حب على هامش الطفوله

حب على هامش الطفوله
في ايام الطفوله عن عمرٍ يناهز 14 عاماً حياة لا تعرف الروتين فاي عاده قد تكسر في ثواني وتتغير بين الحين والحين مابين هذه وتلك بدون سابق تفكير او تخطيط الشعور بالحياة حينها لا يتكلف على روح المسؤوليه .


مقدمه عربيه فصحى وربي اني بديت اعك بس حبيت ابين انه عن طريق تركيب الكلام تبرز ثقافة الشخص وكلما توسعت مفرداته اللغويه تلمس قيمة المكنون الثقافي لديه ....


لكن خلني ادخل على القصه بدون مقدمات .....

فيوم من ايام الدراسه طالع العب كوره كعادتي والملعب حقنا بالحديقه الي قدام بيتنا عاد الحديقه ذي حكايتها حكايه العصريه لعب كوره وآخر الليل ملجأ لسرابيت الشراب والحشيش ولكن في ضل وجود بطل الحاره ويعتبر اسطوره لنا واحنا صغار وهو اخوي الطوطو كان الطوطو يحاربهم ويطردهم محافظاً على سمعت حارتنا نظيفه وكل الي يجون لها بالليل كانوا من برى الحاره ولكن الطوطو كان يشكل لهم رعب كبير والحمد لله اختفت هذه المأساة التي كنا نعاني منها .... الحديقه كان محاطه بالاشجار الكثيفه بحيث انك ماتقدر تشوف الملعب وانت برى وفي احد اطرافها كان يوجد مصلى للجماعه فقط وللحديقه اربع مداخل عباره عن اسياب صغيره تتسع لشخصين فقط بشكل منحني والملعب في وسطها المهم واحنا نلعب كوره فيه نظام الي يسطح الكوره يجيبها المهم انا سطحت الكوره وسط الاشجار عاد ما اقلكم معاناه عشان تجيب كوره من وسطها ...


المهم رحت اجيب الكوره واذ بي اسمع صوت ناعم من وسط الاشجار يقول : آآه آآي وش هذا .... بردة عظامي وقتها وماني داري وش اسوي الا والصوت يتكرر ... قمت بالاقتراب وشفت الوان ملابس زاهيه وملامح فتاه بس ماكانت الصوره واضحه لي مضبوط اخذتني الشجاعه وقمت اكسر بالاغصان محاول الوصول وفيه غصن جامد عيا ينكسر حاولت معاه الين ثنيته بصعوبه ولما ثنيته انثنت معاه عدة اغصان صغيره ناشبه فيه شفت الفتاه قدامي مباشره اول ماشفتني قالت : عزوز تكفى الحقني ...........

انا انصدمت وفلت الغصن وصرخت البنت وقالت عزوز بسرعاااه بصوت مرتفع رجلي عالقه .... قلت لها طيب يله جاي ... الا والعيال يصارخون يابوي جيب الكوره بسرعه قلت بنفسي الحمد لله ما سمعوا صوت البنت ولا بتروح عليها غلطه الا والبنت تبكي وتقول بسرعاااااااااااه شلت الكوره وشتها بإتجاه الملعب وقلت للعيال لاتحتروني انا ما ابي العب الاصابه رجعتلي <<< مسوى لاعب كبير ...
قالت البنت : هذا وقته اللحين
قلت : اصبري هذا انا جاي لك
ثنيت الاغصان وصلت لها ولقيت رجلها ناشبه بين غصنين وهي جالس رجل ممدوده ورجل ثانيتها وقاعد عليها ومتكيه على يدها اليسار ...
قالت : الله يخليك فكها بشويش .
حاولت افكها ماقدرت الغصنين ناشبه وثابته قلت اروح لمنطقه ثانيه احل منها عقدة الغصنين لقيت المنطقه ذي لكن وضعيت رجلها شاده الغصنين .
قلت : قومي واقفه عشان افك رجلك
قالت ما اقدر اطيح حاولت اقوم اكثر من مره لكن الغصن يطرحني .
قلت قومي واتمسكي فيني .
قالت : خلاص باحاول

قامت وتمسكت فيني وكنت انا بوضعية الركوع احاول فك الغصنين وهي بجهة يميني جايبه يديها من تحت ومشبكتها على كتفي اليسار وحاطه راسها على ظهري <<< ابوك يالوصف لحست مخي ......
المهم خلصت رجلها من بين الغصنين وقلت : الحمد لله على السلامه
قالت : خلصت ما شاء الله عليك ماحسيت بشي
قلت : تقدرين توقفين عليها
قالت : لا ما اقدر كمل جميلك وديني البيت ..
قلت : بس أأأأأ خلاص اوكيه هات يديك

استندة على وقاعدين نمشي ببطء
وقلت : وين بيتكم
قالت : من جدك قاعد تتكلم
قلت : لا من فمي وين بيتكم
قالت : حرام عليك انا بنت جيرانكم لنا شهرين وماعمرك شفتني .
قلت : والله اناااااا ...... آسف ما اخذت بالي <<< شوف الادب كيف
قالت : عزوز انت مره مؤدب لاتقعد تمثل علي .
قلت : طيب خلاص من زينك يعني الواحد ياخذ باله منك ..

قعدة تضحك بإستمتاع وتقول : لا اظهر على حقيقتك وبان

قلت وفيني تعصيبه مصطنعه : اوه انت خلاص طيبه كملي على بيتكم انا وراي تمرين

فلتها وكنا بين سيارتين
صرخت بضحكه مستنده على السياره وقالت : آآه عزوز يانذل والله ما اقدر امشي حرام عليك تعال شيلني
قلت : انت وش قصة عزوز عزوز كانك تعرفيني لك 20 سنه

قعدت تكركر من الضحك وقالت : الله يرجك قبل عشرين سنه امي وامك يلعبون فتحي ياورده غمضي ياورده

قلت هذاك امك اما امي اكبر عيالها كان يلعب مع ابوك عسكري و حرامي .
قالت : اصلا بنات الحاره كلهن يعرفون اسمك من رجتك وشقاوتك وووو حجات ثانيه كثير .
قلت : انا ماسألتك عن بنات الحاره انا اسألك انتي .
قالت : زي الكل اجلس على الشباك واتفرج عليكم وانتم تلعبون كوره وما اسمع الا اسمك بالملعب .
قلت : انتي تلمحين على اني اناني ما اناول لحد << شاغله باله الكوره
قالت : ايه انت عشان ربي عطاك مهارات ماتناول لحد .
قلت : ايه عشان انا ما احب انهزم وما اناول الا لواحد يستحق اني اناو له .
قالت : اسمحلي هذا غرور وانانيه .
شلتها من عند السياره موديها على الدرج وقاعد اقول : لا الي قاعد العب معاهم ما يتمركزون صح بالملعب اتعب واضيع تعبي عشان لاعب غبي معاي .
قالت : ليش يلعبون 11 لاعب كل فريق عشان تقعد تلعب لحالك .
قلت : في مثل يقول الي تكسبه العبه وانا الحمد لله كل يوم افوز يعني الانانيه هاذي نفعة الفريق اكثر مما ضرته
قالت : اصلا انت دايم تنقي الي ما يعرفون يلعبون عشان تتأنن وتقعد تلعب لحالك .

بصراحه حشرتني ماقدرت ارد وبعدين الطابع الانثوي بدا يروح من كلامها وتعابير وجهها وقلت خلني اردها للانثويه كنت مبسوط وقلت : اصلا انتي بنت وش عرفك بالكوره .
قالت : ايه بنت بس عندي عقل وعيون اشوف فيها ومو لازم العب كوره عشان يصير افهم فيها .
قلت : خلاص بس هيه انتي ...

كانت بتهرج بس حطيت اصبعي السبابه على شفتها وقلت : اسسسسسسووه كيف رجلك طابت أأأأ ترى لازم تحطين لها شمع أأأه ثلج

قعدت تضحك بإستمتاع وقالت : احط شمع هاه ماعاد تري عن نفسك ..

