ادرى انى بنت عز وشمريه

تذكير بمساهمة فاتح الموضوع :

ادرى انى بنت عز وشمريه

ادرى انى بنت عز وشمريه
.............. والثقه من فضل ربي تاج راسي

من جبال آجا وسلمى شي فيــه
.............. الشموخ اللى مخليهم رواسي

وارثه من ربعى النفس الابيه
.............. والوفا من طبع ابو ى وطبع ناسي

من هل الاحقاد ماوالله عليه
............... شامخة رغم التحدي ولمآسي

ما دخلت النت ادور للحمية
.............. او ادور من يحن ومن يواسي

وما ادور لاحبيــــــب ولا خويه
.............. الشرف ستري وثوبي مع لباسي

والعلوم الناقصه ماهيب ليــــه
............ كاسها من فضل ربي غير كاسي

جيت من دافع غلا نجد العذية
.............. والتراث وحبه الشي الاساسي

القناعه هى غنى النفس الغنيه
............. وكبريائى منبعه من طيب ساسي

بس ياللى تستغل انى بنيــــــــه
............ انتبــــه ماودى تطيح متــــواسي

اعرف انى غير عن هاذي وذيه
............ لو تجى بابيه عاملي سياسي

لا تدور عندى اية نرجسيــــه
............ لو بحلم الليل من بعـــد النعاسي

ويوم اغض الطرف عن بعض الاذيه
............ في طروحاتى وفي بعض اقتباسي

مانقص منى كبير ولا شويه
........... لو حذف نزفي .... ولو يقلع غراسي

التزم بالصمت كله طيب نيه
............. ما ابي كثر السوالف والحســـــاسي

والا انا على قناعاتى قـــويه
........... واعرف انى صعبه وصعب مراسي

واعرف انى صح ماجبت الخطيـــه
......... واتحدى الاصمعي وابو نواسي

ما ابي منهم كثير ولا بليــــه
........ ما ابي منصب ولا موقع رئاسي

جيت من دافع غلا نجد العذية
........ والتراث وحبه الشي الاساسي

القناعه هى غنى النفس الغنيه
......... وكبريائى منبعه من طيب ساسي

أإسـ عٍ ـد الله أإأوٍقـآتَكُـم بكُـل خَ ـيرٍ
دآإئمـاَ تَـبهَـرٍوٍنآآ بَمَ ـوٍآضيعكـ
أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ
لك الشكر من كل قلبي

» لا ادرى كم مرة اخطأت
» ابحرت فى بحــــــــر حبك من حيث ما ادرى توهت فى سحر عنيك حبــــى لك ماله دواء