الدكتور وطلابه

موضوع: الدكتور وطلابه الأحد يوليو 10, 2016 10:40 pm

قصه قرأتها ونالت اعجابي كثيرا
مكتوبه باللغه العاميه يمكن البعض ما يفهم بعض المصطلحات ولكن معبره جدا واحببت نقلها لكم

دخلت على قاعة المحاضرات , لقيت طلابي جايبين كيكة وملتمين وبدهم يحتفلوا بعيد ميلادي ال 60..

أول ما دخلت انصدمت , وما بستبعد إنه صار وجهي أحمر (أسعدوني بحركتهم وخاصة إنه أول مرة حدا بحتفل بعيد ميلادي من برا بيتي .. )

قطعنا الكيك , وطلبوا مني أتمنى أمنية ( وضحكوا علي بكلمتين ) وطلبوا مني ما أعطي محاضرة لأنه كل واحد فيهم كاتب على ورقة سؤال بدو يسألني إياه لتكون قعدة تعارف على المستوى الشخصي نوعا ما ..

قعدوا كل واحد بمكانه وأنا ضليت واقف , صراحة كنت حاسس بإحراج وضليت حاطط إيدي بجيبة البنطلون ..

لحد ما كسر الحاجز طالب وقال :

- السؤال الأول إلي , كم بتعطي لحالك نسبة سعادة من 100 !؟

سؤال لطيف خفيف , ابتسمت وحكيت :

- 90%

طبعا كالعادة , لازم سؤال يفتح سؤال , ولازم نطلع عن إطار اللعبة وسألتني طالبة :
- والعشرة وين راحت يا دكتور؟!
الجواب كان جاهز :
- العشرة راحت لأني بكون سعيد لحد ما أتذكر إنه ممكن الموت ياخد أقرب الناس إلي وهاي الفكرة رغم إنه كبرت بترعبني..

لفيت وجهي على جهة الطلاب اللي عاليمين فطالبة لطيفة سألتني :
- ومين أكتر حدا بتخاف تفقده ؟!
ابتسمت وحكتلها :
- مرتي..

طبعا تقولوا بس حكيت مرتي حكيت حبيبتي السرية الغامضة , صوت ضحك على شهقة على حدا بحكي الللله على التاني اللي بحكي يا سيدي ..

ضحكت وحكتلهم بحاول أسكتهم:
- مالكم يا جماعة شكلكم بتعرفوش حدا متزوج ولا بتعرفوش نسوان ولا بتعرفوش تحبوا ولا إيش ..

كملوا ضحك , لحد ما طالب قال :
- والله يا دكتور شكلها مسيطرة..
- لأ ليش مسيطرة يا إبني ..
- يعني معلقتك فيها للدرجة اللي بتخليك تعترف إنك بتخاف تروح منك قدام الناس .. معلش يا دكتور تآخذناش بس أول مرة بمر علينا زلمة بجيب سيرة مرته أصلا ..

ضل الضحك متواصل وأنا سكتت واتطلعت فيهم , بعد ثواني كملت حكي :

- المرة القوية بنزين للزلمة.. أنا لولاها كان ما وصلت لهون ..

- صوت من بعيد قال :
-نيال ولادك دكتور ..

سكتت شوي بعدين حكيت :
- ولادي ولا سائلين , كل واحد فيهم ملتهي بحياته , بنربي , وبنكبر , وبنسهر ليالي , وما بنتركهم , وهما بتركونا أنا وهالمرة لحالنا بالدار ..

- يلا دكتور عادي مشان يخلى إلكم الجو ..

كلمة من هيك طالب كان ممكن تكون إحراج إلي , وكان بحقلي أطرده بسببها , بس معاه حق !

تطلعت فيه وحكيتله:

- فعلا بخلى إلنا الجو , بنحكي براحتنا , بنفكر كيف نسعد الولاد بزيادة بطريقة تفكير صحيحة ومتزنة , بحكيلها شو بصير معي بالجامعة وبتحكيلي كيف أحل مشاكلي , وبس نخلص حكي بتقوم تكويلي القميص اللي بدي أداوم فيه , بتعملي عشا بنفَس زيادة , وبنقعد ناكل سوا و بنتفاهم على أمور وبنحل مشاكل ..

هاي الأشياء اللي أنا حكيتها مش عظيمة !؟
لما يكون إلك عقل بمكان تاني يحللك مشاكلك وقت ما تكون ضايج , لما يكون إلك إيد بمكان تاني , تطعميك وتغسلك وتكويلك وتطبطب عليك وقت ما تكون متضايق. , وتروق فعلا !
المرأة العظيمة بتصنع من الرجل طفل ومن الطفل رجل , المرأة العظيمة هي اللي فاهمة إنه الزواج مسؤوليات , هي اللي فاهمة إنه نجاح زوجها من نجاحها , أنا لما أخدتها كنت ماخد ماستر ومش ناوي أكمل , لولاها ما أخدت الدكتوراه , مع إنه هي معها بكالوريوس , بس كانت تسمعلّي دروسي , آه كان عمري 40 سنة وبتسمعلي وبتروح معي على الإمتحانات وبتسهر معي للصبح , لا أذكر إني حينها كنت أسمع صوت تلفزيون , كانت تضل قاعدة وساكته وبس ..