سكتت شوي وانا اناظرها بإبتسامه خفيفه وقالت : معليش انا آسفه ماكان قصدي اجرحك .
لفيت وجهي وقعدة اطالع بإتجاه الحديقه وقالت : ليه الواحد لمى تواجهه بعيوبه ينجرح ويزعل .... ترى ما يبين عيوبك الا انسان يــ .....
سكتت ونزلت راسها تحت ...
قلت : يحبك . . . صح

قالت . أ أ أ احب لعبك .....لعبك يجنن بالكوره ما ابغى .... عارف انت احسن واحد شفته يلعب بالكوره رروح سجل بنادي .
قلت : اصلا قاعد استنى موعد التسجيل عشان اروح اسجل .
قالت : امانه يعني بتصير لاعب مشهور .
قلت : ما ادري يمكن ما يقبلوني بالنادي .
قالت : اصلا انت المفروض اللحين تلعب بــ ليبرفول .
قلت : وش ذا ليبرفول ......
قالت : ليبرفول النادي الاوربي الي تحبه ذا الي مجنن العالم بفنايله .
قلت : ااااه قصدك ليفربول الانجليزي .
قالت : الله ينور عليك هذا الي قلته بس ما اعرف انديه اوروبيه الا ريال مدريد عشان الريال بس.
قلت : انا بدخل البيت تعالي ادخلي اعرفك على اخواتي الصغار صح هم اصغر منك .. .... الا انتي كم عمرك
قالت : 12 سنه .... بتقول كذابه انتي عمرك 15 شوفي جسمك كبير .... غصب عن عين امك تصدقني وترى كرت العايله قريب .
قلت : مصدقك لو تقولين 3 سنوات بس طفي نورك .
قالت : بعد ما ريحنا وارتحت انت بالذات هيا يله شيلني للدور الثالث . << صايره تمون البنت
قلت : لا والله قومي وبطلي الدلع حق البنات . لو انك مشلوله ما شلتك .
قالت : خلاص لاتشيلني كثر الله خيرك .....

قامت تنادي حارس العماره نور الدين

قلت : هيه هيه انتي بتفضحينا
قالت : وش دخلك انت عشان افضحك تعبانه وابي واحد يشيلني .
قلت : خلاص بشيلك << الله من الغيره

شلتها ودار بذهني السؤال الي ودي اسألها فيه .
وقلت : ابغيك في سؤال .
قالت : قول مع انه معايه ضحكه بس اخاف اخجلك .
قلت : الا انتي وش وداك عند الشجر .
قالت : ابد طفشانه وطلعت اشم هوا وابغى اشوف لعبك من قريب .
قلت : طيب انتي اهلك ما يقولون لك البسي عبايه .
قالت : معاك سنه وحده وبعدين الجمال ذا كله بنغطيه ويصير حصري على البنات واعمامي وخوالي
قلت : وينه ذا ما اشوف شيء
قالت : عشانك اعمى وماعندك ذوق .
قلت : الجمال يابنتي جمال الروح ترى المظهر يتغير كل فتره ومصيره يروح مره وحده .

وصلنا عند باب شقتهم ونزلتها وقالت : قرب راسك مني
قربت راسي واعطتني بوسه صوتها خفيف بعدها احس اني دخت اول مره ذا الشيء يصير لي بعدها

قالت : شكراً .......... معليش انا جريئه شوي بس هذا اقل شي تستحقه .

نزلت مع الدرج اجري وادخل على البيت وانا مفهي وعلى طول على الفراش اتلحف بالبطنيه واتذكر البوسه وامسك خدي وانا رايح فيها و اتلحوس واتقلب بالبطنيه لساعات طويله استنى بكره يجي عشان اشوفها حسيت بشي جديد شيء احلى من طعم الفوز بالدوري <<<< تفكير كروي
وقمت اركب شعر براسي ويوم شفت اني هه بديت اركب كلام حلو جبت الدفتر الكشكول ماعرفت وش اكتب بديت اكتب اغاني قفلت الدفتر ورميته ورحت جبت المسجل وشغلت اغنية ام كلثوم انت عمري :



واطفي المسجل وامسك الدفتر واكتب البيتين هاذي ......

ما قد شفت من قبلك دلال ............
ولا عند قلبي من المحبه حصيل

ماودي اقول احبك بإبتذال ............
لين تصير احبك شي من التمثيل

تعرفين حب جمهور الهلال للهلال ....
قسم انه جنب حبي لك قليل .....

احبك عندي ماهي مجرد كلمةٍ تنقال ....
احبك اقولها وتحسينها من افعالي دليل ...

واقوم عن الدفتر فرحان اني قدرة اكتب شعر <<< نسى كاتبه لمين الانانيه مضيعته
ادور لاي واحد من اخواني مافيه الا عد عد وهذا عشان تتكلم معاه لازم تسوي معروض هيبته فالبيت هيبة ملك
قمت اتمشى قدامه وهو متكي على النت جلست جنبه وقمت اناديه عدعد مارد عدد معي الرجال يرد عدعد يخسي ابو الهول جنبه استمريت عدعد عدعد عدعد عدعد عدعد عدعد عدعد عدعد
رد بتعصيبه وقال : نعم وش تبغى
انهلعت وقامت عيوني ترمش لحالها من الخوف وقلت : لا ككككنت اااجرب صوتي بس
شد عيونه بوجهي شميت ريحت كف جاي وقلت وانا اضرب على كتفه : وش فيك زعلت شكلك معصب
مسكني مع مع فلينتي وقال : ورع قول وش عندك ...
قلت : ياهووو تاخذ كلام ورع خلاص ما ابغى شي
قال : عزو الكلام هذا مايمشي عندي اذا ماعندك شي بمغط وجهك وانتهينا .
قلت : لا بس شفت كاسة الشاهي فاضيه قلت يمكن تبيني اسوي شاهي وانت مستحي مني شوف في واحد يكلمك يناديك في الشات بسرعه مدري هو يقصدك انت يوم يقول ياكلب .

اعطاني قفا وتفله هوا بصوت جامد وتشكيلة سبات ..... رحت من عنده لكن برضوه مبسوط من قدي عندي حبيبه وشاعر ولاعب كوره فنان وعندي سياره كابرس بوقس 87 مخليه ابوي لتعليم القيادة بس مدري وين اروح قمت ادوج بالبيت من غرفه لا غرفه مهوجس دقايق ودق الجرس حق البيت واروح جري واقول فنفسي يارب عسى امها مرسلتها يبون بصل ولا ملح افك الباب الا وهذيك الحرمه الكبيره عند الباب

قالت : الوالده موجوده ..
قلت : لا والله ماهي موجوده ..
قالت : طيب ياوليدي تعرف تسوق ...
قلت : ايه اعرف اسوق وعندي سياره كمان آمري انتي بس
قالت : انا جارتكم الي بالدور الثالث بنتي تعبانه رجلها منتفخه وابونا مستلم الليله .

فرحت فرحه مابعدها ودي اسوي مثل اللعيبه لا جابوا هدف واقول يس يس

قلت : خلاص جيبها انا بالكابرس هذا شوفيه .
قالت : البنت ماتقدر تمشي وانا معايه الديسك مقدر اشيلها تعال شيلها .

طلعت معاها جيت لقيت رجلها منتفخه شي بسيط تناظر بنظره فيها انبساط ولهفه شلتها ........

وقالت البنت : ماما هذا هو عزوز الي حكيتك عنه ...
قالت الام : ولد ام نايف مدام انه هو عزوز خلاص انسي العقاب .
قلت : انا ماسويت الا واجبي وبعدين احنا جيران واذا ماوقفت مع جيراني اوقف مع مين .

قامت تدعيلي امها وديتهم على المستشفى سو لها اشاعه طلعت كدمه والانتفاخ بسبب ان الكدمه قويه
حط لها مرهم ولف على رجلها وقال لها لا تتحركين لمدة اسبوع انصدمت صدمه قويه اللحين وش يصبرني اسبوع عنها ولما طلعنا بالسيارة عاد امها طلعت قدام وهي متمدده ورى وانا ساكت قافله معاي الاخلاق

وقلت بنبرة المقهور : انتي اللحين مو قلتلك حطي ثلج ضروري .

