رواية صديقي الذي أصبح زوجي / كاملة 2014 الجزء التالت

الجزء الثالث
0
0
0
0
0
0
سكت عصام في ذهول مما سمع ؟؟؟؟؟!!!!!!!
سحر : وش فيك يا عصام قول شي ؟؟
عصام : هاه ؟ لا بس قاعد أفكر ...
سحر : تكفى ساعدني ..
عصام : خير ان شا الله .. اذا جا بكرة يصير خير ..
سحر : يعني أروح أنام في غرفتي ؟؟
عصام : ايه عادي ....
ذهب عصام الى غرفته وهو يفكر في الكلام الذي قاله سهيل أو سحر ؟؟؟؟؟!!!!!
وفكر كثييييرا.. حتى الصباح ولم ينم تلك الليلة .. من التساؤلات التي كانت تدورفي باله ..
وبدأ في حوار طويل مع نفسه ...
عصام : وش اللي قاعد يصير ؟؟ ماني مصدق ؟؟ وشلون ؟؟ ليش ؟؟ وكيف ؟؟ وش أسوي ؟؟ أطردها من الشقة ..
وش اللي يأكد لي انه بنت ؟؟ واللي صار في المقهى ؟؟ الملابس .. المكياج .. البنات .. ؟؟؟؟؟ كيف أتأكد ؟ يمكن يبي يتأكد .. هل أنا بساعده في المواقف الصعبه ؟؟ بس مو بها الطريقة ..!! وليه يختبرني .......
طيب وشلون أساعدها اذا كانت صادقة ؟ ما أدري .. ما أدري ؟؟؟؟؟؟؟
وفي الصباح ..

خرجت سحر التي كانت هي سهيل في خوف وترقب متجهة الى الجامعة .. ونظرت الى غرفة عصام فوجدت الباب مايزال مقفلا..
سحر : وش فيه ما طلع الجامعة ؟؟ غريبة .. الله يستر من هاليوم .. خليني أروح بس وإذا رجعت يصير خير ..
خرجت سحر الى الجامعة .. وعصام مازال في غرفته يفكر ولم يذهب الى الجامعة في ذلك اليوم .. وبعد سهر طويل وتفكير عميق .. غط عصام في نوم عميق من شدة الارهاق والتعب ..

انتهت سحر من المحاضرات لذلك اليوم .. وخرجت من القاعة وتوجهت الى الشقة . وفي طريقها الى الشقة لاحظت ان كثيرا من طلبة الجامعة ينظرون اليها .. فبدأت ثقتها بنفسها تتزعزع .. وبدأ الخوف يدب في أوصالها .. وقالت :
لايكون عصام فضحني .. وقال للناس عن موضوعي .. الله يستر خلني أروح الشقة بسرعة وأشوف الموضوع ...
وصلت سحر الى الشقة ووجدت باب غرفة عصام لا يزال مقفلا.. وقررت أن تدق الباب ..

سحر : عصااااام .. ممكن نتكلم شوي ؟
عصام : ................
سحر : عصام انت تسمعني ؟
عصام : ............
استغربت سحر وقررت أن تفتح الباب .. وعندما فتحته وجدت عصام يغط في نوم عمييييق ..
فأغلقت الباب ببطء وذهبت الى غرفتها وانتظرت مصيرها في يأس ...


في المساء ..
يدق عصام على سحر وهي في غرفتها ..
عصام : سحر؟؟؟
سحر وقد قفزت من فوق سريرها في خوف : نعم ؟؟؟؟؟
عصام : تعالي أبيك
سحر : طيب

ذهب عصام وجلس في انتظار سحر حتى جاءت ... كانت سحر تمشي باستحياء وخجل وخوف في نفس الوقت ... ومن ثم جلست ..
عصام : أنا فكرت في الموضوع كثييير .. ولكن ما أدري وش أسوي .. أبي أسألك وش تتوقعين مني أسوي ؟
سحر: ماما أدري ؟؟؟؟
عصام : إنتي قرري بنفسك ..
سحر : أطلع من الشقة ؟؟!!
عصام : انتي شايفه ان هذا هو الحل ؟؟
سحر : ما أدري ؟ بس يمكن يكون مناسب لك ... بس انت تعرف حالتي المادية واني ما أقدر أستأجر وانت عارف ان الشقق غالية .. وبعدين أنا بنت لو عشت لوحدي حتى لو كنت متخفية على اني ولد يمكن اتعرض لاي مضايقات وما أقدر أحمي نفسي .. تعرف البنت ضعيفة ..

