كلام رجالي :اوعى تقولها لمراتك

تذكير بمساهمة فاتح الموضوع :

السلام عليكم
يله ياشباب المنتدى انتبهوا لهذه النصائح
+ أنتى حطيتى مكياج خلاص ؟

+ شكلك تعبانه أنهارده !!

+ أختك امورة جدا

+ هو لازم تاكلى الحاجات دى ؟

+ أيه دة ! لقيت عندك شعره بيضه .. تخيل أحساسك لو حد فى الشارع قالك على فكره انت هتصلع .. أحساس بايخ اكيد .. ده شعورهم

+ أنتى بقيتي بتحكمى بعواطفك

+ البنت دى جامدة اوى .. مهما كانت البنت اللى قدامك جامدة زى ما بتقول أياك تقول الكلمه دى بصوت عالى .. طبيعي تبصبص زى الحيوانات لكن مش طبيعى انك تقول الكلام ده بصوت مسموع

+ خطيبتى اللى فاتت كان عمرها ما هتعمل كدة .. ابدا ابدا أياك تحاول تقارن بين خطيبتك القديمه ومراتك او خطيبتك الجديده .. خطيبتك كانت قبل الكلمه دى مؤمنه انك نسيت اللى فات وبتكمل حياتك يبقى ليه بترجع للماضى .. وصدقنى مش هايعجبك تسمع كلام على نفس الطراز منها ..

+ أنتى عامله زى امك .. الكلمه دى شكلها حلو مش كدة ؟ مش دايما .. الستات ساعات بيخافوا يكونوا زى امهم .. وكلمه زى دى هاتدفع تمنها غالبا ايام وليالى من العياط والاحباط منها ..

+ مش عاجبنى اللى انتى لابساه دة .. لو مراتك لابسه حاجه يبقى اكيد عاجباها .. والا مكنتش ضيعت وقتها وفلوسها فيها .. كلمه زى دى بتخليها تتخيل انك مش عاجبك ذوقها فى اى حاجه ويمكن تشوفك متخلف .. لو مش عاجبك لبسها ممكن ببساطه تقولها بكلام عام فى مناسبه تانيه انت بتحب ايه من اللبس وهى لو ذكيه هتحاول تيجى على نفسها وتشوف اللى انت بتحبه.

+ أنتى عملتى ايه فى شعرك .. يع ... الستات بتحب تجرب كل حاجه فى شكلهم وساعات مش بتيجي زى ما هما عايزين .. بدل ما تديها كلام يسم الابدان حاول تبقى لطيف لانها ممكن تبقى متضايقه هى كمان من شكلها

+ لو مراتك سألتك شكلى عامل ازاى فى الفستان دة .. متقولهاش زى دبدوبه التخينه

+ لو مراتك كلمتك عن عيد جوازكم .. متقولهاش هو امتى ؟؟

+ لو مراتك سألتك والفرحه بتنط من عنيها : فاكر زى انهارده حصل ايه ؟؟ لما تعرف اياك تقول مكنتش عارف انك بتختبريني

+ لو مراتك سألتك نفسك فى ايه هديه عيد ميلادك .. أياك تقولها حبك وحنانك ..
والله انا قلبي عليكم
فجبتلكم هذا الموضوع استفادوا منه
ههههههههه

شكرا لك اختي

نورتي