جہرحہنـي ومہاكہلہت مہجـروح

مو نظرة نظرتك تهجم بيوت ...
دخيلك لاتباوع كاعد أيجار...

اني بغيبتك جلد وعظم ضليت
وانوب التكتلك جاي رمضان

عيون البشر يوكف دمع مرات
هسة انته الوحيد الواكف بعيني..!

نا مفصل دليلي عليك تفصال.
مثل صايغ ذهب ومعرسه بنته

كصر شوكك عليه وطال صبري عليك
وعلى امثالك بعد ما ترهم امثالي

جنت مالي كبل من جنت تنزف شوك
بس هسه انتهيت وصرت مو مالي

لاتنغر ابطولك ولو طولك بان
وعلى صدرك عنب عشرينك ايلالي

السعف هم عالي لاكن ما يشيل احساس
وعلى احساس الجذر صار السعف عالي

شتلتك بيدي لهفه وخضريت افراك
ويم بيبان عينك دمعك ايلالي

المن جايني وياجرح جبته وياك
حافضهن عليمن جاي تقرالي

جرف شالك ضميري وما شربتك ماي
وانه انزف عطش والصبر يبرالي

ما اتغرني دمعتك ذاك كلبي انساه
ما يشتاكلك صار الكلب خالي

واشد عيني ابرمح لو مره حلت بيك
وعميهه اذا طيفك تعنالـــــــــــــــــي

ندم خظرن جروحي ومكتلك شوف
ولا كدام عينك رخصت حالي

شتلني وادري ذني انه ما معذور
على خيال الشمس جنت اشتل امالي

بعد ما يهز شوكك شعره من الروح
ولا يم بحر عينك تلتف احبالي

ولا تهم المناير طولك المجنون
ولا عنك بعد ينسمع موالي

عرفت ابرخص شعرك ولسواد البيه
وعرفت ابليلمن ظل شمعك ايلالي

وعرفت ابدفو حظنك حرك غيري اهواي
وعرفت الذهب طولك جان مو غالي

وعرفت المن بعتني ويا جفن غراك
وعرفت ابيا ندى غيرت شلالي

كبر جرحك ابروحي ابيا عذر ينداف
ترى بجسمي نزل ظل ياكل ابخيالي

الشمس غرتني بيك وجنت اشوفك مالي
ويهدني الهوء والدرب يحلالي

ورخصت باب عمري وما كدرت انساك
شلته من الكلب بس زلزل ابالي

والك جتالي انته هسه جاي اتريد
امسح دم ركبتي بسيف جتالي

اقنع روحي اكولن ميت بلياي
لازم بيهه حوبه ايامنه الحلوه
واكول اليعلم الله شسوه وانا بعيد
وسألت الناس كالو كلشي ماسوه
يدافني شبعد وتسد ملف الثار
... ردت عمري وشبابي وراحلك فدوه
يدافني بضحكتك فزو الميتين
اجو يشكون كالو نمنه بالكوه !
انه بكبري وسمعتك من اجو يشكون
ومتوهمين اكلهم والله مو هوه ..

سولف ياعشك بعدك تحب ملكــــــاه
عل هاي الخيانه شبيك ماعـــــــفته
مايرجع بعد شوك الخيانه يمـــــــــوت
وشوكك من اجاني برجلي هم دسته
مايحتاج اكلك انته تعرف زين.............
صفت بس للدمع عيني العشك مابعته
جنت احضن بشوكك من يمرني الليل
و ادور حبك بروحي وابد ماشفـــــــته
ادور حبك بظلمه وشـــــاعل شموع
طفت شمعات حبك و أنطفيت انــــته