من فقد نوره؟ قصه حقيقه حصلت في قريه قريبة من الرياض في السعوديه قبل أن تسمى الرياض

تذكير بمساهمة فاتح الموضوع :



قصه حقيقه حصلت في قريه قريبة من مدينة الرياض في السعوديه قبل ان تسمى الرياض .

كان هناك شاب اسمه : عايش
يعيش في هذه القريه وكان يحب بنت اسمها : نوره


, وفي يوم من الايام ذهب عايش لكي يخطب نوره ولكن ابو نوره رفض
لأن عايش كان على قد حاله وما عنده حلال ولا عنده فلوس كثيره, فشاف عايش
نوره بعد ما طلع من عند ابوها
وقالها : نوره انا راح يصير عندي فلوس وراح اشتغل وراح ارجع اخطبك واتزوجك ,
ونوره كانت تحب عايش فوافقت انها تنتظره . سافر عايش الى منطقه مرموقه في السعوديه وصار يشتغل في التجاره
ومرت الايام وصار عنده فلوس ورجع لقريته عشان يطلب يد نوره من جديد ويتزوجها
ولكن لما رجع القريه تفاجى ان نوره تزوجت لان ابوها اصر عليها انها تتزوج
وكان عندهم البنيه لازم تتزوج اذا جاها شاب قادر على الزواج.
وتفاجأ ايضا انها مو بس تزوجت بل هاجرت الى مكان ثاني مع زوجها
ولا احد من القريه يعرف المكان . فقام صاحبنا عايش وقال بيت شعر (ابنشدك عن نور القمر وشلون نوره)
وقرر يسافر ويدور على نوره . ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه كل حلالي
فقاله الامير وشو اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز.
فسافر الى قريه ثانيه وطرح عليهم نفس اللغز ومحد عرف الجواب
راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟)
محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح ومن بين الحضور كان زوج نوره موجود
فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه مالي وحلالي كله,
فقالت له: قولي وشو اللغز يمكن احله قالها(ابنشدك عن نور القمر وشلون نوره؟) فبتسمت نوره وقالت له :عرفت الجواب قال لها :صدق؟
قالت له :قوله(مثل السمك في البحر وشلون عايش؟)
فقام الصبح رجل نوره وراح وقاله: انا عرفت الجواب فقاله :
وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره.

جميلة القصة وتدل على معاني وفوائد كثيرة من أهمّها...

-جمالية وصدق الحب العذري القديم الذي يبقى عفيفاً وصادقاً رغم كل الظروف....
-البحث عن المحبوب والسؤال عن أحواله رغم أبتعاده وفراقه...
-شرف العلاقة بين المحبيّن في القِدم وتمثل علاقة نقاء وصفاء لا تتعدى حاجز التعاليم الاسلامية والعادات والتقاليد...
-جمالية وصدق السؤال "ابنشدك عن نور القمر وشلون نوره" وروعة الجواب "مثل السمك في البحر وشلون عايش؟"...
-الحب الصادق والحقيقي هو أن تتمنى الخير والسعادة للاخر حتى لو أبتعد وأرتبط مع انسان اخر....

لكن... وين نوره من فقدها؟

بارك الله فيكم وف مروركم الرائع
باقة شكر اهديها لكل من عطر صفحة موضوعي برده

شكرا الطرح الراقى
موضوع جميل