كلمات : غاب أبوه إللي يضمه 

تذكير بمساهمة فاتح الموضوع :

كلمات : غاب أبوه إللي يضمه 

غاب أبوه اللي يضمه وماباقي له غير أمه 
أمه الأم الرحوم وكل طيب تحتويه 
كلها عطف وأمومه شالت الوقت بهمومه 
ودها تسعد ولدها بأي شئ وتحتويه
أمنت له كل شئ وحبه بها نبض حي 
. ولطلبها ما طلبها ساع يطلب تشتريه 
كافحت فيه الحياة سوت له المعجزات 
وان تأخر ما تنام الليل كله تحتريه 
تبكي والدمع غشاها وتمسحه لامن جاها
ماتبيه يشوف دمعة حزن ألمها يكتسيه
ومن بعد ماشب عوده وأستوى وكبرت عضوده 
 وصار متزوج بعذرا لا معاها تصيـر إيه 
نسته أم وفت له يوم الأجوا ما صفت له 
لا وقالت له أنا أبغى بيت أمك ماتجيه 
كيف أصير ببيتي حره
وأنا أشوف الأم ضره 
وخططت له ودبرت له وسوى كل اللي تبيه 
ولأن شخصيته ضعيفه وأمه أشبه بالكفيفه 
ما توانا لو دقايق يطرد أم ترتجيه 
وقام وسوى له جريمه وشالها شيلة غريمه 
وعقب وصلها الرعايه صوتت له يا ولدي هيييييه
ياولدي وين
أنت رايح قالته والدمع ساايح 
والتفت فيها ورد رد متنكر سفيه 
قال أنا رجال تاجر منشغل بين المتاجر 
وإن بغيتيني بحاجه هذا رقمي واطلبه 
ولجل ماتجرح شعوره طاعته بأمره وشوره 
وابتعد عنها وقفى وكل ما سوت نسيه 
وهمل أمه ياحسافه وصد وأعلن انحرافه 
وصار مايسأل عليها ولا تلاقوا بالوجيه 
ولا هي يوم إدخلوها بالرعايه وانشدوها 
قالت بنبره جزينه أولدي والله يهديه 
عنده أشغال كثيره وكم محل هو يديره 
وعاذرته بما فعل بي دام ماأمره في يديه 
ومن ولعها في ظناها كل هم إكتساها 
وأصبحت في وضع موسف وضع ما تحسد عليه 
وضعٍ كل ٍ به تأثر عاشت به أسبوع وأكثر
لين روح الطهر فاضت من جسد طاهر نزيه 
حلمها اللي في ولدها لا كبر يكبر سعدها
مات لحظة كفنوها ولا بقى ياكود ليه
ليه هملها وجفاها ؟؟
ليه ما قدّر وفاها ؟؟
ليه يقتل حلمها اللي من زمان تعيش فيه ؟؟
ليه وكم من ليه مرت في خيالي واستقرت 
شرقت بي وغربت بي وصرت في حيره وتيه
والله يا عالم مصيبة وقعة فعلة غريبة 
اللي تبكي كل عين و ينجرح قلبي اللي فيه
ولكن الكلمه الأخيره رددوها بكل ديره 
وقولوا من يبغى رضا الله يطلب رضا والديه

شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أختي

رووووووووووووووووووووعة يسلم الايادي

يسلمو على الموضوع الرائع

رووووعاتك
سلمت انا ملك على الطرح الرائع