قالت : انا وش دراني انه بيصير كذا قلت شوي وبتخف
قلت : سمعتي الدكتور وش قال يعني فرصتك اسبوع ادلعي زي ماتبغين وكل شي يجيك لا حدك .
قالت : ليه بايره انا الحمد لله مدلعه ومتهنيه طول حياتي مو الي نسمع صراخ امه عندنا .

قالت امها : بنت استحي على وجهك اللحين الولد متجمل فيك وتهرجين من راس خشمك .

امها ماتدري عنا مقهورين اسبوع مانشوف بعض .... مع إنا ما تصارحنا بالحب لكن كان واضح على تصرفاتنا من هذا الموقف .

قلت : لا عادي خليها تدلع ولاقامت بالسلامه اوريها شغلها .
قالت امها : والله عندك انت يشهد الله انك وليدي من اللحين وبناتي كلهن خواتك ...

تطمنت من داخلي وقلت بنفسي عادي اسبوع مقدور عليه باستغل الاسبوع واضبط نفسي مع امها عشان بعدين تكبر العلاقه .

وقلت لامها : انتم مين يجيب مقاضيكم من البقاله .
قالت : الي يجبها لنا ندّو .
قلت : مين ندّو هاذي .
قالت البنت : ندّو هاذي انا .
قلت : خلاص ندّو ترتاح أي شي تبونه انا حاضر ولو سمعت ان وصيتوا غيري لا اقلب العماره على روسكم .
قالت امها : والله ماتقصر عرفت تربي امك ماشاء الله عليك ليت ندّو ولد وافلتها معاك تعلم منك المرجله .
قالت البنت وهي تضحك : امي انا اللحين بنت وش بتسوين .

ضحكنا كلنا لانه المفروض امها تقول ازوجك ندّو مو اذا ولد يصاحبك فهمت امها مقصد البنت .

قالت امها : ندو لسانها طويل وراعية مزوح .
قلت : توها صغيره تكبر وتعقل انشاء الله .
وصلنا للبيت وونزلت اشيل ندو وامها تمشي قدامنا وندو جالسه تلعب فشعري وتلمس على خدودي انا خلاص اندمرت وش ذي مقابلها العصر وصايره تمون لا وتوني اعرف اسمها حتى ماني قادر استوعب وقتها لما وصلنا فوق فتحت الباب امها
وقالت ادخل وديها للغرفه عادي انت توك صغير محد يغطي منك من هنا الغرفه تلاقيها على اليمين ثاني وحده لا تروح بعد ما تحطها ابيك .

حطيت ندو على سريرها بشويش ولحفتها شوي بالبطنيه .

وقلت : تبين شيء اجيبه لك من برى .
قالت : ما ابي الا سلامتك بس نزل راسك يمي شوي .
قلت وان خجلان : لا مافي داعي لها .
قالت : هي ماهي حلى كل مره ... بقلك شيء ومابي احد يسمعه بالكون الا انت



انتههى الجزء الثاني

وطيت راسي جنب اذنها ...

وقالت : احبك
قلت : ايش ماسمعت .

طبعاً سمعت بس ابي اتأكد .

قالت : آه من الي بيفضحنا انت غبي قرب راسك شوي ......... احبك .
الزبده ارتبكت ربكه ماهي طبيعيه طلعت من عندها وامها تقولي العشا والشاهي وانا مطنش مسري مع الباب
اخذت الدرج كل درجه بساعه ورحت على السياره واشغلها وانظر الا البنزين قاضي على وشك فتحت الدرج حق المعاون دايم ابوي يحطلي فلوس حق البنزين بالمصحف الي بالدرج مالقيت شي قلت يمكن عشان الملكه الي راحوا لها نسى يحطلي شي رفعت جسمي وانا يائس قلت خلني اشغل شريط اتسمع وشغلت المسجل كان فيه اغاني المنتخب مره مو جوها اللحين طلعت الشريط طلع شوي منه و وقف جيت اطلعه بيدي والقى خمس مية ريال معلقه داخل المسجل عرفت ان امها حطتها قلت مافي امل ارجعها كذا على طول لكن بشتري بها هديه لندّو عبيت بنزين وشغلت اغنية محمد حماقي .: وحده وحده




قمت اهجول على الاغنيه والعالم الي يسلم ما ارد والي ينادي احلى سيفون ماني يم احد لين خلاص حسيت بالتعب والنوم ......

وبعد يومين من الكأبه ماشفتها حتى كوره مالعبت قاعد افكر وش من هديه اجيب وماهي حلوه اروح اقط وجهي عندهم مسوي زياره محنا بمصر وبعدين لازم اثقل شوي بس ما اقدر اتحمل احس صدري بينفجر طيب ليه ماروح اسألهم اذا يبون شي من البقاله لا لا مره لو يبون شي ارسلو على امي قلت مافيه الا خيار الهديه رحت واشتريت دبدوب اكبر مني ولبسته طقم ليفربول الاحمر ولصقت بيديه باقة ورد احمر ... وقلت خلاص بكره اوديه لها نمت وفي النوم تحلمت انها جاتني ومعاها بنت صغيره نونو وحضنتني وقالت هاذي بنتنا عزوز قمت من النوم خايف مهلوع واركض لامي امي امي صحت

وقالت : وش فيه صاير لك شي .
قلت : لا بس في حلم خوفني خلاني اقوم من النوم .
قالت : بسم الله عليك تف تف تف عساه خير عليك انشاء الله علمني وش هو .
بلعت ريقي وانا اتنفس بسرعه وقلت : هذا يا امي فيه بنت جاتني .

قامت امي تغطرف وتقول وليدي سار رجال .

قلت : امي مو وقت مزوحك انا رجال لي سنه . . . . خليني اكمل كلامي وربي لتبكين . . . اسمعي انتي البنت الي جاتني معاها بنت ترضع وقامت تلبطتني وقالت هاذي بنتنا ياعزوز .

قالت : هذا هو حلمك وخايف مالت عليك في فنجال بادريق هنا وين حاطته .
قلت : يا امي هذاك في القصه القديمه (---) بالقصه ذي بس تسولفين مافي رمي .
قالت : يس افكورس أي ويل تراي تيل يو وات از يور دريم ... ذير سم ثينق قود كمنق سون فور يو ماي صن
قلت : يا امي حرام عليك خليكي عادي قولي الجمله حقتك زي الامهات انسي انك مدرسة انجليزي يله خلصينا ترى الناس الي يقرون ماهم فاضين والقصه طويله بسرعه قبل لا ينزل م ص ر ق ع روايه وياكل الجو عليه .
قالت : طيب .. طيب ياولدي البنت بالحلم خير و رزق سواءً كانت صغيره ولا كبيره وبدال ماتخاف انبسط واحمد ربك واشكره وصلي له الا يالله ياربي ياسامع دعايه تبارك له و ترزقه من نعيمك وتفتحها بوجهه وين ماراح .
قلت : ثانكيو ماي مذر بس اسلوب الدعاء برضوه من الشخصيه القديمه هنا ماتدعين بنفس الاسلوب غيري شوي مره ثانيه .
قالت : هيا شوفلك وحده ثانيه تكمل دور الام انا منسحبه من القصه .
قلت : افا يا امي هذا وان معطيك اعلى اجر بالقصه البنت الي هي بطله القصه مكسرها ومبهذلها وهاده حيلي شيل وحط معطيها ربع اجرك .
قالت : طيب هيا القصه الجايه برفع الاجر دبل .
قلت : حتى انتي يا امي دخلتي في ارتفاع الاسعار .
قالت : ليه هو الرز والشعير احسن مني حتى انا برفع ولا شوف غيري .
قلت : خلاص بعد ما انتهي من القصه نتفاهم بالموضوع ذا
. رحت كملت نومتي وصحيت الصبح على المدرسه عاد بالمدرسه سالفتي سالفه ماني حول الدراسه ولا ادري وش الحصص حتى كان فيه مباراة لمنتخب المدرسهكنت مضيع بالملعب وانهزمنا فيها على ارضنا وحول جمهورنا واخذنا تحذيف من الطلاب لين قلنا بس عاد زهقان بالمدرسه جات الحصه الاخيره ياشيخ كنها يوم كامل مو خمس واربعين دقيقه كل شوي اناظر بالساعه والشنطه بيدي استنا متى يدق الجرس واول مادق الجرس جري على البيت دايركت مافيه بوفيه ولافيه يغمش تغديت وعينت من الله خير والقط دبدوبي واطلع لندو .. جلست قدام الجرس ربع ساعه ادق ولا ما ادق ادق ولا مادق متردد ويوم عزمت على الدقه فتحت الباب اختها مطلعه الزباله وانتم بكرامه ...