- ما شاء الله دكتور الله يخليكم لبعض , شكلكم ماخدين بعض عن حب .. ؟

- لأ لأ.. زواج تقليدي ..
بتعرفوا , خطبنا سنتين , أقسم بالله , لا أذكر إنها مرة وحدة بكيت , لا أذكر مرة وحدة رنت علي حكتلي تعبانة , متضايقة , زعلانة , كنت أصفن وأحكي شو هالمرة الجبارة ولا أخفي عليكم كنت خايف أعيش معها , آه آه خايف , مرة قوية وذكية وما بتحكي إلا الحي اللي بنحكى , خفت أكون تافه قدامها لأي سبب كان .. بس لما تزوجنا انصدمت , بتطلع فيها من بعيد وهي بتشغل بالغاز , بتخاف وبتسمي بالله وبتبعد عنه .. بنمرق بالشارع عن بسة بتقرب علي وبتمسكني , أدخل فجأة عالغرفة ألقاها بتمسح دموعها أطلع بدون ما تحس إني شفتها وتطلع مبتسمة ..
كنت أتساءل , يا الله شو هالقوة اللي بتخليها ما تحكي إنها بتخاف , إنها ضعيفة , إنها حاسة إنها وحيدة..
ولهلا , ما عمرها زعلت مني وقعدت تبكي قدامي , بتمسكني وبتقولي إنت سويت واحد إثنين ثلاث وأنا هيك ما برضى , وأعتذرلها طبعا , لأنه عارف إنها قوية بذكاء , عارف إنها بدها إياني أكون الرجل الناجح والأب الناجح والزوج الناجح ..

بالله عليكم هيك مرة ما بخاف الواحد يفقدها !؟

أنا انسجمت والطلاب كل واحد صافن فيي وحاطط إيده على خده , اتطلعت عالساعة وقلتلهم:

- وكونه ضايل 5 دقايق للمحاضرة بدي أختم وأحكي لكل شب , خليك عارف إنه كلمة من مرتك لقدام ممكن ترفعك , هدول النسوان قويات , إسمع منها , وفكر بحكيها , ولما تزعل ما تعمل فيها الشب اللي مش فارق عنده وتحكيلها أخبطي راسك بالحيط , لأ , إعرف إنه زعلها بس لسبب واحد .. ( لأنك خيبت أملها ) ..

وبدي أحكي لكل صبية , خليكِ قوية , بس مش (شيطانة) لأ خليكِ قوية على حساب زوجك وولادك وشغلك وأحلامك مشان تصنعي رجل وتصنعي جيل كله قوة ..

ويعطيكم العافية وشكرا على الكيكة اللذيذة , أكلتها مع إنه مرتي الصبح فطرتني بيض وفطر ومعلق بمعدتي..

:فقصث3: :فقصث3:أشتاقُ إليكِ حتى وأنتِ في أحضان قلبي..:فقصث3: :فقصث3:

قصة رٍآئعٍة من عٍضۆ آرٍۆعٍ .. )*

ۆآصلُ يَـآ ملُگ $

شكرا لمرورك

:فقصث3: :فقصث3:أشتاقُ إليكِ حتى وأنتِ في أحضان قلبي..:فقصث3: :فقصث3:

قصه جميله

شكراً ع الطرح المميز فعلاً
عاشت الايادي

••

‏اللهمَّ أنتَ حسبي حين تضيق الحياة
وأنتَ المُنتصر حين يغلبني الوجع
اللهمَّ أنتَ عوني ونجَاتي حين أفقد الحيلة.

••

رؤؤؤؤعةة

قصةة حلوةة وايدد

يسسلموو ع الطرحح

أبدعت

:reWER:

فعلاً قصة جميلةة
اعجبتني كتير
تسلم
الله يعطيك العافية

قصة رائعة
يعطيك الف عافية...

الدكتور وطلابه Tumblr_lvt8geTcWa1r6gpcho2_500

مشــاعر حـب .. و اشتيــــاق !! °

إليك يا من أحبك قلبي

كتبتك للشعر نبضا ونثرتك في الخيال شعور

رسمتك صوره في داخل عيوني معلقها
ونسجت أسمك بقلبي وانت حرفك من ذهب محفور
وعطيتك كلمة لغيرك ما أقدر انطقها ..

الدكتور وطلابه 193776

]

اميرة الورد
نــــــــــــــــدى.........

» نظر الدكتور الى طلابه !! |
» من أجمل ما قاله الدكتور محمد العريفي :
» اجمل ما قال الدكتور ابراهيم الفقي
» من مقولات الدكتور عائض القرني
» من كلمات الدكتور احمد الدفشوري