إحنا ودنا نحفر قبرك

تذكير بمساهمة فاتح الموضوع :


إحنا ودنا نحفر قبرك
وصبرك يالمحتل الخاسي ترانا جايين لقصرك
جينا جينا من جرح الكرامة وترانا جايين لعندك
إحنا من حمص العدية واسأل التاريخ يخبرك
يخبرك إنتو نحنا رجال
يخبرك إنو كلنا أبطال
شبان شيوخ وأطفال ..كلنا ودنا نحفر قبرك

إحنا من حمص الأحرار وكل حارة تصرخ بالثار
حمص تغني للحرية وهيي مصنع للثوار
كل يوم تقدم شهيد ..وشهيد يودع شهيد
والعاصي يمشي فرحان ..والعاصي كل يوم يزيد
وزيد ياعاصينا زيد ..كل يوم نودع شهيد
وأخت الشهيد تهنهنلو ..وأم الشهيد تزغردلو
وبعالي الصوت بتندهلو ..يابني سلم على ربعك
يابني سلم على حمزة ...يابني سلم على هاجر ..
يابني على مروة سلم .. ودخيلك لاتنسى عامر ..
ربي من عندو يغفرلك ..ربي من عندو يشفعلك
يابني إفرح ..يابني غني .. ترى جنات تنتظرك ..

وصبرك يابشار صبرك .. حنا ودنا نحفر قبرك
ياحيف أخ وياحيف ..بالدبابة تقصف شعبك
تاريخك ندل وخوان ..وتاريخك هو يشهدلك
أبوك باع الجولان ..وإنت هسع تدبح شعبك

ولاتظن إنو ننسى أو تضحك علينا بكذبك
عفوك هذا ردو لجوعك ..إحنا من يعفو عن مثلك
ماسمعت الناس تنادي وبعالي الصوت بتندهلك
مامنحبك مامنحبك إرحل ولي إنتي وحزبك
عفوك هذا ماعاد ينفع ...
الحرية نجم ويلمع .. الحرية شمس وتسطع
إسمع مني أنا قلك ..إسمع مني أنا علمك
عفوك هذا ماعاد ينفع ..وبصدري أقاب ومدفع
يلا إرحل ..يلا ولي ..ولي عنا إنتي وحزبك

موضوع عآلي بذوقهـ ,, رفيع بشآنهـ