وقالت اختها : يمه بسم الله الرحمن الرحيم .
قلت : ليه يا مزمزيل جني طالع بوجهك .
قالت اختها : معليش انا اسفه مو قصدي بس فجعتني .
قلت : وكمان فجعتك دراكولا يعني انا ولا ...

جات امها تقول من على الباب شافتني .....

وقالت امها : هلا هلا ادخل ادخل تغديت ولا باقي .
قلت : متغدي بس معاي واحد هنا جايبه هديه لندو .

شلت الدبدوب شافوه وانبسطو منه ......

قالت امها : ليش متعب حالك ومكلف على نفسك .
قلت : لامتعب حالي ولا مكلف على نفسي هذا بقروشك ولا نسيتي .
قالت : انا حطتها لك تروح تجيبها هديه والله انك منت صاحي .
قلت : ندو وينها عساها طيبه اليوم .
قالت امها : ادخل عندها ولاتروح بضيفك مو زي ذيك المره تعبت وفالنهايه شربتها .
قلت : لا ولا يهمك بس لا تكثرين ماني مطول وراي تمرين .
قالت امها : انشالله ولايهمك .

دخلت عندها وانا داس نفسي ورى الدبدوب ومتخن صوت اقول : مساء الليل يا ابو الكباتن .

قالت : اطلع ياعزوز عرفتك من ....
قلت : من صوتي صح ...
قالت : لا من الطقم الي ملبسه للدبدوب ....
قلت : يله تستاهلين كم ندو عندنا ......
قالت : عزوز انا حلوه .
قلت : لا ... بس تعرفين ..... احلى حاجه فيك ان أي شي تمسكينه يصير حلو واي شي تلبسينه يصير كله اناقه ... انتي مو بس حلوه انتي تحلين كل شي حولك .
قالت : تكفى غني لي .
قلت : وين هنا يسمعوني اهلك .
قالت : ما عليك غني بصوت هادي .
قلت : لا معليش مقدر بعدين لاصرنا لوحدنا .

جات امها داخله بعصير التوت وامسك الكاسه دفعه وحده وندو بنفس الطريقه ما فيه اتكيت وبعدها صلختهم بتكريعه ضحكت البنت اثر امها تقرف شفتهم يضحكون .

قلت : لابس انا لاعصبت يطلع مني الصوت هذا .

استمر الضحك بكركره وصوت مرتفع الزبده وجهي قمط وقمت احك رقبتي .

وقلت : يله انا استأذن كرم الله .
قالت امها وهي تضحك : وين العصير على الكفتيره .

وينقلب تيار الضحك على امها قعدنا نكركر لين عيونا دمعت طبعاً امها ما انتبهت لكلمتها .

قلت : اول شي العصير ما يسخنونه وثاني شي وش كفتيره ذي قصدك غلايه خلاص مقدر اقعد عندكم بروح ورايه تمرين .

المهم روحت من عندهم وانا مبسوط واستمرت الايام بينا صرنا نروح نجيب المقاضي سوى بعد ما طابت ندّو الي قريبه نروح مشي نجيبها والي بعيده سفينة نوح ( اسم الكابرس ) موجود وصرنا مطقمين بفنايل ليفربول ضحك ووناسه مافيه شيء يكدر علينا حتى تفاصيل الكلام ماناخذ بالنا منها لانه ثقتنا ببعض اكبر من أي شيء ثاني يربطنا وفي يوم من احد الايام دخلت البيت ولقيت ابوها عندنا جالس مع ابوي بالمجلس دخلت جوه خايف قلت بس جاي يشتكي والرجال مستحي ما يبى يكسفني عاد انا مره مخربها حتى بالسيكل مردف البنت معاي دخلت جوه اتنافض طلعتلي امي بالقهوه

قالت : الحمد لله انك جيت خذ ودي القوه .
قلت : يامي انا تعبان مالقيت الا انا .
قالت : مافي احد من اخوانك مافيه الا انت .
قلت : كأني ماجيت البيت اصلا .
قالت : ويابوك يالرخمه تبي ابوك يصب القهوه وعياله رجال .
قلت : طيب تخيلي اني ماجيت وش كان بيصير .
قالت : هذا انت جيت وش بيصير .

جا ابويه مستعجل يقول : وين القهوه .
قالت امي : هاذي هيه عزو بيجيبها .
قلت : يله يله يابوي انا وراك .

دخلت بالقهو وانا وجهي طايح ومرتبك اول ما شافني :
انتهى الجزء الثالث

قال : هلا وغلا بعزوز سيد الكل .
رديت بإبتسامه خجلان : الله يحيك ساع انور البيت .
قال : والله ماشفت مثلك ولد نشمي يابعدي هذا الشبل من هذاك الاسد .
قال ابوي : لا انت ماشفت شي .
قال : انت يابو نايف تدري عن سوالفهم هو وندى بنتي .
قال ابوي : وش مسوين عاد هو فيه شقاوه ماهي فأحد من عيالي .
قال : والله لتموت من الضحك عاد انا ندى بنتي ولد ماهي بنت لقيتهم لابسين فنايل رياضه ويلعبون كوره قلت لبنتي والله لو فيه نادي نسائي لا اوديك .
قال ابوي : اووووووووووه بس تطابقت ابراجهم عاد عزوز قطعه عند الكوره .
قال : انا بنتي اخس منه مقابله المباريات والله حتى فرق انا ما اعرف وش اسمها هي تعرفها ماشاء الله لا وتنقد على المدرب وتطالب بتغيرات وسط المباراه ماني متخيلها بنت .
قال ابوي : بس لقت واحد اخس منها مخليني اشترك في كل القنوات الرياضيه عاد وش اسوى مابي ازعله .
قال : وانا اشوف بنتي تقول يابوي ابي دش ابو بطاقه اثرها فيه قنوات رياضيه غير ذي مشفره .
قال ابوي : اووف دش لحالها ياكثرها مالها عدد .
قال : وكم قيمتها .
قال ابوي : والله انا دافع 3000 ريال على سنه كامله .
قال : من غير البلوه هذا وش اسمه ياربي .
قلت : ريسيفر .
قال : ريسيفر .
قال ابوي : لا الرسيفر مشتريه انا 450 ريال لوحده .
قال : على كذا يبيلي 3450 ريال والله اشتري لها فستان ازين .
قلت : لا انت اشتري الرسيفر وانا اعطيها البطاقه لاخلصت من المباريات عشان المباريات تنعاد كل شوي .
قال : آآآه انتم مضبطين الاوضاع ما شاء الله عليكم ........ اقول ابو نايف خلنا نجوزهم من اللحين ونفتك منهم ونحطلهم شقه ببطايقها .

طاحت الدله حقت القهوه من يدي ارتبكت طلعت فنيلتي وقمت امسح السجاد وابوي يبحلق فيني ومعاه ضحكه عاد ابو البنت فاطس من الضحك على منظري .

وقال ابوي : خير والصلاة على النبي اشبك يا عريس .
قلت : بروح اجيب صابون السجاد راح وطي .
قال ابوي وهو يضحك : روح جيب صابون اخوانك اكبر منك مازوجتهم تبيني ازوجك .

جبت ملح من المطبخ شافني ابوي وابوها عاد خربوها قاموا يتسدحون من الضحك زي الورعان الصغار .

قلت بصوت عالي : هيييييييييييه وش فيكم تضحكون .
قال ابو البنت : هذا صابون الي بيدك .
قلت : داري انه ملح اقوول اضحكوا انتم شياب وش دراكم <<< خربها .

حطيت الملح على القهوه المكبوبه وبدى يتغير لون الملح وصار لونه اخضر .

