وجه الفرح مكبوت والحزن ملسون

وجه الفرح مكبوت والحزن ملسون
ملسون له حجه وصوت جهوري
احرجني بحجته واصبحت محزون
واصبح حضوره طاغي في حضوري
ياليت مالي قلب شاعر ومفتون
كان اتفرغ لي واعدل اموري
يامترف الاحساس شاكر وممنون
على الجروح الي تبنت ظهوري
اداوي جروحك وانا منك مطعون
بجبر كسورك واهمل كسوري
تزخرف العنوان من دون مظمون
تسهر بليل الحب والنور نوري
قصرت انا بأسباب وامنت من دون
يعني قصورك هو دوافع قصوري
كسرت بيت الشوق وتقول موزون
وانا لو اقبل فيه تخجل سطوري
راحت ثلاثه ايام وماقلت والعون
منت بكفو حبي وصادق شعوري
تعجز تجي بضروف عندك تلفون
لو هي ثلاث حروف ترضي غروري
بالعون ابي فرقاك ياليت لي عون
وفرقاك ماهو من دواعي سروري
شوفتك مثل الماي لاطعم لالون
لكن يبقى في حياتي ضروري
وان كان هـ ابا اكون ولا فلا كون
ماطعت شور القلب والشور شوري
موت الضما عندي ولاعيشت الهون
اخر كلامي لك تقبل مروري