عصام : فيه حل ثاني ؟؟؟
سحر : انت قرر ..
عصام بعد أن سكت للحظات : خلاص .. شوفي انتي تجلسين معي بالشقة ولكن لازم نكون زي أول تعاملنا كاثنين شباب مو كولد وبنت ..
سحر بفرح : ايه خلاص مو مشكله ..
عصام : بس في مشكلة صغيرة ؟؟
سحر : وشو؟؟؟
عصام : يمكن يزورني أبوي وأمي .. وأمي ما تمر عليها طريقة تنكر أي بنت راح تكشفك بسرعة .. وتبدأ تشك فيني اني ....

سحر : طيب .. كم بيقعدون عندك ؟؟
عصام : ما أدري يمكن يطولون علشان ابوي جاي للعلاج هنا ...

سحر : مو مشكلة حاليا خلني أقعد هنا واذا جو يحلها ربك ..
عصام : خير ان شا الله ...



تمر الايام سريعة وعصام يعيش حالة من التأنيب للضمير لأن فتاة تعيش معه .. ولأن الشيطان شاطر ولربما أغواهم الى فعل المنكر ... ولكن عصام حاول تفادي رؤية سحر لأن جمالها ازداد في عينه اكثر من قبل ..

وفي يوم من الايام اتصل والد عصام ..

أبو عصام : ألو السلام عليكم ..
عصام : وعليكم السلام ورحمة الله وبركاته ... كيفك يبه ؟
أبو عصام : والله يا وليدي حالتي بدت تتدهور ولازم أسوي العملية في أقرب وقت .. والحمد لله على كل حال
عصام : طيب يبه تعال هنا وسوي العملية .. انت ماقلتلي بتجي ؟
ابو عصام : ايه ياوليدي ان شا الله بعد يومين نكون عندك أنا وأمك ... تقول ما تبي تخليني لحالي .. والظاهر انها تغير علي ..
عصام : هههههههه .. هذا هو الحب يبه ما تبي تتخلى عنك ولا لحظة .. الله يخليكم لبعض .
ابو عصام : خذ امك وانا ابوك تبي تكلمك ..
عصام : هلا يمه ..
ام عصام : كيفك يا وليدي ؟؟ ان شا الله بخير ؟
عصام : الحمد لله .. انتي كيفك وكيف صحتك بشريني عنك ؟
ام عصام : انا بخير والحمد لله .. بس شايله هم ابوك ... بشرني كيف دراستك ان شا الله كل شي تمام ؟
عصام : أبشرك يمه كل شي زي ما تبينه وأحسن ..
ام عصام : انتبه على نفسك يا وليدي .. وخل عنك الحركات البايخة ..
عصام : ههههههه وشو حركاته يمه ..
ام عصام : لا ولا شي بس يقولون لي البنات عندكم ما خذين راحتهم في كل شي .. رايحين جايين لا رقيب ولا حسيب .. وخايفة عليك منهم ..
عصام : لا ولو يمه انا ترتيبتك .. وبعدين انا جاي هنا ادرس ماني جاي العب ..
ام عصام : الله يوفقك يا وليدي .. شد حيلك ..
عصام : ان شا الله يمه ..
ام عصام : يله مع السلامه
عصام : فمان الله .


فرح عصام لان والديه سوف يأتون اليه بعد هذه المدة الطويلة فقد اشتاق اليهما كثيرا ... وفجأة تذكر سحر ..
وتذكر كلام والدته له .. فارتبك وخرج مسرعا .. وذهب الى غرفة سحر .. ودق الباب


عصام : سحر .. سحر ..
سحر وقد قفزت من على سريرها في هلع واستغراب لان عصام لم يكن يتكلم معها كثيرا منذ مدة .. فاستغربت مناداته لها ..
سحر : نعم؟؟؟؟؟!!!
عصام : افتحي الباب ..


فتحت سحر الباب وكانت تلبس بيجامة زهرية اللون .. وشعرها متناثر على اكتافها .. ووجهها الجميل يعتريه الخوف والاستغراب ...

عصام وقد نظر اليها في اعجاب شديد .. وهو يقول في نفسه : ياألله وش هالجمال ياناس حرام تتبهذل كل هالبهذله .. وحرام اترك هالجمال كله يطلع من عندي ..

سحر ومازال النوم في عينيها : ايش فيك يا عصام ؟
عصام : لا بس ابيك في موضوع ..

سحر : طيب أغسل وجهي واجيلك ..
فلما دخلت سحر لغسل وجهها بعد النوم تذكرت انها خرجت عليه ببجامة النوم .. اعتراها الحياء والخجل من نفسها بشدة ...
خرجت سحر بعد أن غيرت ملابسها .. وقالت :
وش موضوعك يا عصام تفضل ..

