كلمات قيد وسجن سجّان

تذكير بمساهمة فاتح الموضوع :

[size=32]قصيدة شيعتي بمناسبة استشهاد الامام الكاظم عليه السلام[/size]
[size=32]/////////////////////////////////////////////////// [/size]
[size=32]م[/size]

[size=32]من صبرك وجودك ---- صابر على اقيودك
قيد وسجن سجّان ---- ما يـــرهب الإيمان
صابر على اقيودك
&&&&&&&&&&&&&
ألوكت طامع ليشب بيهم ---- شاهر ابأحقاده سيفه
من بعد جدهم الهادي ---- إشصار وبدار ألسقيفه
غـيّروا نهـج ألنبـوّه ---- ولهبل أخذ وا إبحيفــه
شرِّعوا أحكام سوده ---- بالأقـلام المو نظيفــه
إشخطّت سقيفه اشقررت
إليا نار هيّــه ســـعّرت
عالعتره ياحقد اضمرت ---- ونكرت السيره الشريفه
نكْرَ ت حته اوجودك ---- يالهادي ولعهودك
ﮔـيّدوا للوجدان ---- صاح ابوجه البهتان
صابر على اقيودك
&&&&&&&&&&&& 1

حدّوا اسيوف الضلاله ---- إلكل نَحَرْ ساجد اوعابد
إنتهكوا الدين اوحرُمته ---- وأســسوا فـكر المعاند
رادوا ألأمّه ابركبهم ---- تمشي عالذلّــه وتعاهــد
إتسلّطوا بأفكار وسخه ---- صارت الأمّه ابشدائد
إتحدّوا نهج سيد البشر
عدهم الكرسي اكبر ظفر
عِلّتهم إبقصر النظر ---- والزمن عالجره شاهد
نكروا كل جهودك ---- الماترضه ابخلودك
يمشيّد للأحكام---- يارسول ألأسلام
صابر على اقيودك
&&&&&&&&&&&& 2

بالظلم والسيف شيْدوا ---- كل دولهم عالرعيّه
سفكوا من الناس دمها ---- واليعارضهم ضحيّه
من الصحابه إبتده المذبح ---- اومنتها ابحكم آل اميّه
وبني العباس الضحاله ---- إشسوّت ابعترة نبيّه
المنصور ياويله اشفعل
وهارون حتّه امن انتعل
كل هاشمي ابفعله انذهل ---- الروسهم ﮔـطّع سويّه
يالشيطان اجنودك ---- حقّـقت مقصودك
إشسوّت بني العباس ---- يصرخ اشرف الناس
صابر على اقيودك
&&&&&&&&&&&& 3

طغه هارون إبسلطته ---- وعالهواشم إئيده مدْها
كشّر انيابه الخبيثه ---- اومديِته ابكل رﮔـبه حَدْها
صاح منهو بني هاشم ---- حته لو ياسين جدْها
إلعترة الهادي أهدها ---- واذبح إلكلمن يودها
إمصمم إيبيد الهواشم
ايريد ملكه ابـچفّه دايم
صدرحكمه وهوّه ظالم ---- اختار يا رﮔـبه اليعدها
من يرد مريودك ---- ومتحدّك احدودك
ظالم ماتقردين ---- وصاح العدل لاوين
صابر على اقيودك
&&&&&&&&&&&&4

إبكل حقد هارون صرّح ---- موسى ابن جعفر يسجنه
موسى بن ســيد البرايه ---- إشــجِنَه واعلـيه إيتِجَنّــه
إعله الشّرِع واهل الديانه ---- حــرب بأحــقاده يشـنّه
وبطواميره الرهيـبـــه ---- إيــودّع الكاظم ابظــنّه
إبحقاده راد إيضيّعه
هارون تعرف مرضعه
إبيا دين حكمه شرّعه ---- اشلون راد الحـﮔ يرهنه
ماينثني عودك --- يالكاظم وجودك
يبقه يشع هالنور ---- رغم الظلم والجور
صابر على اقيودك
&&&&&&&&&&&& 5

الكاظم إبسجنه يناجي ---- بالدعه اتسولف أدموعه
هــوّه قــرآن ويرتله ---- صوته من تسمع ركوعه
يسأل الباري إبسؤاله ---- إيصبّره إيسكْن الروعه
شاف أهوال ومآسي ---- ماخــضع لله خضوعـه
إبيا ذنب وكته لوّعه
الكاس الهضيمه جرّعه
وبالسجن صار إيصدِّعه ---- وما فتر لحظه خشوعه
من علمك اوزودك ---- يشهدلك سجودك
ساجد راكع ابلين ---- وماغمْضت إلك عين
صابر على اقيودك
&&&&&&&&&&&& 6

ﮔـظه وبسجنه سنينه ---- ليله ونهاره عباده
ابكل صيامه وكل صلاته ---- ماعرف راسه الوساده
عاش بالظلمه رهينه ---- يقاوم ابعزمه وجهاده
ما يروعه السجن صامد ---- ولاترف دنيه وسعاده
إبسجدتك حاربت العده
واعضاك كلها إمقيّده
وللأجل تحسب موعده ---- وتنتظر يوم الشهاده
شامخ يظل طودك ---- من جدك وعودك
صبرك عالمله ايفيض ---- انته كاظم الغيض
صابر على اقيودك
&&&&&&&&&&&& 7

ألمصيبه
<><><><><><><>

من السجن طلعت اجنازه ---- ﭼنها مجهوله الهويّه
نـاده بأحقــــاده المنــادي ---- هذا امام الرافضيّه
سمعت الشيعه ابخبرها ---- هبّت ابغير او حميّه
الكاظم ﮔـضه ابدار الغرب
نادت الشـــيعه ابكل درب
شـــالوها بدموع التصب
هذا ابن سيد البريّه ---- وينكم يالهاشميّه
&&&&&&&&&&&&&&&&&
[/size]

[size=32]تحاتي [/size]

[size=32]سيوفي العراقي[/size]

رااااائع ماطرحتم

فسلمتم وسلمت يداكم على روعة الطرح

لا تحرمونا جديدكم القادم والاجمل

سعدنى ويشرفنى مرورك العطر

لكى منى أجمل باقة

الشكر والإحترام والتقدير

طرح رآآئع ومميز ♥♥
يعطيككم آلعـــــآفية ....!!
تحيآتي

سعدنى ويشرفنى مرورك العطر

لكى منى أجمل باقة

الشكر والإحترام والتقدير

» كلمات أغنيه بوسه للفنانه المحبوبه رحمه رياض كلمات تخبل
» كلمات كلمات أغنية القضية ابراهيم الحكمي مع ساندرا 2014
» كلمات كلمات اغنية حسام الرسام انتَ روحي - حصرياً
» كلمات اغنية الفنان قائد حلمي بعنوان حبيبي راح 2015 كلمات حلوة
» كلمات اغنية الفنان اوسكار الريماس اني من دونك اضيع كلمات تموت واغنية تخبل