قصيده يمدح فيها طلال الرشيد البحرين

تذكير بمساهمة فاتح الموضوع :

قصيده يمدح فيها البحرين


طار سرب الحروف وسالت الشمس نور
سرمـدي تعلّـى نــور مسـرورهـا


جيت أعزم القصايد واثر شعـري غيـور
قبـل أجـي للمنامـة كـان دورهــا


ياعيون قرتنـي صـدق بيـن السطـور
وش لقت مـن تدورنـي وانـا دوره ـا


أنفض العهن عن صدري وافج البحـور
في يميني عصـا موسـى ومسحورهـا


ماتخيرت أجي شاعر جبرنـي الشعـور
ولو جروحي تعاف الشعر مـا ازورهـا


امتطيـت القصايـد والجـوارح صبـور
والمعانـي تــذل الـعـز مغـرورهـا


نـوخ الشعـر بهمومـي وعيّـا يثـور
قلت حـيّ الضيـوف ودوك ميسورهـا


كان فحـل المعانـي بالقيـاد مهجـور
جيـت افكـه تهبـد نـار محـذورهـا


مـاأردّه علـي الله ولـو هـو هـدور
لين يـروي ظمـاه ويحتمـي سورهـا


دام ذلـم غديـر النـور ليـه العـفـور
باغتسـل مـن زلال الظـي بحضورهـا


يالمنامة أجـي طايـع واجيـب الطيـور
لجـل عينـك تغنـي الأرض وطيورهـا


سندريلا المدائن جيـت بعـد الحضـور
جيت اقيـس القصايـد عقـد بنحورهـا


سندريـلا الخليـج وشهـرزاد البـدور
مالقى الشعـر مثلـك يلبـس بحورهـا


تذخر المـاء عـذاري والصناديـد بـور
دام عـز الديـار وعــز مذخـورهـا


قلت ابي امدح هل البحرين فرع وجـذور
واثرهـم غرسـة التاريـخ وجذورهـا


قلت ابي امدح هل البحرين مدح العطـور
واثرهـم جنـة الفـردوس وزهورهـا


قلت ابي امدح هل البحرين فكـربكـور
واثرهـم للحضـارة نــور بلـورهـا


قلت أجل بمدح البحريـن دور وقصـور
صرت انا الضيف والبحريـن وقصورهـا


بالعيـون المشاعـر والقـدر بالصـدور
والعـرب تـدرك الخافـي ومستورهـا


حااام سرب الحروف وشربت الشمس نور
وش تقول القصايـد ؟؟ دامكـم نورهـا