عصام : بصراحة الوالد كلمني وبيجي هو وامي بعد يومين ... وحبيت اخبرك ..
سحر بعد سكوت للحظات : ايوه؟؟؟
عصام : نبي ننفذ اللي اتفقنا عليه ..
سحر : وش اللي اتفقنا ؟؟
عصام : انه لما يجون اهلي نشوف لك حل ...

سحر وقد ملأت الدموع عينيها الجميليتين : وش راح أسوي ؟؟ ما أدري ؟؟
عصام : انا بساعدك ..
سحر : كيف يا عصام ؟
عصام : راح أعطيكي مبلغ تستأجرين شقة لحد ما يروحوا أهلي ..

سحر وقد احست بالاحراج من عصام : بصراحة انا تعبتك معاي كثير .. ولكن ان شا الله بعوضك كل اللي عطيتني لما اتوظف ..
عصام : ولو... احنا اخوان .. ولا يهمك ..
سحر : اخوان؟؟؟؟؟
عصام : ايه و أكثر بعد ..
سحر وقد بدأت مشاعرها العاطفية تتأجج تجاه عصام الذي أصبح أعز شخص في حياتها لوقفاته الرجولية التي وقفها معها : وش لون أكثر يعني ؟؟
عصام وهو ينظر اليها بإعجاب : الأيام بتثبت لك ..
سحر في استحياء وكأنها فهمت قصد عصام من كلامه ونظراته :خلاص عن اذنك بروح غرفتي ..


عصام : وين بدري .. ورا ما تقعدين شوية معي ولا طفشتي من شوفتي ..
سحر : لا والله .. بس عندي شوية مذاكرة وواجبات ..

عصام وهو مبتسم : خلاص روحي يالشاطرة ...

ذهبت سحر وهي في فرحة عارمة لأول مرة في حياتها تحس ان أحدا يهتم لامرها ويريد مساعدتها بأي طريقة .. وأكثر من ذلك أنها أحست باعجابه الشديد لها .. كما انها كانت ايضا معجبة به منذ ان رأته لاول مرة وازداد اعجابها الان اكثر من قبل ..


في الصباح وبعد ان انهى عصام محاضراته ذهب ليجد شقة لسحر وحاول ان تكون الشقة قريبة منه وكان على استعداد ان يدفع أي مبلغ لتكون قريبة منه .. وبالصدفة وجد شقة خرج اصحابها منها ذلك اليوم وقد كانت في نفس العمارة التي توجد بها شقته .. فاستأجرها بدون ان يسأل حتى عن ايجارها ...

ذهب الى شقته وتوجه مباشرة الى غرفة سحر ..
عصام : سحر .. سحر وينك يا سحر ؟؟
ردت سحر من خلف الباب : ايوه يا عصام ؟

عصام : افتحي الباب .. عندي لك بشارة ..
سحر وقد فتحت جزء من الباب : وشو يا عصام بشرني ؟؟؟؟؟
عصام : ابشرك لقيت لك شقة ..
سكتت سحر ولم تكن سعيدة .. لانها سوف تفارق عصام ..
عصام : وش فيك اقولك لقيت لك شقة ..
سحر : الله يبشرك بالخير ... ما فيني شي بس محرجة منك شوي ..
عصام : لا احراج ولا شي .. وأزيدك من الشعر بيت .. تراها في نفس عمارتنا هذي ..

طارت سحر من الفرحة وقالت : من جد يا عصام الله يعطيك العافية ما أدري وش لون اشكرك ..
عصام في مكر : وش اللي مخليكي تفرحين كذا لما عرفتي انها في نفس العمارة ؟؟

سحر في خجل : لا ... بس تعودت على هالمكان ..
عصام : أكيد ولا فيه شي ثاني ..

سحر : شي ثاني ؟؟ وش بيكون يعني ؟
عصام : سحر .. أنا بصراحة تعمدت انها تكون قريبة مني ..

سحر : ليش ؟؟
عصام : تصدقين ؟ ما أقوى على بعدك ...

أقفلت سحر الباب بسرعة من شدة الخجل .. وجلست على سريرها تفكر في ما قاله عصام وهي في قمة السعادة ..
ضحك عصام من ردة فعل سحر وقال :
هذا أحلى شي في البنات ....( الحياء)

الله يعطيك العافية عالطرح ...

يسلموووووو على الطرح

الله يعطيك العافيه

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

أسعد الله قلوبكم وأمتعها بالخير دوماً أسعدني كثيراً مروركم وتعطيركم هذه الصفحه وردكم المفعم بالحب والعطاء دمتم بخير وعافيه

أسعد الله قلوبكم وأمتعها بالخير دوماً أسعدني كثيراً مروركم وتعطيركم هذه الصفحه وردكم المفعم بالحب والعطاء دمتم بخير وعافيه