حبيبي أديش بتحبني ؟!

حبيبي أديش بتحبني ؟!
_ وليه غبية معقول عم تسأليني قديش بحبك ؟
_ أي أي عم أسألك بدي ياك تقلي أديش بتحبني
_ هبلة مو بإيدك ,, ماشي رح اشرحلك قديش بحبك ...
يعني يمكن كنت حبك من وقت كنتي ببطن أمك ,, هيك سبحان الله حس حالي بحبك من شي مليون سنة ,, أنو من أول مرة شفتك فيا ,, قلت بيني وبين حالي خلص هيدي هي ,, ولك أي هيدي هي يلي قلبي معلق بقلبا من لما اجيت عاهلدنيا هيدي هي يلي عم دور عليها من زمان ...
أنو ضليت وراكي سنتين لزبطي معي و رضيتي تحبيني يا مغرورة
_ حياتي أنا مغرورة ؟!
_ ولك ايه أيه مغرورة ونص .. يا ظالمة كنت اسهر تحت بيتكن ساعات بلكي بتطلعي عالبلكون شوي و شوفك قبل مانام
ولك كنت انطرك ساعة كل يوم الصبح قبل المدرسة لتنزلي حضرتك وصبح عليكي وماكنتي تردي كمان :|
ولك بيوم عيد ميلادك وبعيد الحب كنت اتبهدل لاقدر حط هدي قدام باب بيتكن
كنت كل ماشووفك مع شب رفيقك قرايبك مابعرف .. بس كنت الحقو واتحشر فيه هيك المهم اعمل معو علقة يا ما ضربت وانضربت من وراكي يا لئيمة
كنت حس حالي شي محقق عاكتر ما بلحق وبدأدس عن اخبارك لاعرف وين بتروحي ووين بتجي ماخليت حدا وماتعرفت عليه المهم اقدر كون جمبك وشوفك لو من بعيد
ولك درست حقوق لانك بتحبي الشب يصير محامي
ولك هلكت وانا عم العب رياضة مشان عرض كتافي لانك بتحبي الشب يلي كتافو عراض وحلوين
لك يلعن ديبك شو تعبتييني معك لحتى رضيتي وحبيتيني
ولك ولسه عم تسأليني قديش بحبك
ولك ولييييييي قديش بحبك
يا ستي بحبك اكتر من حالي ولك بحبك قبل ما اجي عن هالدنيا
هيك بحسك روحي ولك في اغلى من الروح .. أي انتي روحي
بخاف عليكي متل كانك بنتي الصغيرة .. ولك في أغلى من الضنى . أي هيك عليكي بخاف انا
بغار عليكي من الهوا ... ولك أنو أنتي بدك تكوني ألي أنا عم تفهمي شو يعني ألي أنا .. يعني انتي رح تصيري مرتي وام ولادي و تحملي اسمي وتصيري أحلى ام محمد
هيك بحس انو ضحكتك بتنسيني كل همومي
بحس انو نظرتك متل شي كهربا بتكهرب ابو يلي نفضني
لك صوتك لمستك نفسك ولك كلك على بعضك بتقتليني
خلص ياعمي شو شايفتيني نزار قباني لاقدر عبر واستشعر
خلص بحبك وبس صحيح هنن اربع حروف بس سبحان الله معناهن اكبر من هالدنيا كلا
بحبك يا هبللللللللللللة
عرفتي قديش بحبك يعني ؟؟
ألو ... حبيبتي لساكي عالخط .. الووووووووو
نمتي
يعني الي ساعة عم احكي مع حالي :| هبلة وشايفة بحالك وحيط مو بإيديك بس بحبببببك

زائر

ههههههه له له
يسلمو

حلوه كتير الله يخلي حبيبتك الك يا رب موفقين هههههه

الكرك تبكي وتنوح
على ‫#‏معاذ‬ حبيب الروح

اللهم انا نقسم على ذاتك بذاتك...بعظمتك وقدرتك..على ان ترد معاااذ الى
اهله سالماً غانماً..اللهم ادفع عنه كيد الكائدين ..نستودعك اياه وديعة عندك فرده سالماً غانماً