عمت عيني عليج و ليش يا بغداد

تذكير بمساهمة فاتح الموضوع :

عمت عيني عليج وليش يابغداد
مو جنتي على ليلج هذا محسودة
ماشوفج مدينة وضاوية وتزهين
اشوفنج نذر للموت مكيوده
ودجلة بيا وجهه للخضر تهدي اشموع
اذا صارت جرح عل كاع ممدودة
... وسكتتنه صليب وصرتي عيسا عليه
اغسلي ايدج بعد تبقين مشدودة
لان ريح الحقد نشف اهواي اكلوب
وثكَل كلش حقدها وحيل مهدوده
بس باب الحوائج باقي والنعمان
وبقيت البوب كلها بخوف مزدودة
امام بكل جرف مثل العلم مرفوع
وشاهدنا الجسر عل الخوة موجودة

وشدينة الجرح ونكَطع حبل الخوف
ونشفنة الدمع ونسدت العبرة
بعد ما ننطي لزمة انظم ملح بالماي
ميزنة الحروف وضحت الجفرة
ما نغلط بعد ونصير مثل الخيط
اتحطنة عله الفتكـَ وتعوفنة الابرة
عود احنة ويبس منصير ماشة نار
موبينة الحفر والغيرنة المجرة
تجوينة نعم نكَطع هواهة اتموت
كافي اضل عمر بجفوفنة الجمرة
وحلمنة الليل يصلب والخمر والطير
والف يوسف اجانة ومحد يفسرة
مانعرف مشينة وياهم امغمضين
دفعونة وكَعنة وغطو الحفرة
والجفه طول مدهه وطلع ورتاح
وبو النفس العزيزة لهسه بالنكَرة
ردت صوتي امس توعدني بالتفاح
وصلت المنصبك تحجيلي عل الخضرة
نفس الفائدة الموجودة بالتفاح
بس هاي بحمار وهاي لا خضرة
كافي اضم علي اعرف شنو اليصير
سيل الدم اعرفة وياهو ليفجرة
وانا الميت اعرفة واعرف الدفان
اشوكت ماريد اروح صل الكبرة
وكافي من العتب ونلومها من اطيح
على الفاسة اشبديها ونحجي على الشجرة
ولا ذنب النهر لو عكس مجرا الماي
الكَاع اتصير رخوة ويعكس المجرة
وخد الينسطر شدفيدة تبجي العين
اشما صبت دمع ماتنفع السطرة
وبيه اشكَد عتب وشكد نلامة وحيف
على الدمع البجيتة وماطفت حسرة
على الردلي تبختر لا فرس لاسيف
ويحجي بكل رهاوة وطعنتة بضهرة
على اليوكع فريسة اشلون يغفة الليل
ينام بيا وجه وذياب التنطرة
مثل شذرة الكرامة ومحبس الانسان
وبيها اشكَد محابس ذبت الشذرة