بغرير بالالوان

المقادير:

3 كسان سميدة رقيقة

نص كاس فورص.

3 كيسان ماء .

كاس حليب دافي

م.ك سكر.

م.ص فانيلا.

2 م.ص بيكين باودر (خميرة حمرة)

قريصة ملح

بودرة او نكهة الفراولة .

الطريقة:

كنديرو السميدة +الدقيق+ السكر+الفانيلا+ الملح ثم و كنخلطو المقادر مزيان (مكنديروش الخميرة )

من بعد كنشدو الخلاط و كنديرو فيه الماء و الحليب الدافي و كنخلطهم مزيان من بعد كنكبو عليه الخليط الناشف و كندوروه مزيان بالخلاط حتى كينسجم الخليط الى كان تقيل بزاف نزيدو شوية الماء من بعد عاد نديرو الخميرة و نرجعو نطحنو من جديد شي 5 دقايق تقريبا باش دغية يخمر و يطلع من بعد نكبو الخليط في شي حاجة و نخليوه يرتاح شي 15 دقيقة و نبداو نهزو بالمغرف غير شوية حنت راه غيجي مفشفش

و كنشدو الخليط بعد ميخمر نقسموه على جوج نص نخليوه عادي و نص نضيفو عليه شوية من بودرة الفراولة و نحركو مزيان حتى يتوحد اللون .