حركات الشباب

حركات الشبااب
[حبيبتي تدرين والله أنا ماعندي حركات الشبااب .. ماكلم بنات.. اصلا ماحب هالحركات

(( باااااااااين وانت كل بنات العالم يعرفونك ))

مادري حبيبتي احس اني اعرفج من زمااان

(( لا يمكن متخربط بينها وبين وحده كنت تعرفها اول .. يمكن في شبه ))

حبيبتي احس انج غير عن كل البنات احس انج مختلفه وغير عنهم

((ليش فوق راسها ريشه و لا من كوكب ثاني ))

حبيبتي والله احس في اشياء كثيرة انا وانتي نتشابه فيهااا .. كأننا شخص واحد

(( سبحان الله اخوها فالاسلاام لازم يكون في شبه ها ها هاااي ))

ياريتني ياقلبي عرفتج من زمان

(( معذور كان عندك زحمه ))

حبيبتي انتي تامرين قلبي امر .. كل اللي تقولينه البيه

(( ايه فالاحلاام اكيد ))

حيااتي ابيج تتغطين عشان ما احد يشوفك غيري لاني اغاار

((لا يا حرااااام الغيرة حرقت قلبك حرق ))

راح اخطبج من اهلج بس بعد ما أكون نفسي

(( اي من تكوون ههههه بس صج تكسر الخاطر فلوسك كلها على الموبايل والسيارة وطلعات الربع و و و الخ ))

يا قلبي ابي اشوفج باقرب وقت ماقدر على الشوق اللي ذبحني

((يبي ربعه يتأكدون انها حلوة ))

انا احب الشعر ومن هواياتي الرسم والسباحه

(( لا رومنسي الحبيب ))

حبيبتي حطي في بالج ترى انا اذا حبيت حبيت من كل قلبي

(( اقول بس اي قلب فيهم ؟!!!! ))

علاقتي فيج محد يدري فيها ابد لانها تعتبر من اهم خصوصياتي

(( بس عادي كل ربعه يدرون .. لانهم مو اي احد ))

لما اشوف رقمج في تلفوني قلبي يفز من مكانه

(( اكييد .. خايف تكون كشفت الاعيبك ))

فلان قال لي اعطيه رقمج .. بس انا قلت له اقتلني قبل ماتاخذ رقمها مني

(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))

حبيبتي ابي صورتج اخليها عندي عشان قبل ما انام اشوفها واحطها تحت راسي وانام

(( لا وانت الصادق عشان يوم تمل منها تهددها ))

اسف حبيبتي امس ما اتصلت عليج بس كنت مشغول حدي..

(( باين يا نيوووتن انتااااا ، قصدك مشغول مع بنت ثانية غيرج))

تدرين حبيبتي انا دايما البنات في المارينا يتحرشون فيني ... بس انا ماعطيهم ويه دام انتي حبي

(( هاهاااي .. الترتيب الصحيح للجمله .. دايماا انا الحق البنات بس مايعطوني ويه
))

والله حبيبتي كان ودي ايي عالموعد اليوم بس صارت ظروف صعبة جدااا وماقدر ايي

(( ايه صح تذكر موعده مع رفيجته الثانيه اللي واعدها 10 مرات وخلف وعده ))

امس مانمت .. طول الوقت افكر فيج .. اخذتي عقلي حبيبتي

(( الا قصدك نمت وحلمت وشبعت نووم ولا تدري عنهاااا اصلاا ))

انتي احلى بنت شفتها بحياتي ماظن القى احلى منج

(( ليش متعرف على ملكة جمال الكون واحنا ماندري؟؟))

ما افتح الماسنجر الا اذا انتي موجوده ... اصلا النت بدونج مايسوى

(( يقصد .. ما افتح عنج البلوك الا بعد ربع ساعه من تدخلين ... وترى النت بدون البنات مايسوى))

اتمنى ان الموضوع عجبكم واستانستوا

وشباب لا تزعلون ترى الموضوع
للتسليه