من ذكريات طفولتي(2)

تذكير بمساهمة فاتح الموضوع :

كنت في الصف الثالث الابتدائي

كنت املك سلطة اداريه قوية جدا

كنت رئيسة الصف وكل شي يمشي تحت امري

وبشوري بس كنت طيوبه وحبوبه هههه

وفي يوم صارت ضرابه في الصف وتدخلت انا

وفي بنت كانت تصيح وتنازعني انا

وطبعا انا ماقصرت فيها ادبتها وبالغلط بالغلط وقسم بالغلط

مديت ايدي عليها وانفجرت بالصياح وراحت لاستاذة العربي

وخبرتها اني ضربتها ونازعتها وحكي وايد نصه ماصار

ولما صارت حصة العربي جات الاستاذه وهي معلمه جديده

ماتعرفني قالت للبنت طلعي وانا معها

خلتنا نوقف على الصبوره وجلست هي على الطاوله

قالتلي وش صار قلتلها وش صار وخبرتها اني ماتعمدت اضربها

قالت البنت وهي تبكي لا استاذه هي ضربتني متعمده وسبتني ووو

قلت انا لا قالت الاستاذه بقوه يلا سكتي

تعالي وقفي هنا وقفت قدامها بكل ثقه وبحرارة نفس

مسكت الاستاذه كتابها وضربتني كف على وجهي بالكتاب يمن ويسار

قدام كل البنات

وقتها حسيت باهانه كبيره تحملتها وحبست دموعي ونزلت راسي

وقالت الاستاذة رجعي مكانك

رجعت وجلست في اخر كرسي وبدا الدرس

فتحت كتابي وحطيته على وجهي وبكيت بصمت

:63:

ومن يومها وانا كل ما صارلي موقف يبكي

احبس دموعي واتذكر لما كان عمري 8 سنوات والاهانه الا جاتني من المعلمه

هذا الموقف ما اثر فيني نفسيا بس اكسبني قوة في نفسي اصبحت دموعي من المستحيل تنزل

امام اي شخص كان وللحين يقولوا عني انتي البنت الوحيد الا عمرنا ماشفتها تبكي وصبوره

لاتخلي موقف ياثر عليك كون شجاع وخله عبره لك

تحياتيM :61: