قهـر الرجال ...!!؟؟

هل جرب احدكم قهر الرجال والشعور بالضيم والغبن خاصةً اذا كان من اقرب الناس لك من جماعتك من ربعك الى تعدهم

عزوه ويحدث منهم هذا 0 هذا العود الطاعن في العمر كان على عز ومعزه بين ربعه ولاكنهم في الاخير هانوه وذلوه

في شيبته عقب العز حتى الماء أقطعوه عن مزرعته 0 ومن شدة مايشعر به هذا العود من الغبن والضيم وقهر الرجال

كان يتمنى الموت لان مابيده حيله والعود هذا ماله من العيال الاولدواحداسمه ادباس وماهو بديرتهم متغرب عن اديارهم له

اكثر من عشرين سنه 0

المهم ان العود ارسل لولده هذه القصيده يشكيله الي حصل من جماعته0

وفي يوم من الايام قامت عجوز العود وشافت ساقيت المزرعه يمشي معها الماء ولونه أحمر وهي تخبر ان جماعتهم

قاطعين عن مزرعتهم الماء استغربت وراحت اتبشر العود

قالت له الساقيه تمشي لاكن الماء لونه أحمر!!!

انتهض العود وقال لاوالله ألاهذا ادباس قطع روس الرجال 00000


ارجو قرائة القصيده بتمعن 0


ياونةونيتها من خوى الراس
من واهج بالكبد مثل السعيره

ونين من رجله غدت تقل مقواس
يون تالي الليل يشكي الجبيره

وياحمس قلبي حمس بن بمحماس
وياهشم حالي هشمهابالنقيره

وياوجد حالي ياملا وجد غراس
يوم اثمرت واشفاصفا عنه بيره

على ثمر قلبي سرى هجعة الناس
منتحر دربٍ عسى فيه خيره

الله يفكه من بلا سو الاتعاس
ومن شر عبثات الليالي يجيره

في ديرةٍ تقطعت عنه الارماس
سبعين يوم للركايب مسيره

لا والله الاحال من دونه الياس
حط البحر والبر دون الجزيره

يالله ياللي رد من عقب ماياس
يوسف على يعقوب وابصر نظيره

ترد علي ادباس يامحصي الناس
ياعالم مابالخفا والسريره

يادباس انا اوصيك عن درب الادناس
ترى الذي مثلك يناظر مسيره

عليك بالتقوى ترى العز ياادباس
في طاعة اللي ما ينجيك غيره

هاذي ثمان سنين من رحت ياادباس
لارسالةٍ جتني ولا من بريره

ياادباس من عقبك ترا البال محتاس
وعليك دمع العين حرق نظيره

وعليك كني في دجا الليل حراس
اصبح على حيلي وعيني سهيره

اصبح انا مابين طاري وهوجاس
وطواريٍ تطري علينا كثيره

مثل الوحش قلبي على كف حباس
يكفخ كما طيرٍ أسبوقه قصيره

متحيرٍ من عيلة البيت ياادباس
ارجي ثواب الله واخشى المعيره

اخاف من هرج العدى ثم الانجاس
اهل الحكايا الطايله والقصيره

ويقال خلا عيله عنز الراس
اقفا وخلا عيله له صغيره

ولافنا يابوك قطاع الارماس
ماني مثبور اورجلي كسيره

اصلك لودونك نبا حمر الاطعاس
الصلب والصمان دروب عسيره

مهالك مدارك مبها اوناس
الا الثعل والبوم تسمع صفيره

ألااركب على وجنامن الهجن عرماس
فجاالنحريادباس حمراظهيره

متروسة الفخذين مزبورة الراس
كن الخلاص اعيونها يومٍ تديره

اوشبه ربدا يوم تخفق للاوناس
وان رفعت جنحانها مستذيره

تنشر من العوده على نور الانفاس
عندالفجروالليل مقفي مريره

والعصر بالصمان تسمع لها اضراس
حبل الرسن خطرتبتر جريره

نهار ثالث بين حما والاوراس
واره يمينك جعلها لك سفيره

ثم اركب على ساجيه تقلب الراس
تمشي بهلها في البحورالغزيره

ماقفك ذاياادباس مافيه نوماس
يصلح القينٍ مهنته طق زيره

هيس ولد هيس للااصحاف لحاس
يفرح الى نيدي لذبح النحيره

ترى الفداوي دون وانت انشدالناس
راعيه مايذكربمدح اوغيره

ماله سوى قطع الحنك منه والياس
والى انقطع خرجه فلاله ذخيره

طلب المعيشه بالحراثه والاجناس
والمشترى والبيع يوصف وغيره

ثم انهض العيرات مع كل فراس
يادباس دور خيرٍ تستشيره

جدك وعمانك هل العزم والباس
اهل المواجب مكملين القصيره

ياادباس مايصبر على البق والحاس
الاالذى ماله بنجدٍعشيره

واليوم يامروى شبا كل عباس
انت الرجاياكاعمٍ وجه المغيره

عشرين عام كلها ارجيك ياادباس
مثل الغرير اللي تولع ابطيره

عدل المناكب هيلعٍ فرخ قرناس
يمناه في لطم الحباري شطيره

عانق خلوج روحت عقب مرواس
عند العصير البيضها مستديره

والليل جاه وحال من دونهاالياس
روحه على فرقاه فرت فريره

ياادباس انايابوك ماني ببلاس
ميران عيلات الرفاقه كثيره

جنبت وسط السوق وامشي مع الساس
واخذشوي الحق واترك كثيره

ويش عادلو روحت لي بعض الاكياس
مختلفةٍ مابين رز ونيره

مالي بها ياجعلها بألف قباس
اوجعلها تذهب ولوهي كثيره

ياادباس قلبي كل ماهب نسناس
شرقيةٍ هبت بقلبي سعيره

والحال يافرز الوغى مسها الباس
عليك ياناطح اوجيه المغيره

وغصون قلبي يافتى الجود يباس
غادانايابوك كني هشيره

من شافني بيقول ذافيه لساس
واللي براحالي الهي خبيره

لاوعلا من قبل غوال الانفاس
وامفارق الدنيا يجونا بشيره

عسى يطق الباب والناس غطاس
ياوالي القدره عليك اتعبيره

وصلاة ربي عد ماهب نسناس
على النبي عدة حقوق المطيره


منقوووووووووووووووووووووووووول

رآئـع جدآآآآآآ

يعطيكـ ألعآفيهه

يسلمو

موضوعك رائع…
الله يعطيك العافية ..
ولا تحرمنا
من مشاركاتك

رووووعة
يعطيك العافية
وشكرا

يععطيـك ـآلـعـآفيـهَ ع جمَ ـآل طرحـكٌ..||~

د ـآم عطـآئكٌ ../..ورؤعـه تمَ ـيـزكٌ..~

(..مَ ـودتيٌ..)..