قصة حلوة كوولش

#شہۣۗخصہۣۗيہۣۗة خہۣۗورافہ

الموقع ... منطقه ريفية
ابطال القصه...قسم احياء وقسم اموات .
احنة من الصغر وعينه علدنيا جبيرة بس عشنه بيت جبير متكون من مايقارب 50 بيت بس هاي ال50 بيت اهل وعائله وحده
البيوت عبارة عن 5 افرع واحد بصف الثاني... اني بلغت 5 سنوات العب مع اطفال جيراني بفرع ضيق جدا طوله تقريبا 50 متر وعرضه مترين ونص الفرع بي 11 بيت كل بيت بي اقل شي 3 نفرات واكثر شي 12 نفر المهم
بيتنا مختص يسوي جبن ولبن وروبه وحليب ويوزع على الجوارين واله يوم مخصص
بيت جوارينه رقم 2يسوون كاهي وكاهي مو مثل هاي الوكت كاهي طعم ونكهه خاصه
بيت جوارينه3 مختص عدهم حمام فقط لان الفرع كله حمام وكل الفرع يسبحون بي
بيت جوارينه رقم 4 عدهم تلفزيون ونجمع شباب واطفال الفرع علتلفزيون والنسوان على الراديون بغير غرفه
بيت جوارينه رقم 5 مختص بالادوية والدوة الاحمر السبيرتو مطهر سريع للفرع
بيت جوارينه رقم 6 مختص بتزيين الفرع بالاعياد والمناسبات يروح لبغداد يجيب نشرات ورقية لماعه وبالونات ملونه وبالونات نايلون وكلوبات ملونه
بيت رقم 7 مختص بتوزيع العنب والمحاصيل الزراعية تفاح عنب رمان عرموط ركي وماشابه
بيت رقم 8 مختص بالرقيه وعمل الحجاب وقراءة قران على راس المريض بواسطه الحجية نوفه الله يرحمها
بيت رقم 9 عنده سيارة يقضي بيها حوائج الفرع
بيت رقم 10 عدهم محل وكل الفرع يشتري منه وعلى الاغلبية بالدين لان الامور مو تمام
بيت رقم 11 هاي كلشي ماكو بس مشترك بكل اللي ذكرتهن
جانت كدام الفرع اكو ساحة بس انصى من الفرع من تمطر الدنيا يجمع بيها مي واحنا اعمارنا من 6 سنوات الى 10 كل واحد يجيب طشت من البيت وكرك ويخلي بالمي ويصعد يجذف وتصير بنص المي الدعم ماله والي وشيابنة بوكتها يضحكون ويصير وكت الغده نطلع ونروح نتغده ونرجع نلعب ختيلان او سبع سيفوانات او (حنجيله) يعني يجوز تختلف التسميات بغداد وجانت اكو ساحة جبيرة مزروعة زيتون ونخل واثل وبنصها نافورة زغيرة نلعب بيها وجان مستوصف بظهر الساحة نصعد نبوك لاستيك من المستشفى نسوي مصياده ويطلع الفراش ويلحكنه ونشبع طن كتل بس مننطي الاستيك ومن يصير الليل نجمع بالفرع ويكعدون الشياب الكبار يسولفونه على كبل على اساس احنة عايشين برفاهية شكاكية وهية دشداشة بازة ونعال تكرمون ابو الاصبع ومينطونة الدرهم الا نتفل المر ههههههههههههههههههههههه ومن يصير وكت التعلولة بعد ال8 بليل نجمع بيت الجبير رقم 4 النسوان علتلفزيون يباوعن مسلسل جواهر والشباب والشياب علسطح يضربون ركي مبرد على الداير وفواكه بنص مي بارد مال تنكه والشياب يضحون علينه يكولون شوفو النجم ياهو اللي يحسبه ننطي درهم وهسة وتلكانه مكسرة ركابنه كل عقلنه النجم ينحسب لو مثلا شايب منهم جان يكول كوم فلان وكوم فلان ياهو اللي يصرع صاحبه انطي درهم وتلكانه كل واحد تحضر للثاني بس مااخفيكم غلبت مرتين واخذ مية فلس ههههههههههههه
المية فلس يعني دراهم اثنين هاي غيض من فيض من قصص المنطقه الجنة عايشين بيها ... الحلو بالموضوع لحد هاي اللحظة نفس الفرع موجود بس شيابنه ماتو وعجايزنا ماتن واغلب الشباب هم ماتو بسبب او بااخر الفرع هسة حزين وماب طعم مثل قبل رغم اني رجعت بنيت بيت اهلي من جديد وعن قريب اكعد بي بس فقدت لذة الاحساس الاول يعني قسم من الجوارين شالو لغير مكان وقسم كعدوا بغداد وقسم خارج البلد ... بس الساحة لحد الان موجودة ومن اشوفها اذكر ذيج الايام وشون نوكع من بالمي من ينجفي الطشت ويركضون الاكبر من عدنا يطلعونة ونحصل كتله من الام او الاب بس الحمد لله الفرع والساحة لحد الان بيها ناس من اهل الله سلام وكلام وحب وحنان ومساعده وسؤال علجيران ومساعده المحتاج ومساعده حتى الغرباء والحلو اللي بهاي الفرع اي غريب ينعرف وينسأل اتفضل منو رايد وشنو محتاج ومنين انتة اذا جان مستطرق الله وياه واذا سائل ينطوه هل قاسمه الله واذا جان نيته شر هاي اللي الله كتبها عليه ميطلع سالم الا على المستشفى لو مركز الشرطة بس اني مكتلكم شنو الرباط .... انتو تتمنون تعيشون بهيج منطقه لو هسة العيشة احسن ...

صدك قصه حزينه و هذا حالنه وواقعنه
شكراً الك عالموضوع
ننتظر الجديد

شكرا عل مرور نورتي

حلووووه القصه دودي

تحياتي الك

نورتي غلاي