احبك موت احبك يا عراق انته .

مليت العشك بس من حجي العشاك كل واحد يجي يسولفلي مشكلته.


ولا واحد سمع مشكلتي من اعماق كلبه وترك مسئلته .


مو مشكلتي عاشك لو احب معشوك ولا مغرم كليبي بوحده عاجبته.


ولا كلبي تعذب من عشك محبوب وكلبي من الغرام مدمر اوردته.


مشكلتي احس باحساس ما محسوس وروحي من الحنين كليبي ماردته .


احب الدنيه احب الناس احب الخير يسري وينشر اشرعته .


واريد الظلم ما موجود ما يرجع راح انتهه وكته .


هذا احساس احسه يا صديق ارجوك افهم كلبي وعلته .


ما اريد انذكر يدور مراكز صار يدور بس غني والعالي مرتبته .


ولا اريد انذكر يكنز ذهب وفلوس وجاري فارغه سلته .


لان اكبر غني تفكيره بس بالمال وحسباله الذهب والمال مملكته .


يمنع حق زكاته ويكره التصديق وجهنم تالي طالبته .


لان الله الغني والمعتلي علله الكون سبحان العلي وسبحان مقدرته .


وتره احسن غني اللي يحب الناس ولا يفرق ابين ابناء منطقته .


لا هذا بغدادي وذاك من تكريت ولا هذا يزيدي الروح رافضته .


ولا ذاك لكنته من هذاك الصوب وهذا كردي وصعبه سالفته .


ما عندي حقد ما عندي اي تفريق لأن كلنه عراق ابأصل مكتبته .


ومشكلتي بضياع شلون بالبعاعوك باعو بالوطن وفرهدو سلته .


وياهو اللي تكله هذا لا ميصير يكول الما يفرهد هاي مشكلته .


مشكلتي واحساسي عشك والمحبوب ارضك يا وطن وبروحي ما عفته .


مشكلتي احبك هالمتيم بيك احبك يا عراق انته .


احبك موت احبك يا عراق انته .

شكرا لك

شّڳَرًأِ لًڳً ۶ـلّى أًلّمُوٌضّوِعُ أًلٌجٌمًيّلّ وِ أِلًمُفًيِدَ

جّزَأٌڳُ أًلِلًهٌ أًلٌفً خّيًرُ عُلَى ڳَلّ مٌأً تًقٌدّمًهِ لًهَذٌأُ أَلّمًنَتًدَى

نّنِتَظِرً أِبّدًأِعّأَتًڳُ أِلُجُمٌيٌلٌة بّفُأًرَغُ أُلَصّبِرٌ

سلمت يمناك على الطرح
يعطيك الف عافية
تحياتي لك