وداع الحبيب

السلام عليكم ورحمة الله وبركاته


الله يوفق مثلك الله يخليه.
........................كانك نويت الصد والهجر وياه


غالي ولك بالقلب شي ومخفيه
.......................اكبر من اللي بالضماير تهقواه


في غيبتك قلبي ترى الهم صاليه
......................واسهرت ليلي بين ونه وويلاه


البارحه طيفك مع الليل احاكيه
......................يشهد علي الليل والنجم يصغاه


فكرت ويا الليل مبدع قوافيه.
.................. ...مسحوب طرقي والقوافي تقفاه


والحزن فوق القلب والهم مقفيه
...................و ليلي غدا ليلين والصبر مقواه


اكتب شطروالشطر الاخر نجاريه
........................شاعر تحد ه والليالي توطاه


اجزل بيوت الشعر وحكم معانيه
......................ولا هزيل القاف واضح ثناياه


ياللي حرقت القلب منهو يطفيه
.....................النار نار ٍ تتعب القلب واحشاه


يا مانسيت اللي من الناس نغليه
........................ولاعاد به شي ليا حل طرياه


استر عيوب الناس والطيب ابديه.
...................وش خانت اللي ماسترعيب رفقاه


امسٍ وقبل البارح القلب اهنيه.
......................امسي مع الفرحه وصبّح بفرحاه


في شوفتك افرح مع اللحن اغنيه
.........................وطيفك يسلي كل طرقٍ بمغناه


قلبي كثير اللي من الناس ترجيه
......................وانا الذي قلبك من الناس يرجاه


لاتحسب ان الصد صعبٍ تحديه
.......................ترى الزمن يشكي ومثلي تحداه


انشد وتلقى الليل تقصر مساريه
.................صدر الزمن يشكي من اقصاه ودناه


راحت هجوسك مبعده في هقاويه
.....................انشد جبال اطويق واللي ترقاه


تلقى زمانك قاصرات ٍ لياليه
.....................هذا الصحيح وتدمع العين فرقاه


وانت الذي لاضاق صدره نراضيه
...................نتعب على شانه على شان نرضاه


ولا انت تدري من زعل عيب اصافيه
.....................يادارس اطبوع المشاعر وتدراه


يا ما لقيتك تشكي الهم تشكيه
..................وجهك عبوسٍ تشكي الحظ برداه


ياللي خذيت القلب وشعادكم فيه
....................رده ترى قلب العنا وافي اشقاه


ارفق بقلب هالليالي تفاجيه
.........................يابو ثمانٍ مرهفاتٍ مصفاه


انا عشقت وعشقي محدٍ يظاهيه
................جيتك على الفطره وذ القلب يغشاه


احساس من قمة شعورٍ وطريه
...................عليك ياللي ناسي القلب تنساه


في كفي سيفٍ للعواذيل مرهيه
................وفي صدري درعٍ لسهوم المصلاه


ياقلبي الليله على وادي التيه
...................جريت ونه والف ونه من الأه


اسمع صدى صوت المعنا بتاليه
....................اضحك واقول الله يعين الذي تاه


والحق انا اللي تايهٍ في دواهيه
.......................مجراك نار تكوي القلب تكواه


باغيه قلبي والمشاعر تناديه
........................قلبي عشق قلبه مع الليل ناداه


يفداك منهو يجمع اريال وجنيه
.........................يفداه وجه الطيب والعز يفداه


مثل البواخر لا رست في مراسيه
...................حبك رسا صبح ومسا ابكل مرساه


بين الظلوع الحدب حبه ابنيه
....................واكتب عليه من الغلا شي يزهاه


لكنّ كيف القلب هذا امتناسيه
...................ياصرح مدري جرح ياجرح ودواه


يمكن صواديف الليالي تحاديه.
...........................ولاّ تغلا والغلا في مزاياه


لكنّ قلبي ماصبر ليل مشقيه.
.......................دنت هجوسي والبلا في محاتاه


همٍ على قلبي وهمٍ يباريه
...................... .ولا جروح القلب صعبه تبراه


البارحه قلبي من اللي يداويه
.......................ياكود وجهٍ يبري الجرح ملفاه


حامت شياطين الشعرمن بلاويه
...................وسرحت في عالم صعيبٍ بمسراه


هلّت دموع العين هلّت غواديه.
.....................على الذي قلبي من الناس بداه

مواضيعك سهل على القلوب هضمها

و على الأرواح تشربها

تألفها المشاعر بسهولة

و يستسيغها وجداننا كالشهد

كذاك كان ردكـ اخــــتـــي وصديقتي

لك خالص احترامي
والله وحشني زمانك

يسلموا الايادى
قلمك مميز

شكرآ جزيلا على الموضوع الرائع و المميز
الله يعطيكـِ العافيه يارب
لا عدمنا التميز و روعة الاختيار
خالص مودتى لكـِ
وتقبلي ودي واحترامي

..

دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع

مشكورهه