قال ابوي : انت وش تسوي .
قلت : يا ابوي الملح يشفط القهوه من السجاد وبكذا يصير كانك ما كبيت قهوه على السجاد ترجع زى ماكانت .
قال ابوي وهو يضحك : هذا آخر مشيك مع بنت هذا << يأشر على ابو البنت .

كملوا ضحكهم وجيتهم مره ثانيه بالمكنسه الكهربائيه ويزيدون من الضحك .

قال ابوها : وش ذا بعد
قلت : ياذكي انت وياه الملح اشيله بيدي لازم مكنسه عشان اشفطه .
قال ابوي : لاتلومه عزوز لاعصب مايعرف احد قدامه .
قلت : ابويه لاتقعد تكبر راسي على الغلط معليش انا آسف اني عليت صوتي عليكم .
قال ابوها : تذكر طاري الزواج وصار مؤدب ياحليله .
قلت : والله ما اقعد عندكم وخلوا واحد يصبلكم الشاهي .

اصلا سمعت صوت باب البيت انفتح رحت لقيته الطوطو قلت ابوي يبغيك عشان يتورط بالشاهي ....

بعد الموقف خلاص صار ماعاد فيه أي حواجز بين و بينها صرت ماعاد عليه من احد صار مؤشر المباريات حق المدرسه طالع فوز ورى فوز لين جبت الدوري والكاس عاد فرحه لاتوصف فرحت الكاس وسوينا حفله بالمدرسه للكاس ولكن كان فيه حفله اعتبرها اكبر حفله لي بحياتي كانت بيني وبين ندّو طلعنا العصر ورحنا للكورنيش ومعانا الكاس اشترينا اسكريم وتكينا على الشاطي والكاس بينا وقعدنا نسولف ونضحك واغنيه رومانسيه شغاله بالسياره وفوسط الكلام :

قالت ندو : خلنا نروح لمكان محد يشوفنا فيه .

قلت : ليه

قالت : انت روح وبعدين تعرف .

قلت : لا بالله قولي ليش .

قالت : انت روح والله بتمبسط .

قلت : بس بنتأخر وبعدين .....

قالت : روح لا تخاف ماعليك .

قلت : خلاص اعرف مكان هنا قريب محد يشوفنا فيه .

قالت : قبل كل شي راح اركب بالسياره فالمقعد الي ورى بشوف احد يشوف ولا لا .
قلت : الله يعطينا خيرك .

رحت ركبت فالسياره بالمقعد الخلفي .

قالت : والله تمام التضليل محد يشوف يله سوق وان بطلع ورى بأستعد لين مانوصل المكان .

عاد انا ارتبكت وحاط المكيف على اعلى شي والعرق يصب من جبهتي واسمع صوت خرفشه ورى .

قلت : وش تسوين .

قالت : لاتطالع لما نوصل انت تشوف .

قلت بنفسي والله ورطه وش بسوى بالموقف هذا الحين وش بيصير اما هاذي مستحيل منها لا يمكن الشيطان لعب بعقلها والله مالي صلاح هيه الي تبغى مو انا جبرتها اخاف لو رفضت تروح لغير لا لا لا يمكن مقلب من مقالبها ياعزوز لاتقول بر لين توكي عليه زي ماتجي تجي وبعدين انا بتزوجها اصلا وهي ماتسوي كذا الا انها تحبني وش فرقت يعني كذا كذا متزوجين ..

المهم وصلنا للمكان .

وقلت خلاص وصلنا اطالع

قالت : يله حط عينك فيني

انتهى الجزء الرابع تتوقعون ايش ندى كانت اتسووي وايش اللى راح يسير بينهم راح يتفرقو او
بيتمو احلى اثنين
.

لقيتها لابسه فستان روعه ما اقدر اوصفه يمكن هي الي محليته .

قالت : وش رايك حلو .

قلت : مو احلى منك ياكبتن .

قالت : يله شغل شي ودي ارقص وانت كمان لازم ترقص معاي .

قلت : اما رقص ما اعرف بقعد اتفرج .

قالت : بس اوقف كذا وحاول تحرك جسمك مع الدق .

رحت شغلت اغنيه صرقعه شغل طار ونقرزان وعده على اصولها وهاتك رقص قعدنا يمكن ساعه كلها رقص اغنيه ورى اغنيه والكاس حولنا خلصنا من الرقص وقعدت تغير بالسياره والدنيا بدت تظلم طلعت بالسياره ورحنا على البيت وقبل لاتنزل اعطيتها بوسه وكانت اول بوسه مني طول هاذي المده وكانت آخر بوسه لانه باليوم الثاني لقيت رساله بصندوقي الخاص الي قدام العماره مضمونها :


عزوز حبيبي كان ودي اوادعك وانا ضامتك على صدري بس للاسف ماحبيت اقولك إنا مسافرين لاني ما اتحمل اشوف ردة فعلها على وجهك بس لاتخاف انا لايمكن انساك هاذي المره ماعاد بتشوفني يمكن لسنين طويله ما ادري كيف اتواصل معاك ابيك تعرف شي انه احلى ايام عمري عشتها معاك وانا احبك من قبل ما اعرفك تعرف اول يوم تقابلنا ترى انا الي حطيت رجلي بين الاغصان متعمده يوم شفتك جاي تشيل الكوره وتحاول مساعدتي عشان اتعرف عليك عزوز ما ابيك تفكر فيني خلاص انساني انا ما ادري في امل يجمعنا العمر مره ثانيه ولا لا عشان كذا ريح نفسك ولا تشغل بالك ترى الي بيننا ينسي بسهوله لانه حب على هامش الطفوله نكبر وننساه بس تأكد لو جمعنا العمر مره ثانيه نجدد الحب ونبداه من جديد ولاتنسى انا الي حبيتك مو انت الي حبيتني انا الي خليتك تحبني مو انت بمزاجك عشان كذا تقدر تنساني لو انت تحبني انساني تكفى انساني .
مع السلامه عزوز
ندو



قريت الرساله ودموعي على خدي ماني مصدق امس كانت معاي يدها بيدي ومن بعدها ضاعت حياتي صارت كلها تخبطات و تشتت ما ادري منهو صاحبي بدو اصحابي يقلون من تصرفاتي الشينه رحت لشله فاسده صرت اشرب خمر معاهم وادخن حشيش ابى انسى العذاب مادريت انه كان يزيده كنت لا سكرت اشوف الناس كلهم ندو وازيد اتألم ويوم كنت سكران طينه جاني صديق العمر ( سحسو ) الي اتخلى عني بعد ما مشيت في طريق الفساد والعياذ بالله شالني من وسط الجلسه و وداني عند براده حقت مياه السبيل ويرش مويه على وجهي ويصفق فيني بالكفوف لين فقت ولما فقت .

قال : الحمد لله على السلامه .
قلت : انت وش تبغى .
قال : شوف يا ابو عزه ما ابغى اقعد اقلك كلام المسلسلات الخليجيه انت ضيعت نفسك ومستقبلك .....
قلت : انت اش تبغى مو انا خلاص كخه .... كخه يابابا .
قال : اول شي انا غلطان اني سبتك بس ترى ماسبتك عشان انا كارهك لا لاني واثق من حبك لي فكرت انك بتسيب الخراب علشان ترضيني بس الظاهر .....
قلت : ايوه قول بس الظاهر ايش ..... قول .
قال : بس الظاهر انه في وحده أأأأ ......
قلت : لو قلتها ياحسين قسم بالله لاقتلك والي يصير يصير .
قال : ايوه وحده ............
قلت بصوت عالي وتعصيبه : حسييييييييييييييييييييييييييين لاتقولها قسم بالله لا اسدح رقبتك هنا .
قال : لا ماعليك بس كنت بشوف باقي تحبها ولا نسيت ..... شفت الخراب مانساك بالعكس زادك جهل ...... ياعمي خليني اشرب وانسى الهموم ..... هاه نسيت شي .... عبدالعزيز تتوقع هي تشرب اللحين تتوقع هي انسحبت عن العالم وانعزلت عن الدنيا من حولها قلي وش تسوى هي اللحين .

