طفل صغير يتيم فقير متشرد ما عندة اي اح

طفل صغير يتيم فقير متشرد ما عندة اي احد , بس براءة الطفولة لسة موجودة عندة مطرت الدنيا عليه وخلصت مطر , شاف الالوان الوان قوس قزح حب يمتلكهة ويتملكهة
الالوان كانت رؤوفة وياه وحبت تنطيه الفرحة
نزل اللون الاحمر انطاه الحب نزل اللون البرتقالي انطاه التفائل بعدهة الاصفر انطاه الثقة , الاخضر انطاه الابتسامة والازرق انطاه السعادة والنيلي الامان والطمأنينة والبنفسجي اعطاه الاحساس بالغير
.
راح هذا الطفل بمساعدة هاي الالوان وكان اسعد انسان بالعالم,
كان كل ظن بقية الناس انو الطفل امتلك كافة انواع الفرح بتعدد الالوان وتعدد الاشكال
حاولو يشترون الالوان كلها واشترو الالوان من قوس قزح بس ما وصلوو للسعادة الي وصلهة الطفل .. لان الطفل بدمج هاي الالوان بصورة صحيحة ونقية و بامتلاكة للبراءة المطلوبة صار لون ابيض يعني صفاتة بيضة وية كل الناس (بايعها بيضة) فمتلك افضل مصدر للسعادة انو عايش على نيتة وبصفاء النية وطيب القلب
عكس الي صار عندهم خربطة اللوان بدون فائدة فاتعرضوا لاكثر انكسارات وخيبات وحزن بدون فائدة لان ما انطو الالوان بصورة صحية
..
وين اريد اوصل انو كل واحد من عدنة عندة روح الطفل الصافية وعندة الالوان كلها
بس تلاعبة بمشاعرة وميولة لاشخاص معينين ومعاملة اخرين حسب اختلافهم هية هاي الي سوت اختلاف بالالوان وراح تجيب الحزن والياس والمشاكل مثلا انطة حب هواي وعاف الاطمئنان راح يؤدي للانكسار بالقلب وراح تتكون هاي الالوان لترسم انواع الكره والحقد احيانا .
.
فخليك بمعاملة الناس كلهم على كلمة طيبة وحسن نية وراح تمتلك اسرار السعادة كلها
.
.
بقلمي