الوو وينك ..

"

الوو وينك ..
ليه منت حولي أبيك تسمعني أنا أحتاجك ..
الو ليه ساكت عاجبك بحة صوتي كلهم قالوا جميله حيل بحة صوتك .. طيب مايدرون ان البحة ذي من وراء بكاء جوفي .. بُح صوتي ..سامعني طيب تدري فقدتك أمس قلت أتوسد الذكرى وأنام ليلي فيها .. تدري عاد ماقدرت الا أذكر جرح غيابك عني لحظة حنيني ..
الو أنت هنا .. حابه أقلّك هجرني النوم وعفت أنا خلق الله .. تدري بعد أني أبيك قررت أتجرد من سكوتي ..
الو ليه ساكت يعنى راضي ع حالي والا يعجبك تشوف أحتياجي ..

الو ليه منت حولي ..؟!

تدري قبل أسبوع تقدم لي واحد أبوي يقول عنه رجال كل شي فيه يعجب .."خلاص عاد يابنت يكفى دلع نبي فيكِ نفرح .. ورفضي أثار الشك في اخواني .. تدري أنقال عني كلام يجرح وأنا أسكت وأختم كلامي مابي أتزوج وخلوني في حالي..

الو وينك .. يوصلك صوتي وأنا اسفهه ع تلعثم حروفي .. حرفي حيل يخون وصمتي لما طال.. نساني كيف الحكي ينقال ..

الوو ليش ماسمع صوتك طيب قول حتى لو الو ترى هالكلمة تطيب جراحي .. وتشفى غليل شوقي ..

‏⁦‪ان الهاتف المطلوب مغلق حاليا..يرجى المحاوله في وقت لاحق وشكرا

طغى شوقي ونسيت أنك صرت لغيري .. جابني الحنين ولحظة ضعف دقيت كنت أبي صوتك ..

قول بس أني كنت أجمل شعور حسيته .. أضحك علي لو شوي .. قول أنك لحظة حنين بكيت من شوقك ..

الو .. مستحيل يوصلك صوتي .. لأنك منت حولي ..

شكرآآ لكـ على الموضوع
 يعطيكـ الف عآآفية 
ودي

[b]

ماأجمل تلك المشاعر التي خطها لنا قلمكِ الجميل هنا
لقد كتبتِ وابدعتِ كم كانت كلماتكِ رائعه في معانيها فكم استمتعت بموضوعك الجميل  بين سحر حروفكِ التي ليس لها مثيل  
دمت بألف خير

[/b]