محاوره بين الام والابن وحبيبته

محاوره بين الام والابن وحبيبته
الابن الى امه

صاح الولد يايوم اعشقها واهواها واتمنى هذا العمر ينكظي وياها
عدها عيون يمه سود مكحلات صدكيني حتى الكلب من باوعها مات
لو عالشعر يوم اسود عبالك ليل وريحت شعرها يوم اطيب من الهيل

الام الى ابنها
عاشك تراك اصبحت هايم تره يوليدي وانه اعرف هذا العشق مو بيدك وبيدي
بس كلي انته تحبها وتريد ترتبطون لو عشق الضحك تحبون وتمشون
هي اهلها منو واشلون وياها الحال هي فقيره لو عدها كومه مال

الابن الى امه

يمه تراني احبها وماحاب افلوسها وانه العندي كافيني وماني تره بعوزها
هيه اهلها ناس اشراف مستورين صح وياهم الزمن عورض بس همه طيبين
ارجوك يمه احبها خطبيلي اياها خلينيا يوم نزوج ونفرح انه وياها

الام الى ابنها

اتركها احسن الك اتركها وانساها لتفكر انه وابوك انزوجك اياها
صح الفقر مو عيب بس مو من مستوانه صدكني هاي متحب بس بيك طمعانه

الابن الى امه

لايوم شن هالحجي صدكيني تهواني اشمعنه اظل مهموم من دون خواني
حبها تره بالكلب ماينشره وينباع لو ما اعيش وياها كولي كل العمر ضاع

خابرت الحبيبه حبيبها

هاحبيبي شنهو الجره صوتك تره مهموم صكني جاسك حزن وحجيك مو مثل كل يوم
ملهوف تركض عليه لو مره دكيت واطلع انه بالباب والكاك يم بيتي جيت
متغير انته عليه لو غيري حبيت شبسرعة بعتني وبعت العشك ونسيت

الحبيب الى حبيبته

صوتي تره متغير من ضيم الايام صدكيني ضاع العشك وضاعت الاحلام
ياحب الكلبي غير حبج انه اود يل عطرج وجمالج مثل شده ورد
احبك ما انام واظل سهران افكر بيج ومن انتي تتصلين أظل اغازلج واواسايج
كل هذا وتكولين غيري تره حبيت وانه الكلب والروح صارن الج بيت

الحبيبه الى حبيبها

والله اعرف تره حبي بكلبك مجلب اجلب ماتكدر على فراكي وغيري ابد متحب
بس تراها اظنون وتدريني انه اغار عليك هواي حتى من الهوا المار
ابوسنك بوسه على خدك وابوس ايدك وصدكني اقطع الكلب لو لحظه ميريدك

الحبيب الى حبيبته

يهواي امي تره صدكيني ماتفبل بس صدكي الكلب عن حبج ابد متحول
ابقه احبك للابد والله لو عدموني بس ابقه ادعي من الله منج فلا يحرموني

الابن الى امه

يوم احبها صدك وهي هم تحبني عليش تمنعين العشك مو شوكي حارقني
خلوني اعيش وكافي حرمان مو عمري كظيته بالغربه والاحزان

الام الى ابنها

حالك تره تعبان ويبجي الصخر صدكني يون عليك حتى ابو كلب الحجر
دليني بيت البنيه وباجر انه اخطبها حالك ابد موحال يالذايب بحبها
اركض على هواك اركض وخبرها كللها امي تمر باجر وبشرها

الحبيب الى حبيبته

فرحي يمحبوبه وغني وهلهلي باجر يجونج ويخطبونج هلي
خلي العواذل بحركه يسهرون الليل وبكل غل وحقد يعضون الشفه حيل

طرح جميل

يعطيك العافيه 
يسلمو

روووووعة
سلمت يمينك على الطرح الجميل
تحياتي لك

يعطيك
العافيه
ع
الكلام
الحو
هاد
تحياتي