هي : تيجي نلعب لعبة ؟؟
..
هو : لعبة إيه ؟
هي : تعالا نرتبط لمدة 30 يوم بس وابقا حبيبتك و كده كده احنا الاتنين سنجل
هو : مممم ، فكرة حلوة .. ليه لا
اليوم 1
دخلو السينما لأول مرة مع بعض و مسكو إيدين بعض و هما بيتفرجو عالفيلم الرومانسي
اليوم 4
راحو شاطئ البحر و إتفسحو .. هو و هي عاشو وقت مميز في اليوم ده
اليوم 12
عزمها عالسيرك و علي بيت الرعب ، و هي كانت خايفة أوي وحاولت تمسك إيده بس غلطت ومسكت إيد واحد تاني وفضلت تضحك هي و هو عالموقف ده
اليوم 14
راحو للعراف وسألوه عن حظهم ، العراف قالهم :
حبايبي .. متضيعوش لحظة من حياتكم وعيشو حياتكم في سعادة مع بعض..
بعديها عين العراف دمعت
وقالهم إمشو
اليوم 20
هي عزمته عشان يروحو الهرم وإتفرجو هناك علي الخيل وهو بيجري .. هي همست ساعتها بكلام بس هو مسمعهوش
اليوم 28
ركبو باص و الباص عمل حادثة و هو اتعور حاجه بسيطه .. بس هي كانت قلقانه اووووي و هتموت من الخوف عليه
اليوم 29
الساعة 11:27 p.m
فاضل 33 دقيقة وال 30 يوم يخلصو
هو و هي قاعدين في نفس المكان اللي كانو قاعدين فيه من 30 يوم ساعت لما إتفقو يلعبو اللعبة دي
هو : أنا عطشان ، تحبي تشربي حاجة ؟
هي : شكرآ .. ياريت بيبسي
هو : حاضر .. إستنيني مش هتأخر
20 دقيقة عدت لحد لما لقت واحد غريب بيكلمها
الغريب : إنتي صاحبة صاحب الرقم دا ؟
البنت : اه ، ليه في إيه ؟؟؟
الغريب : سواق عربية خبطه و هو في المستشفي حالته وحشة أوي
الساعة 11:57 p.m
الدكتور خرج من غرفة الطوارئ و كان في إيده إزازة بيبسي و جواب ..
الدكتور : إحنا لقينا الحاجات دي معاه
قرأت الجواب وكان بيقول :
.. الجواب ده أنا كتبته من كام يوم ، أنا لقيتك إنسانة رقيقة وحلوة أوي ولقيت نفسي بحبك بجد من غير ما أحس ،
إبتسامتك اللي حبيتها عمري ما هنساها ، وكل حاجة حصلت بينا في لعبة ال 30 يوم خليتني أحبك أوي .. و قبل لما ال 30 يوم يخلصو أتمني إنك تكوني حبيبتي بجد لآخر يوم في عمري .. بحبك ..
كرمشت الجواب و دخلت غرفة الطوارئ و صرخت و عنيها كلها دموع : مش عيزاك تموت .. أنا بحبك ، فاكر يوم لما روحنا الأهرامات ؟ ساعتها أنا همست بكلام إنت مسمعتهوش _ أنا كنت بتمني ساعتها إننا نفضل مع بعض للأبد و نفضل مستمرين في اللعبة لآخر يوم في حياتنا ... أرجوك متسبنيش ، حرام عليك متعملش فيا كده
ساعتها الساعة دقت 12:00
a.m
قلبه بطل يدق ... و كانو 30 يوم زي لما إتفقو بالظبط
إعطي كل المشاعر لمن تحب ، إجعله يشعر أنه أغلي من الدنيا ، لأنه عندما يرحل ستحزن عليه أشد الحزن و سيكون وقت المشاعر قد فات أوانه
[img]
[/img]
, عزيزي الزائر / عزيزتي الزائرة منتَدَاكمً مُنتَدَى الملوك يُرَحبُ بكـُمً .. 
إنً كنتَ تَرغَب في الإنضمَامً إلى أسًرَة المنتَدَى سَنتَشَرَفُ بتَسًجيلَكَ .. فَمرُحَبا بالزَائرينَ , وَ العَابرينَ , وَ الأصدقَاء , واَ لأعضَاءَ , بالطَيبينَ وَ الطَيبَات 
.. وَ بكًل مَن يَثًرَى , أوً تَثُرَى المًنتَدَى بالحِوَارً , وَ المُنَاقَشةَ , وَ المسَاهَمَاتً المُفيدَةَ .. فَلَيًسَ للبُخَلاَء بالمَعرفَة مَكَانُُ هُنَا 
..سَاهمَ / سَاهٍمي بكَلمَة طَيبَة , أوً مَقَالً , أوً لَوًحَة , أوً قَصيدَة , أوً فِكرَة , أوً رَأي , أوً خْبرَة تَدفَعً حَيَاتُنَا للأمَامً ... تحيَآت إدَارَة منتَدَى الملوك 
") 
ــلمت الانــــامل الــ...ــراق،،يــّّــة