جلست ساكت منزل راسي بالارض ما ادري وش اقول سكتني واثبتلي قد ايش كنت انسان حقير رفعت راسي والدمعه نزلت مع بداية الكلام

وقلت : ياربي اقسم بالله اني كنت حقير ونذل مع نفسي ومعاك ياحسين تكفى سامحني .
قال : اسامحك ياغبي قسم كل ما اشوفك يتقطع قلبي متين وصله شايف حبك لندّو مايجي ظفر حبي لك يا مجنون تحسبني غافل عنك كنت اداريك من بعيد لا بعيد وانت ما تدري .

وقام بيني وبينه حضن حار حضن اخوان حضن احباب حضن ادفى من حضن الام لولدها
وبعدها ابتعدت عن الخمر والحشيش ورجعت العب كوره من جديد و رحت افتح الصندوق حقي الي مافتحته من سنتين ولقيت ورقة من احدى النوادي الكبيره بالمملكه بس خلاص فات الاوان الخطاب له سنتين من يوم ماراحت ندو طلبوني بعد ما اخذت بطولة مدارس جده واحسن لاعب بالبطوله مسكت الخطاب وقاعد اضحك كملت لعب كوره ورجعت العب زي زمان مع الوقت والتمرين القاسي وقمت احصد كؤوس دواري جده واحد ورى الثاني مكرس حياتي في هواتي لين وصل عمري 23 سنه كنا بعد الكوره نجلس عند الكفتريا الي بحارتنا وجنب الكفتريا بقاله جات وحده موووووووووووت قاعده تمشي .

قال واحد من العيال : بدخل ارقمها .
قلت : لا المره هاذي انا بدخل وزي ماتجي تجي .
قال حسين : يعمي روح اضمنك من اللحين بتعلق والدينها .

والله تحمست دخلت البقاله واول مادخلت جات عيوني بعيونها حسيت اني اعرفها من زمان ماهي غريبه على وهي برضو مارضت تنزل عيونها استحيت وطلعت من البقاله .

قال حسين : هاه كيف البنت كلموني .
قلت : حسين تعال ابغاك .
قال حسين : كيف اخذت الرقم .
قلت : هاذي ندو .
قال : ايش يجيب ام امها هنا ما تقولي انها بالرياض .
قلت : اقول وربي هيه .
قال : استنى هنا خلني اروح اشوف .
قلت : اقول خل البهلله حقت ياعمي اعرفها من بين مليون .
قال : طيب لا خرجت روح شوف وين بيتها واستنا هناك لاشفت ابوها يعني هيه البنت .

والله استنيتها لين ماخرجت ولحقتها لين مادخلت بيتها انتظرت ثلاث ايام مرابطات و ورديات عند البيت و قوة استلامات ما شفت ابوها واخر مره طلعت البنت هي واهلها مع واحد ما اعرفه وهذاك كان يدخل العماره باستمرار وساكن معاهم يعني ماطلعت هي ندو طلعت وحده ثانيه .

بعدها استلمت حسين اسأله طيب ليه طولت تناظر فيني ما شالت عينها وكل مره تطلع تناظر فيني وللحين تمر وتناظر ايش يعني هذا وكان دايم يقول اقسم بالله بدون مجامله انت لو اني انا بنت اخطفك ماشاء الله عليك حليوه وما يحتاج ....كنت احس انها مجاملات بس يبرر بها نظرات البنت .

وبعد شهر وانا في البقاله جالس انقي ماني عارف وش آخذ الحاله هاذي تجي اذا كان الجيب مليان قروش ماتدري وش تاخذ واذا انك طفران تشتهي كل شي المهم دخلت نفس البنت وقفت عرفت انها تبي قسم الحلويات وخرت ورحت عند العصير وانا انقي عصير


سمعت اغنية اصاله اقرب قريب ....
مصدرها كان من جوال ماعطيتها بال قلت نغمه داق جوال البنت اخذت العصير ورحت احاسب
مستعجل ورانا مباراة مهمه جداً طلعت لقيت حسين يقولى الجزمه وانتم بكرامه ناسيها عند بيتنا ركبت بسيارتي الافلون فول كامل عديت ومن قدام بيت البنت والمح ابوندّو سحبت فرامل بوووووز ديورت


قال حسين : وش فيك .
قلت : شوفلك احد يوصلك ولا خذ السياره .
قال : ياهوه بشويش امش

كنت مسرع سرعه جنونيه وصلت البقاله وقفت بتفحيطه نزلت امشي بسرعه وسرعتي تتباطء كل ما قربت من باب البقاله دخلت البقاله ما اشوف احد سألت البنقالي

قلت : صديق انت مافي شوف هرمه هذا اول هنا وين روه .

اشرلي البنقالي بيده على مكانها كانت ورى البارتشن جهت الاجبان والقشطه والتونه رحت عند ثلاجة العصير وانا مشغل نفس الاغنيه حقت اصاله اقرب قريب
حسيت بيدين ناعمتين مسكت يدي التفت وانا خلاص متأكد انها ندو حضنتها حضن كان اقوى من حق حسين وفلتها بسرعه شالت الطرحه وشفت جمال ماعمري شفته لا بتلفزيون ولا بغيره

طبعن سحبتها ورى البارتشن عند التونه ورتني لبسها تحت العبايه كان ليفربول زي اللبس الي كنت لابسه .

قالت : ليه ماعرفتني من اول مره .
قلت : قسم بالله عرفتك بقلبي لكن ماشفت ابوك يوم كنت عند بيتكم .
قالت : ترى يوم شفتك ثلاث ايام الصبح والظهر والعصر والمساء والليل وانت قدام البيت عرفت اني باقيه في بالك مانسيتني .
قلت : احسك تغيرتي تغيرتي كثير مره .
قالت : احلى .
قلت : مدري بس بصراحه زمان احلى .....
قالت : حتى انت زمان احلى ....
قلت : بس مايهم لان الحلاوه حلاوة الرووووووووووح ......و ..
قالت : الجمال ذا كله بيروووووووووح

قطع كلامنا حسين

قال : يله يبويه تأخرنا على المباراة .
قلت : لا ما اقدر العب الاصابه رجعتلي <<< اشر بيدي على ندو

اشر براسه فهم الهرجه وشال العيال وراح

قلت لندو : فاضيه لو ربع ساعه

اشرت براسه ايه

طلعنا بالافلون ودعس من جنب سيارة العيال مشغلين اغنية اقرب قريب لاصاله نصري واشر لهم من فتحت السقف باي باي واشوف حركت افواهم تقول يابن الكلب عديت من عندهم ومكتوب عل القزاز الخلفي :




الــــــــــــنـــــــــهـــــــايـــه

قال : هلا وغلا بعزوز سيد الكل .
رديت بإبتسامه خجلان : الله يحيك ساع انور البيت .
قال : والله ماشفت مثلك ولد نشمي يابعدي هذا الشبل من هذاك الاسد .
قال ابوي : لا انت ماشفت شي .
قال : انت يابو نايف تدري عن سوالفهم هو وندى بنتي .
قال ابوي : وش مسوين عاد هو فيه شقاوه ماهي فأحد من عيالي .
قال : والله لتموت من الضحك عاد انا ندى بنتي ولد ماهي بنت لقيتهم لابسين فنايل رياضه ويلعبون كوره قلت لبنتي والله لو فيه نادي نسائي لا اوديك .
قال ابوي : اووووووووووه بس تطابقت ابراجهم عاد عزوز قطعه عند الكوره .
قال : انا بنتي اخس منه مقابله المباريات والله حتى فرق انا ما اعرف وش اسمها هي تعرفها ماشاء الله لا وتنقد على المدرب وتطالب بتغيرات وسط المباراه ماني متخيلها بنت .
قال ابوي : بس لقت واحد اخس منها مخليني اشترك في كل القنوات الرياضيه عاد وش اسوى مابي ازعله .
قال : وانا اشوف بنتي تقول يابوي ابي دش ابو بطاقه اثرها فيه قنوات رياضيه غير ذي مشفره .
قال ابوي : اووف دش لحالها ياكثرها مالها عدد .
قال : وكم قيمتها .
قال ابوي : والله انا دافع 3000 ريال على سنه كامله .
قال : من غير البلوه هذا وش اسمه ياربي .
قلت : ريسيفر .
قال : ريسيفر .
قال ابوي : لا الرسيفر مشتريه انا 450 ريال لوحده .
قال : على كذا يبيلي 3450 ريال والله اشتري لها فستان ازين .
قلت : لا انت اشتري الرسيفر وانا اعطيها البطاقه لاخلصت من المباريات عشان المباريات تنعاد كل شوي .
قال : آآآه انتم مضبطين الاوضاع ما شاء الله عليكم ........ اقول ابو نايف خلنا نجوزهم من اللحين ونفتك منهم ونحطلهم شقه ببطايقها .

