ﻛﺎﻥ ﻳﺎ ﻣﺎ ﻛﺎﻥ !! ﻣﺎﺷﻲ ﻗﺪﻳﻢ، ﻏﻲ ﻓﻬﺎﺩ ﺍﻟﺰﻣﺎﻥ !!

ﻛﺎﻥ ﻳﺎ ﻣﺎ ﻛﺎﻥ !!
ﻣﺎﺷﻲ ﻗﺪﻳﻢ، ﻏﻲ ﻓﻬﺎﺩ ﺍﻟﺰﻣﺎﻥ !!
ﺍﻟﻤﻐﺮﺏ ﻭﻻ ﺗﺎ ﻫﻮ ﺑﺤﺎﻝ ﺍﻟﺒﻠﺪﺍﻥ !!
ﻭﺑﻐﺎ ﻓﺸﻬﺮ ﻭﺍﺣﺪ ﻳﻨﻈﻢ ﺍﻟﻜﺎﻥ !!
ﻛﻠﺸﻲ ﻣﺴﺮﻭﺭ ﻭﻓﺮﺣﺎﻥ !!
ﻛﻠﺸﻲ ﺧﺪﺍﻡ ﻭﺯﺭﺑﺎﻥ !!
ﻛﻠﺸﻲ ﻏﺎﺩﻱ ﻣﺰﻳﺎﻥ !!
ﺷﺤﺎﻝ ﺻﺎﻭﺑﻨﺎ ﻣﻦ ﺗﻴﺮﺍﻥ !!
ﻭﻋﺎﻳﺸﻴﻦ ﻓﺂﻣﻦ ﻭ ﺃﻣﺎﻥ !!
ﻭﻟﻜﻦ ﻓﺎﻻﺧﻴﺮ ﺣﺘﻰ ﺷﻲ ﻣﺎ ﻛﺎﻥ !!
ﻣﻦ ﻗﺮّْﺑﺖ ﺳﺎﻋﺔ ﺍﻹﻣﺘﺤﺎﻥ !!
ﺧﺮﺝ ﻟﻴﻬﻢ ﻣﻦ ﺍﻟﺠﻨﺐ ﻭﺍﺣﺪ ﺍﻟﺒﻼﻥ !!
ﻗﺪّْﺭ ﺍﻟﻠﻪ ﻭ ﺑـــﺎﻥ .. ﺁﺵ ﺑــﺎﻥ ؟ !!
ﻣﺮﺽ .. ﻣﺎ ﻫﻮ ﻛﻮﻟﻴﺮﺍ ﻣﺎ ﻫﻮ ﺳﺮﻃﺎﻥ !!
ﺑﺎﻟﺰﺭﺑﺔ ﺍﻧﺘﺸﺮ ﻓـﻜُﻞ ﻣﻜﺎﻥ !!
ﺍﺗﺠﻤﻌﻮ ﺍﻟﻤﺴﺆﻭﻟﻴﻦ ﻓﺎﻟﺒﺮﻟﻤﺎﻥ !!
ﻭﻗﺎﻟﻮ ﻳﻤﺸﻲ ﻛﺎﺱ ﻭﻳﺠِﻴﻮ ﻛﻴﺴﺎﻥ !!
________
ﺍﻟﺤﺎﺻﻮﻝ ﺍﻟﻤﻐﺮﺏ ﺷﺎﻑ ﺣﺘﻰ ﺷﺎﻑ !!
ﻭﻫﻮ ﻳﺘﺮﺍﺟﻊ ﻓﺂﺧﺮ ﺍﻟﻤﻄﺎﻑ !!
ﺭﺟﻊ ﺍﻟﻠُّﻮﺭ ﺗﻜﻤّْﺶ ﻭ ﺧﺎﻑ !!
ﻓﻜﺮ ﻣﺰﻳﺎﻥ ﻓﻬﺎﺩﻭﻙ ﺍﻟﻀﻴﺎﻑ !!
ﻭ ﺍﻟﺠﻤﻬﻮﺭ ﻟﻲ ﻏﺎﺩﻱ ﻳﺪﺧﻞ ﺑﺎﻵﻻﻑ !!
ﺧﺪﺍ ﺍﻟﻘﺮﺍﺭ ﻭﺭﺍﺳﻞ ﺍﻟﻜﺎﻑ !!
ﻣﺎﻋﺮﻓﻨﺎﻩ ﻭﺍﺵ ﺑﻴَﺎﻥ ﻭﻻ ﺍﻋﺘﺮﺍﻑ !!
ﺑﺎﺵ ﻳﺘﺄﺟﻞ ﺍﻟﻜﺎﺱ ﺣﺘﻰ ﺍﻟﻘﻀﻴﺔ ﺗﺨﻔﺎﻑ !!
ﺑﺎﺭﻛﺔ ﻋﻠﻴﻨﺎ ﻏﻲ ﻻﻟﺔ ﺍﻟﻌﺮﻭﺳﺔ ﻭﻣﺎﺳﺘﺮ ﺷﺎﻑ !!
ﺍﻟﺨﺒﺎﺭ ﺩﻏﻴﺎ ﻭﺻﻞ ﻟﻌﻴﺴﻰ ﺣﻴﺎﺗﻮ ﺍﻟﺸَّﺎﻑ !!
