رخص بي يوم اني على صوته اطيعه

تذكير بمساهمة فاتح الموضوع :

رخص بي يوم انّي علـى صوته أطيعه
رخص بي يوم الحـــب موثوق ابكياني
رخص بي يوم احلامـــي بْخدّه رضيعه
رخص بي ببخس كلمتين انْسى زماني
نسيت افْعاله والسما بْصدري وسيعه
نسيت الناس ومانسيـت اللي نساني
أنــا أدري ماني من النـــاس الدفيعه
ولاني من هو بـــات صـدره كالمواني
ولاكن لــي قلبـــن لـه حْصونن منيعه
مشـــاف الغيره لـو أجاني من أجاني
تركت احْساسي بيـــن أنفاسه وديعه
ألين اسْمع بانّ الحـــزن فالكون فاني
عطيته وعطيته بــــــــــلا نضره دنيعه
أبـوق ايّــــامي لجْــــل يومــه مايعاني
كسيت الليل بْجملة الصبـح السطيعه
حبيبـــــي والله واحـــــدن حبّه كفاني
وانــــا مدري بـانّ الخيــانه له طبيعه
رماني له عضْم وْنسى ماضي زماني
وربـــي وحــده عالمــن ياهي شنيعه
حياتــي من دونه بــلا شمْس ومعاني
عطاني حـزْن وْضيقة الصدر وصقيعه
وخذ منّـــي حلْم السنين وْفي ثواني
سنين انْقصت كنّهــــا غْصونن رفيعه
سنين ابْهبّــت ريـــــح أنهارت مباني
تركني بنفـــاس اليتيـــم ابْــلا ذريعه
أعيــش ابْياليت القبــــر قبله دعاني
وياليت انّ القلـــــب بيدينــــــا نبيعه
أبيعه ونســـى يـــوم فــي حبه بلاني