طاحت الدله حقت القهوه من يدي ارتبكت طلعت فنيلتي وقمت امسح السجاد وابوي يبحلق فيني ومعاه ضحكه عاد ابو البنت فاطس من الضحك على منظري .

وقال ابوي : خير والصلاة على النبي اشبك يا عريس .
قلت : بروح اجيب صابون السجاد راح وطي .
قال ابوي وهو يضحك : روح جيب صابون اخوانك اكبر منك مازوجتهم تبيني ازوجك .

جبت ملح من المطبخ شافني ابوي وابوها عاد خربوها قاموا يتسدحون من الضحك زي الورعان الصغار .

قلت بصوت عالي : هيييييييييييه وش فيكم تضحكون .
قال ابو البنت : هذا صابون الي بيدك .
قلت : داري انه ملح اقوول اضحكوا انتم شياب وش دراكم <<< خربها .

حطيت الملح على القهوه المكبوبه وبدى يتغير لون الملح وصار لونه اخضر .

قال ابوي : انت وش تسوي .
قلت : يا ابوي الملح يشفط القهوه من السجاد وبكذا يصير كانك ما كبيت قهوه على السجاد ترجع زى ماكانت .
قال ابوي وهو يضحك : هذا آخر مشيك مع بنت هذا << يأشر على ابو البنت .

كملوا ضحكهم وجيتهم مره ثانيه بالمكنسه الكهربائيه ويزيدون من الضحك .

قال ابوها : وش ذا بعد
قلت : ياذكي انت وياه الملح اشيله بيدي لازم مكنسه عشان اشفطه .
قال ابوي : لاتلومه عزوز لاعصب مايعرف احد قدامه .
قلت : ابويه لاتقعد تكبر راسي على الغلط معليش انا آسف اني عليت صوتي عليكم .
قال ابوها : تذكر طاري الزواج وصار مؤدب ياحليله .
قلت : والله ما اقعد عندكم وخلوا واحد يصبلكم الشاهي .

اصلا سمعت صوت باب البيت انفتح رحت لقيته الطوطو قلت ابوي يبغيك عشان يتورط بالشاهي ....

بعد الموقف خلاص صار ماعاد فيه أي حواجز بين و بينها صرت ماعاد عليه من احد صار مؤشر المباريات حق المدرسه طالع فوز ورى فوز لين جبت الدوري والكاس عاد فرحه لاتوصف فرحت الكاس وسوينا حفله بالمدرسه للكاس ولكن كان فيه حفله اعتبرها اكبر حفله لي بحياتي كانت بيني وبين ندّو طلعنا العصر ورحنا للكورنيش ومعانا الكاس اشترينا اسكريم وتكينا على الشاطي والكاس بينا وقعدنا نسولف ونضحك واغنيه رومانسيه شغاله بالسياره وفوسط الكلام :

قالت ندو : خلنا نروح لمكان محد يشوفنا فيه .

قلت : ليه

قالت : انت روح وبعدين تعرف .

قلت : لا بالله قولي ليش .

قالت : انت روح والله بتمبسط .

قلت : بس بنتأخر وبعدين .....

قالت : روح لا تخاف ماعليك .

قلت : خلاص اعرف مكان هنا قريب محد يشوفنا فيه .

قالت : قبل كل شي راح اركب بالسياره فالمقعد الي ورى بشوف احد يشوف ولا لا .
قلت : الله يعطينا خيرك .

رحت ركبت فالسياره بالمقعد الخلفي .

قالت : والله تمام التضليل محد يشوف يله سوق وان بطلع ورى بأستعد لين مانوصل المكان .

عاد انا ارتبكت وحاط المكيف على اعلى شي والعرق يصب من جبهتي واسمع صوت خرفشه ورى .

قلت : وش تسوين .

قالت : لاتطالع لما نوصل انت تشوف .

قلت بنفسي والله ورطه وش بسوى بالموقف هذا الحين وش بيصير اما هاذي مستحيل منها لا يمكن الشيطان لعب بعقلها والله مالي صلاح هيه الي تبغى مو انا جبرتها اخاف لو رفضت تروح لغير لا لا لا يمكن مقلب من مقالبها ياعزوز لاتقول بر لين توكي عليه زي ماتجي تجي وبعدين انا بتزوجها اصلا وهي ماتسوي كذا الا انها تحبني وش فرقت يعني كذا كذا متزوجين ..

المهم وصلنا للمكان .

وقلت خلاص وصلنا اطالع

قالت : يله حط عينك فيني

انتهى الجزء الرابع تتوقعون ايش ندى كانت اتسووي وايش اللى راح يسير بينهم راح يتفرقو او
بيتمو احلى اثنين
.

لقيتها لابسه فستان روعه ما اقدر اوصفه يمكن هي الي محليته .

قالت : وش رايك حلو .

قلت : مو احلى منك ياكبتن .

قالت : يله شغل شي ودي ارقص وانت كمان لازم ترقص معاي .

قلت : اما رقص ما اعرف بقعد اتفرج .

قالت : بس اوقف كذا وحاول تحرك جسمك مع الدق .

رحت شغلت اغنيه صرقعه شغل طار ونقرزان وعده على اصولها وهاتك رقص قعدنا يمكن ساعه كلها رقص اغنيه ورى اغنيه والكاس حولنا خلصنا من الرقص وقعدت تغير بالسياره والدنيا بدت تظلم طلعت بالسياره ورحنا على البيت وقبل لاتنزل اعطيتها بوسه وكانت اول بوسه مني طول هاذي المده وكانت آخر بوسه لانه باليوم الثاني لقيت رساله بصندوقي الخاص الي قدام العماره مضمونها :


عزوز حبيبي كان ودي اوادعك وانا ضامتك على صدري بس للاسف ماحبيت اقولك إنا مسافرين لاني ما اتحمل اشوف ردة فعلها على وجهك بس لاتخاف انا لايمكن انساك هاذي المره ماعاد بتشوفني يمكن لسنين طويله ما ادري كيف اتواصل معاك ابيك تعرف شي انه احلى ايام عمري عشتها معاك وانا احبك من قبل ما اعرفك تعرف اول يوم تقابلنا ترى انا الي حطيت رجلي بين الاغصان متعمده يوم شفتك جاي تشيل الكوره وتحاول مساعدتي عشان اتعرف عليك عزوز ما ابيك تفكر فيني خلاص انساني انا ما ادري في امل يجمعنا العمر مره ثانيه ولا لا عشان كذا ريح نفسك ولا تشغل بالك ترى الي بيننا ينسي بسهوله لانه حب على هامش الطفوله نكبر وننساه بس تأكد لو جمعنا العمر مره ثانيه نجدد الحب ونبداه من جديد ولاتنسى انا الي حبيتك مو انت الي حبيتني انا الي خليتك تحبني مو انت بمزاجك عشان كذا تقدر تنساني لو انت تحبني انساني تكفى انساني .
مع السلامه عزوز
ندو



قريت الرساله ودموعي على خدي ماني مصدق امس كانت معاي يدها بيدي ومن بعدها ضاعت حياتي صارت كلها تخبطات و تشتت ما ادري منهو صاحبي بدو اصحابي يقلون من تصرفاتي الشينه رحت لشله فاسده صرت اشرب خمر معاهم وادخن حشيش ابى انسى العذاب مادريت انه كان يزيده كنت لا سكرت اشوف الناس كلهم ندو وازيد اتألم ويوم كنت سكران طينه جاني صديق العمر ( سحسو ) الي اتخلى عني بعد ما مشيت في طريق الفساد والعياذ بالله شالني من وسط الجلسه و وداني عند براده حقت مياه السبيل ويرش مويه على وجهي ويصفق فيني بالكفوف لين فقت ولما فقت .