ﺣﺲ ﺑﺮﺍﺳﻮ ﺷﺪ ﻓﻴﻪ ﺍﻟﻤﻨﺪﺍﻑ !!
ﻭﻫﻮ ﻳﺒﺪﺍ ﺑﺘﺨﺮﺍﺝ ﺍﻟﻌﻴﻨﻴﻦ ﻭﺍﻟﺰﻋﺎﻑ !!
ﻭﻗﺎﻝ ﻟﻴﻬﻢ ﺻﺎﻓﻲ ﺗﮕﺎﺩﻭ ﺍﻟﻜﺘﺎﻑ !!
ﻫﺬﺍ ﺭﺍﻩ ﻛﺄﺱ ﻣﺎﺷﻲ ﺟﻔَّﺎﻑ !!
ﻣﺸﺎ ﻋﻨﺪ ﺍﻟﺪﻭَّﻝ ﺩﺍﺭ ﻃﻮَﺍﻑ !!
ﺗﺎ ﺩﻭﻟﺔ ﻣﺎ ﺑﻐﺎﺕ ﻛﻠﺸﻲ ﻋﻨﺪﻫﻢ ﺍﻟﺠﻔﺎﻑ !!
ﻭﺍﻟﻜﺮﺓ ﺍﻟﻤﻐﺮﺑﻴﺔ ﻧﻌﺎﻡ ﺁﺳِّﻲ ﺗﻌﺮﺿﺎﺕ ﻟﻺﻳﻘﺎﻑ !!
________
ﻳﺎ ﻭﺩﻱ ﻟﻲ ﺟﺎﺕ ﻣﻦ ﻋﻨﺪﻛﻢ ﻣﻘﺒﻮﻟﺔ !!
ﺍﻟﻠﻬﻢ ﺍﻹﻳﻘﺎﻑ ﻭﻻ ﺇﻳﺒﻮﻻ !!
ﻭﻧﺒﻘﺎﻭ ﻧﺘﻘﺮﻗﺒﻮ ﻛﻲ ﺍﻟﺴﻄﻮﻻ !!
ﻭ ﻧﺨﺮﺟﻮ ﻋﻠﻰ ﺍﻗﺘﺼﺎﺩ ﺍﻟﺪُﻭﻟﺔ !!
ﻟﻸﺳﻒ ﺟﻴﻨﺎ ﻓﻘﺎﺭﺓ ﻣﻬﺒﻮﻟﺔ !!
ﻛﺤﻠﺔ ﻭ ﺗﺎ ﺣﺎﺟﺔ ﻓﻴﻬﺎ ﻣﺎ ﻣﻌﻘﻮﻟﺔ !!
ﺑﻐﻴﺘﻮ ﺗﺄﺟﻠﻮﻩ ﻫﺎ ﺍﻟﺒﻴﺒﺎﻥ ﻣﺤﻠﻮﻟﺔ !!
ﻣﺎﺑﻐﻴﺘﻮﺵ ﺗﺎ ﺣﻨﺎ ﻧﺴﺪُّﻭ ﻭﻧﺪﻳﺮﻭ ﺍﻟﻘﻔﻮﻟﺔ !!
ﻭﺩﻳﻚ ﺍﻟﺴﺎﻋﺔ ﺳﻴﺮﻭ ﺩﻳﺮﻭ ﺟﻮﻟﺔ !!
ﻭﺷﻮﻓﻮ ﺷﻲ ﺩﻭﻟﺔ ﻣﺬﻟﻮﻟﺔ !!
ﻣﺎﺭﺍﺣﻨﺎﺵ ﻧﻠﻌﺒﻮ ﻓﺎﻟﺰﻋﻠﻮﻟﺔ !!
ﺭﺍﻩ ﺻﺤﺔ ﺍﻟﻤﻮﺍﻃﻦ ﻫﻲ ﺍﻷﻭﻟﻰ !!
ﻭﻻَّﺕ ﻋﻘﻮﻟﻜﻢ ﺑﺎﻟﻔﻠﻮﺱ ﻣﺸﻐﻮﻟﺔ !!
ﻭﺃﻱ ﺣﺎﺟﺔ ﻋﻨﺪﻛﻢ ﺑﺎﻟﻤﺎﻝ ﻣﻮْﺻُﻮﻟﺔ !!
ﺃﺻﻼ ﺍﻟﻜﺮﺓ ﺩﻳﺎﻟﻨﺎ ﻣﺸﻠﻮﻟﺔ !!
ﻣﻦ ﺯﻣﺎﻥ ﻭﻫﻲ ﻣﻴْﺘَﺔ ﻭﻣﻘﺘﻮﻟﺔ !!
ﺑﻐﻴﺘﻮ ﺍﻟﺪﻟﻴﻞ ﺗﻔﺮﺟﻮ ﻓﺎﻟﺒﻄﻮﻟﺔ !!
________
ﺑﻘﺎ ﻟﻴﻨﺎ ﻏﻲ ﻋﻴﺴﻰ ﻣﺎﻣﺎﺗﻮ !!
ﻋﻔﻮﺍ ﺑﻐﻴﺖ ﻧﻘﻮﻝ ﺍﻟﺮﺋﻴﺲ ﺣﻴﺎﺗﻮ !!
