﻢ ﺍﻟﺪّﺧﺎﻥ ﻭ ﺍﻟﺸّﻴﺸﺔ ﻭ ﺍﻟﺮّﺍﻣﻲ ﻭ ﺟﻤﻴﻊ ﺃﻧﻮﺍﻉ ﺍﻟﻌﻨﻒ ﻭ ﺍﻟﻌﺮﻙ ﻭ ﺍﻟﺘّﺮﻫﺪﻳﻦ ﺍﻟﻜﻞ ﻭ ﻛﻞ ﻓﻨﻮﻥ ﺍﻟﻜﻼﻡ ﺍﻟﺰّﺍﻳﺪ ﻭ ﺍﻟﻐﺸّة ... ﻳﺪﺧﻞ ﻟﻠﻔﺎﻙ ﻳﺘﻮﺳّﻊ ﺍﻟﻨﺸﺎﻁ ﻭ ﺗﻮﻟّﻲ ﺩﻳﺎﺭ ﻭ ﺳﻬﺮﻳّﺎﺕ ﻭ ﺑﻮﺍﺗﺎﺕ ﻭ ﺑﻴﺮﺓ ﻭ ﺷﺮﺍﺏ ﻭ ﺯﻃﻠــﺔ ﻭ ﺑﻨﺎﺕ ... ﻋﺎﻣﻴﻦ ﺑﺎﻟﻀﺒﻂ ﻓﻲ ﺍﻟﻔﺎﻙ ﻳﻮﻟﻲ ﻳﻌﺼﻲ ﻭﺍﻟﺪﻳﻪ ﺑﺪﻋﻮﻯ ﺃﻧﻮ ﻛﺒﺮ ﻭ ﻭﻟﻰّ ﻣﺴﺆﻭﻝ ﻭ ﻣﻌﺎﺩﺵ ﻳﺴﻤﻊ ﻛﻼﻣﻬﻢ ... ﻳﺘﺨﺮﺝ ﻣﻦ ﺍﻟﻔﺎﻙ ﻳﺪﺧﻞ ﻳﺨﺪﻡ ﺃﻭّﻝ ﻣﺎ ﻳﺘﻌﻠﻢ ﺍﻟﻘّﻔﺔ ﻭ ﺍﻟﻔﺼﻌﺔ ﻭ ﺍﻟﺘﻜﺮﻛﻴــﺮ ﻭ ﺍﻟﺴّﺮﻗﺔ ﻭ ﺍﻟﺘﺰﻭﻳﺮ ... ﻳﺸﺮﻱ ﻛﺮﻫﺒﺔ ﺃﻭﻝ ﻣﺎ ﻳﻌﻤﻞ ﻳﺤﺮﻕ ﺍﻟﻀﻮّ ﻟﺤﻤﺮ ﻭ ﻛﻞ ﺁﺩﺍﺏ ﺍﻟﻄﺮﻳﻖ ... ﻫﺬﺍ ﺍﻟﻜﻞّ ﻭ ﻣﺴﺘﻐﺮﺑﻴــﻦ ﻋﻼﺵ ﻣﺎﻋﻨّﺎﺵ ﻣﺠﺘﻤﻊ ﻭﺍﻋﻲ ﻓﻴﻪ ﻣﻮﻇﻔﻴــﻦ ﻣﺤﺘﺮﻣﻴـــﻦ ﻭ ﻛﻮﺍﺩﺭ ﻧﻈﺎﻑ ﻭ ﻣﺴﺆﻭﻟﻴﻦ ﻧﺰﻫﺎﺀ ﻭ ﻣﺪﻳﺮﻳﻦ ﻋﺎﺩﻟﻴﻦ ﻭ ﻋﻤﺎﻝ ﻣﺜﺎﺑﺮﻳﻦ ﺍﻟﺦ ﺍﻟﺦ ... ﻳﺎ ﺳﻴﺪﻱ ﻫﺎﺫﻱ ﻧﺘﻴﺠــﺔ ﺗﺮﺑﻴﺘﻨﺎ ﻭ ﻣﺠﺘﻤﻌﻨﺎ ﻭ ﻋﻘﻠﻴﺘﻨﺎ ... ﻭ ﺍﻟﻌﺒﺪ ﻭﻟﺪ ﺑﻴﺌﺘﻮ ﻭ ﻣﺤﻴﻄﻮ ﻭﻟﺪ ﺃﻣﻮّ ﻭ ﺑﻮﻩ ﻭﻟﺪ ﻣﺪﺭﺳﺘﻮ ﻭ ﻛﻠّﻴﺘﻮ ... ﻫﺎﺫﻱ ﺑﻀﺎﻋﺘﻨﺎ ﺭﺩّﺕ ﺇﻟﻴﻨــﺎ ...ﺍﻟﻄﻔﻞ ﻳﺘﻮﻟﺪ ﻋﻠﻰ ﺍﻟﻔﻄﺮﺓ ﺍﻟﺴﻮﻳّﺔ ﺍﻟﻨﺰﻳﻬﺔ ﻭ ﻛﻞ ﺃﻧﻮﺍﻉ ﺍﻟﺨﺒﺚ ﻳﺘﻌﻠﻤﻬﺎ ﻣﻦ ﻋﺎﻳﻠﺘﻮ ﻭ ﺣﻮﻣﺘﻮ ﻭ ﻣﺪﺭﺳﺘﻮ ﻭ ﺍﻟﻤﺴﺆﻭﻟﻴﻦ ﻣﺘﺎﻋﻮ ﻭ ﺯﻣﻼﺋﻮ ... ﻫﺬﺍ ﺇﻧﺘﺎﺟﻨﺎ ﻭ ﻫﺎﺫﻱ ﻣﺼﺎﻧﻌﻨﺎ ﺷﻨﻮّﺓ ﺧﺮﺟﺖ .. :')

ههههههههههههههههههههههههه

يسلمو

ههههههه معك حق ي الغلاا

يسلمو

موضوع في قمة الروعه
لا عدمنا التميز وروعة الإختيار
دمت لنا ودام تألقك

يسلمو على مروركم وردودكم الحلوة
التي زادت من حلاوة موضوعي
يسلمووووووووووووووووووووو