حاول تفهم المضمون

تذكير بمساهمة فاتح الموضوع :


رايد أحجي بالصراحة حاير ابدي شلــــــــــــــــــون
اخذ مني هالكلام وافهم المضمــــــــــــــــــــــــــون
لا فاد الكلام وياك ولا قصيده وخابت وياك الضنون

كتلك ما احب غيرك وباقي عالعهد حد الجنـــــــــون
والعهد رمز الرجال عالمنيه وما تخــــــــــــــــــــون
تاهت القصة عليه ذوقك انت يالــــــــــــــــــــــــون

راح افهمك حالي اني وضعي كيف يكـــــــــــــــــون
بالحلاة شكلي بسيط لازرك والله ولا خضر العيـــون
ولا قصر إعلى الضفاف ولا ورث قـــــــــــــــارون

عندي بسمه اشفاف واملك الكلب الحنـــــــــــــــون
واملك الكلمه الرقيقه اطربت كل الشجـــــــــــــــون
بس انت بالحسن ربك يوم سواك بفنــــــــــــــــــون

مشكل بالحلاة شويه تين ومرة خوخ والطعم ليـمون
ياسمين ومرة عنبر شويه تربه وبالعسل معجــــــون
والعين سبحان الخلقها نحمد الله ساترها الجفــــــون

واخيرا للعراف كتله بالله حظي شوفه شلـــــــــــــون
كال انت ويا حبيبك تتقاربـــــــــــــــــــــــــــــــون !!!
كتله فرحتني ؟؟ بالله كلي شلــــــــــــــــــــــــــــــــون

كال يتشابه اسمك ويا اسمه نص الاسم حرف النون
كتله لهفتني وفرحتني وتالي خيبت الضنـــــــــــــون
كال حظك انت بس باالأسم تتشابهــــــــــــــــــــــون