ارفع راسك فوق انت ابن البلد دى مصر

تذكير بمساهمة فاتح الموضوع :

ارفع راسك فوق انت ابن البلد دى
خليك فخور وماحدش يكسرك ابدا
لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب الرصيف
يبقى مصرى
- لما تصلى الصلاه وتبص تلاقى واحد ماتعرفوش بيمد لك ايده ويقولك تقبل الله
يبقى مصرى
-لما قبل رمضان وقبل كل الاعياد والمناسبات تلاقى كل الناس مش عارفين بعض بس مافيش على لسانهم غير كلمة كل سنه وانت طيب
يبفى مصريين والمصحف
- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكسى ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني الاجره يبقى مصرى وابن بلد كمان

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية وبنموت فيها طبعا

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات

ويضحك اللى حواليه وكل العالم يتكلم عليه وعلى خفته


يبقى مصـــــــــــــــري

روووووووووووووعة
يعطيك العافية على الطرح المميز
وشكرا لك