السلام عليكم ورحمة الله وبركاته
مرحباً بالجميع ولهالمنتدى الرائع
وصراحه اللي شجعني أسجل فيه
هو اني كنت ابحث عن شي معين في قوقل
وطلعت لي مشكلة لوحده من الأخوات
في قسم الأستشارات الأجتماعيه
وسجلت خصيصا لكي أطرح مشكلتي
ولكن للأسف واجهتني مشكله اني لا أستطيع كتابه موضوع
ولا ادري مالسبب
ولكن في هالقسم مسموح لي انزل موضوع
وعلى ماتنحل مشكلتي
قلت انزل لكم موضوع مضايقني صادفني اليوم
وصرت اشوفه كثير فهالسنوات الأخيره
وقبل لا اتكلم فيه
أحب اقول اسأل الله لي ولكم ولجميع المسلمين الهدايه
اليوم رحت لكوفي
وحزني فعلا منظر البنات
والله العظيم انه في وقت إنتظاري لطلبي
كل اللي شفتهم محجبات !!
وبغض النظر عن حكمه
وبغض النظر عن اللي بيقولون
اختلفوا فيه العلماء
ولا أحب ادخل بالإفتاء
وكل واحد بيتحاسب يوم القيامه لذنبه
ولكن اللي فاجأني فعلا
كمية المكياج وروائح العطور والعبايه المفتوحه
والله اني اقول الصدق
اشكالهم صراحه ملفتتتتته
انا بنت وطارت عيوني
اجل هنا ماألوم الشباب !!!
خاصه اللي ضعيف دينيا ولا يغض البصر
وش صار بالدنيا وش جانا يا ناس
لايكون بس اللي تسوي هالأشياء يعني متطورة وفاهمه
يعني أمانه
ماتخاف الوحده طالعه بهالمنظر وتجيها سكته بالطريق
راضيه تقابلين ربك بهالمنظر؟
فعلا أحس بعض < تحتها مية خط
بعض البنات وعدد مو قليل منهم
صار عندها تعرض نفسها والكل يناظرها عادي
نصيحه من اختكم ومن قلب محب
لا تغركم الدنيا تراها فانيه
وتذكرو ان ورانا قبر وحساب وبعدها يا جنه يا نار
نسأل الله الرحمه والمغفره والثبات لنا جميعا
اكشخي واستانسي وانبسطي
ولكن لا تتخلين عن اللي امرنا فيه رب العباد
لأن صدق اللي شفته اليوم والله شي يضيق الصدر
واعذروني اذا فيه مواضيع مشابهه له
ولكن شي ضايقني وحبيت أشاركم فيه
واتمنى ان يكون هنا مكانه المناسب
تعرفون انا توني عضوه جديدهـ
وحبيت أشارك على ماتنحل مشكلتي
بقسم الأستشارات الأجتماعيه
واسأل الله لي ولكم التوفيق دائما وأبدا
, عزيزي الزائر / عزيزتي الزائرة منتَدَاكمً مُنتَدَى الملوك يُرَحبُ بكـُمً .. 
إنً كنتَ تَرغَب في الإنضمَامً إلى أسًرَة المنتَدَى سَنتَشَرَفُ بتَسًجيلَكَ .. فَمرُحَبا بالزَائرينَ , وَ العَابرينَ , وَ الأصدقَاء , واَ لأعضَاءَ , بالطَيبينَ وَ الطَيبَات 
.. وَ بكًل مَن يَثًرَى , أوً تَثُرَى المًنتَدَى بالحِوَارً , وَ المُنَاقَشةَ , وَ المسَاهَمَاتً المُفيدَةَ .. فَلَيًسَ للبُخَلاَء بالمَعرفَة مَكَانُُ هُنَا 
..سَاهمَ / سَاهٍمي بكَلمَة طَيبَة , أوً مَقَالً , أوً لَوًحَة , أوً قَصيدَة , أوً فِكرَة , أوً رَأي , أوً خْبرَة تَدفَعً حَيَاتُنَا للأمَامً ... تحيَآت إدَارَة منتَدَى الملوك 
") 
ــلمت الانــــامل الــ...ــراق،،يــّّــة