ﻟﻲ ﺑﻘﺎﺕ ﻳﻮﻣﺎﻳﻦ ﻭ ﻧﺴﻤﻌﻮ ﺧﺒﺮ ﻭﻓﺎﺗﻮ !!
ﻭﺑﻐﺎ ﻳﺨﺮﺝ ﻟﺒﻨﺎﺩﻡ ﻋﻠﻰ ﺣﻴﺎﺗﻮ !!
ﺣﻴﺖ ﺧﺎﻑ ﻳﺨﺴﺮ ﻣﺸﺎﺭﻳﻌﻮ ﻭﻓﻠﻴﺴﺎﺗﻮ !!
ﻛﺒﺮ ﻓﺎﻟﺠﻮﻉ ﻭﺍﻟﺸﻤﺲ ﺣﺮﻗﺎﺗﻮ !!
ﻭﺩﺍﺑﺎ ﻭﻻَّ ﻣﺴﺆﻭﻝ ﻭ ﺍﻟﻔﻠﻮﺱ ﻋﻤﺎﺗﻮ !!
ﻭﺷﻮﻑ ﺍﻟﺤﻘﺎﺭﺓ ﻭﻗﺴﻮﺣﻴﺔ ﺍﻟﻮﺟﻪ ﻓﻴﻦ ﻭﺻﻼﺗﻮ !!
ﻗﺎﻟﻚ ﺁ ﺳﻴﺪﻱ ﺑﻐﺎ ﺍﻟﻜﺄﺱ ﻳﺘﻨﻈﻢ ﻓﻮﻗْﺘﻮ !!
ﻣﺎﻫﻤُّﻮﺵ ﺍﻟﻨﺎﺱ ﻳﻤﺮﺿﻮ ﻭﻻ ﻳﻤﻮﺗﻮ !!
ﻭﻟﻜﻦ ﺧﺎﻳﻒ ﻻ ﺍﻟﻬﻤﺰﺓ ﺗﻔﻮﺗﻮ !!
ﻣﺎﺑﻐﺎ ﺣﺘﻰ ﺻﻮﺕ ﻳﻌﻠﻮ ﻓﻮﻕ ﺻﻮﺗﻮ !!
ﺑﻐﺎ ﺍﻟﻨﺎﺱ ﻳﺴﻤﻌﻮ ﻛﻼﻣﻮ ﻭ ﻳﺴﻜْﺘُﻮ !!
ﻭﻟﻜﻦ ﺍﻟﻤﻐﺮﺏ ﻣﺎﻃﻠﻌﺶ ﺩﺭﻭﻳﺶ ﺑﺤﺎﻝ ﺧﻮﺗﻮ !!
ﻣﻦ ﻣﺎ ﺩﺍﺭﺵ ﺑﻜﻼﻡ ﻋﻴﺴﻰ ﻭﺭﺑﺎﻋﺘﻮ !!
ﺍﻟﻜﺎﻑ ﺳﺤﺒﺎﺕ ﻣﻨُّﻮ ﺍﻟﺘﻨﻈﻴﻢ ﻭﻗﺼﺎﺗﻮ !!
ﻭﺍﺧﺎ ﺍﻟﺰﺍﻛﻲ ﻭ ﻭﻟﻴﺪﺍﺗﻮ ﺗﺎ ﻓﺮﻗﺔ ﻣﺎ ﻏﻠﺒﺎﺗﻮ.....

طرح رائع يسلمو

منورين احبتي الكرام
يسلمو على مروركم وردودكم العطرة
تحياتي لكم

سلمت يدآك على هذة الكلمات الجميلة ..

على جميل طرحك وحسن ذآئقتك

يعطيك ربي ألف عافيه

بإنتظار جديدك بكل شوق.

..}~ مودتي

موضوع كثير رائع

يعطيكي العافية على الطرج

يسلمو

» ﻟﻴﺘﻨﺎ ﻣﺜﻞ ﺍﻷ‌ﺳﺎﻣﻲ ﻻ‌ ﻳﻐﻴﺮﻧﺎ ﺍﻟﺰﻣﺎﻥ ..