قال : الحمد لله على السلامه .
قلت : انت وش تبغى .
قال : شوف يا ابو عزه ما ابغى اقعد اقلك كلام المسلسلات الخليجيه انت ضيعت نفسك ومستقبلك .....
قلت : انت اش تبغى مو انا خلاص كخه .... كخه يابابا .
قال : اول شي انا غلطان اني سبتك بس ترى ماسبتك عشان انا كارهك لا لاني واثق من حبك لي فكرت انك بتسيب الخراب علشان ترضيني بس الظاهر .....
قلت : ايوه قول بس الظاهر ايش ..... قول .
قال : بس الظاهر انه في وحده أأأأ ......
قلت : لو قلتها ياحسين قسم بالله لاقتلك والي يصير يصير .
قال : ايوه وحده ............
قلت بصوت عالي وتعصيبه : حسييييييييييييييييييييييييييين لاتقولها قسم بالله لا اسدح رقبتك هنا .
قال : لا ماعليك بس كنت بشوف باقي تحبها ولا نسيت ..... شفت الخراب مانساك بالعكس زادك جهل ...... ياعمي خليني اشرب وانسى الهموم ..... هاه نسيت شي .... عبدالعزيز تتوقع هي تشرب اللحين تتوقع هي انسحبت عن العالم وانعزلت عن الدنيا من حولها قلي وش تسوى هي اللحين .

جلست ساكت منزل راسي بالارض ما ادري وش اقول سكتني واثبتلي قد ايش كنت انسان حقير رفعت راسي والدمعه نزلت مع بداية الكلام

وقلت : ياربي اقسم بالله اني كنت حقير ونذل مع نفسي ومعاك ياحسين تكفى سامحني .
قال : اسامحك ياغبي قسم كل ما اشوفك يتقطع قلبي متين وصله شايف حبك لندّو مايجي ظفر حبي لك يا مجنون تحسبني غافل عنك كنت اداريك من بعيد لا بعيد وانت ما تدري .

وقام بيني وبينه حضن حار حضن اخوان حضن احباب حضن ادفى من حضن الام لولدها
وبعدها ابتعدت عن الخمر والحشيش ورجعت العب كوره من جديد و رحت افتح الصندوق حقي الي مافتحته من سنتين ولقيت ورقة من احدى النوادي الكبيره بالمملكه بس خلاص فات الاوان الخطاب له سنتين من يوم ماراحت ندو طلبوني بعد ما اخذت بطولة مدارس جده واحسن لاعب بالبطوله مسكت الخطاب وقاعد اضحك كملت لعب كوره ورجعت العب زي زمان مع الوقت والتمرين القاسي وقمت احصد كؤوس دواري جده واحد ورى الثاني مكرس حياتي في هواتي لين وصل عمري 23 سنه كنا بعد الكوره نجلس عند الكفتريا الي بحارتنا وجنب الكفتريا بقاله جات وحده موووووووووووت قاعده تمشي .

قال واحد من العيال : بدخل ارقمها .
قلت : لا المره هاذي انا بدخل وزي ماتجي تجي .
قال حسين : يعمي روح اضمنك من اللحين بتعلق والدينها .

والله تحمست دخلت البقاله واول مادخلت جات عيوني بعيونها حسيت اني اعرفها من زمان ماهي غريبه على وهي برضو مارضت تنزل عيونها استحيت وطلعت من البقاله .

قال حسين : هاه كيف البنت كلموني .
قلت : حسين تعال ابغاك .
قال حسين : كيف اخذت الرقم .
قلت : هاذي ندو .
قال : ايش يجيب ام امها هنا ما تقولي انها بالرياض .
قلت : اقول وربي هيه .
قال : استنى هنا خلني اروح اشوف .
قلت : اقول خل البهلله حقت ياعمي اعرفها من بين مليون .
قال : طيب لا خرجت روح شوف وين بيتها واستنا هناك لاشفت ابوها يعني هيه البنت .

والله استنيتها لين ماخرجت ولحقتها لين مادخلت بيتها انتظرت ثلاث ايام مرابطات و ورديات عند البيت و قوة استلامات ما شفت ابوها واخر مره طلعت البنت هي واهلها مع واحد ما اعرفه وهذاك كان يدخل العماره باستمرار وساكن معاهم يعني ماطلعت هي ندو طلعت وحده ثانيه .

بعدها استلمت حسين اسأله طيب ليه طولت تناظر فيني ما شالت عينها وكل مره تطلع تناظر فيني وللحين تمر وتناظر ايش يعني هذا وكان دايم يقول اقسم بالله بدون مجامله انت لو اني انا بنت اخطفك ماشاء الله عليك حليوه وما يحتاج ....كنت احس انها مجاملات بس يبرر بها نظرات البنت .

وبعد شهر وانا في البقاله جالس انقي ماني عارف وش آخذ الحاله هاذي تجي اذا كان الجيب مليان قروش ماتدري وش تاخذ واذا انك طفران تشتهي كل شي المهم دخلت نفس البنت وقفت عرفت انها تبي قسم الحلويات وخرت ورحت عند العصير وانا انقي عصير


سمعت اغنية اصاله اقرب قريب ....
مصدرها كان من جوال ماعطيتها بال قلت نغمه داق جوال البنت اخذت العصير ورحت احاسب
مستعجل ورانا مباراة مهمه جداً طلعت لقيت حسين يقولى الجزمه وانتم بكرامه ناسيها عند بيتنا ركبت بسيارتي الافلون فول كامل عديت ومن قدام بيت البنت والمح ابوندّو سحبت فرامل بوووووز ديورت


قال حسين : وش فيك .
قلت : شوفلك احد يوصلك ولا خذ السياره .
قال : ياهوه بشويش امش

كنت مسرع سرعه جنونيه وصلت البقاله وقفت بتفحيطه نزلت امشي بسرعه وسرعتي تتباطء كل ما قربت من باب البقاله دخلت البقاله ما اشوف احد سألت البنقالي

قلت : صديق انت مافي شوف هرمه هذا اول هنا وين روه .

اشرلي البنقالي بيده على مكانها كانت ورى البارتشن جهت الاجبان والقشطه والتونه رحت عند ثلاجة العصير وانا مشغل نفس الاغنيه حقت اصاله اقرب قريب
حسيت بيدين ناعمتين مسكت يدي التفت وانا خلاص متأكد انها ندو حضنتها حضن كان اقوى من حق حسين وفلتها بسرعه شالت الطرحه وشفت جمال ماعمري شفته لا بتلفزيون ولا بغيره

طبعن سحبتها ورى البارتشن عند التونه ورتني لبسها تحت العبايه كان ليفربول زي اللبس الي كنت لابسه .

قالت : ليه ماعرفتني من اول مره .
قلت : قسم بالله عرفتك بقلبي لكن ماشفت ابوك يوم كنت عند بيتكم .
قالت : ترى يوم شفتك ثلاث ايام الصبح والظهر والعصر والمساء والليل وانت قدام البيت عرفت اني باقيه في بالك مانسيتني .
قلت : احسك تغيرتي تغيرتي كثير مره .
قالت : احلى .
قلت : مدري بس بصراحه زمان احلى .....
قالت : حتى انت زمان احلى ....
قلت : بس مايهم لان الحلاوه حلاوة الرووووووووووح ......و ..
قالت : الجمال ذا كله بيروووووووووح

قطع كلامنا حسين

قال : يله يبويه تأخرنا على المباراة .
قلت : لا ما اقدر العب الاصابه رجعتلي <<< اشر بيدي على ندو

اشر براسه فهم الهرجه وشال العيال وراح

قلت لندو : فاضيه لو ربع ساعه

اشرت براسه ايه

طلعنا بالافلون ودعس من جنب سيارة العيال مشغلين اغنية اقرب قريب لاصاله نصري واشر لهم من فتحت السقف باي باي واشوف حركت افواهم تقول يابن الكلب عديت من عندهم ومكتوب عل القزاز الخلفي :




الــــــــــــنـــــــــهـــــــايـــه
The End

روووووووووووووووووووووووووووووووعة

:) :) :)

بارك الله فيك