شهر كامل عفتني وماعرفت اتكول

شهر كامل عفتني وماعرفت اتكول
ولاتسأل عليه اتشوف عنواني

عاشرتك قبل من جان عمرك يوم
كبرت بيا بخت وتريد تنساني

كالولك نساك ومره بالطيف
طبع الطيف جذبه وكلبي منطان

ماترحمني كلش قاسي وياي
الله اليرحم وبايات قراني

شككت الصور كلها ولا حنيت
ولا حاجتك صوره وكالت اتاني

تره البيه سهر ماغافي صار اسنين
نومته بجذب وبغفله صحاني

ومارمشت بعدكم عيني للنوم
السهر نام وغفه ولميته بحضاني

ومااصبر بعد وارسم نهارك ليل
حته اليوم يمشي يعدي للثاني

عله كد الجرح فصلت الهدوم
وجرحك لو تجي اتشوفه بمكاني

اذا تبجيلي دمعه ابجيلك اورود
وابجيلك ورد من ضيم بستاني

الزمن يجرح نعرفه بكل الاحوال
املي اجروح واني انطي الزماني

عله واهس طفل ربيت العيون
ماتعرف تخون وتنكر الداني

شنو كلبك حجر لو مقتصد هاي
حنولي واجولي اليوم عدواني

ولاتنغر ابد يم اليحبوك
الكهوه تموت اذاينكسر فنجاني

وما ذكرك بعد اجرح الساني بهاي
من ابجي ويه دمعي ايذوب وجداني

هسه اتعلمت ماكلك اهواك
واذا سولفها يمك اكطع الساني

عله كلمت شجر كمت ارسم العصفور
حبهم يختلف ماعدهم الجاني

وشحجيلك بعد بلساني خيط اجروح
فله انت اذن لو رايد احجي اني

ماخذني الصمت ولساني ضل وياك
خفت امن السكوت يطول ويحجي

من كد البواجي اليوم بالسوك
بعت اعيوني خاطر بعد مابجي

ومن شفتك خيال بواهس احلام
عله واهس خطوتك حلمي ضل يمشي

هس اتكلي ارجع بعد مامليت
وبعد ما سيفك كطعني وكون احزاني

لا والله القيامه اقربلك بهاي
لوترجع زحف ماترد لحضاني

زائر

الله الله عراقي يمكن بعض الكلمآت مافهمتهآآ
بس فهمت انه الشعر قووي لكن في اخر كلآماته
رووعه كثير على انهآآ قااسيه اشووي اخر كلمه َ
بس عجبتني
شعر جميل
الله يعطيك العآآآآآفيه حبيبتي
عراقيه
ووتسلم يدك عيووني