سيوفي العراقي

موضوع: سيوفي العراقي الإثنين يونيو 17, 2013 5:38 pm

تذكير بمساهمة فاتح الموضوع :

لا تسألوني لماذا هويته

واحببت الحب لاجله...

لقد كنت يوما أبحث عنه...فوجدته

لقد عرفت الحب معه..

مع كل بسمة وهمسة ودقة قلب

اغرقني بحنانه..برقته..وطيبة قلبه

فامسكت بخيوط الحب معه...

ليتني عرفته من زمان..

لكي نتبادل معا....

الحب .. الحنان..والاحساس بالامان

فليت لي الف قلب على قلبي...

لاحتضن به حبي وحبيبي

فلا تسألوني لماذا أحببته...

وأحببت كل شيء لاجله

أسمك ما اكولة من اسال اعليك ...
اكل للناس ياهو الشاف روحي ...

حجيت بلا قصد من كتلك تــــــروح ..
شجاك وجاوبتني نشوفك بخيــــر !!

هستوني بديت وكلت بسم الله
بسم الفركة ليش العشرة تبديهة!!

اذا ماتت الشجره الكاع متضوج
تلكه الحسره بوجوه العصافير

اسيرلك عطر من وردة بت بيت ..
بس كون الكه خشمك رســه فلاح ....

عرش الخوه عالي وماتلوحه الناس
وبقيت انته الملك مايوم نزلتك

افزز دوم حظي وياك ............ بسنام

واحلفه لا ينم للروح ............ بسنام

انحنى ظهري عليك وصرت ... بسنام

وحنين النوك كله اندار بيه

علي دنياي هالزايد مگرها
رگبتي السيف ياصاحب مگرها
الشهم لو يشلع اعيوني مگرها
الردي لو گض قميصي جنون بيه
اصواب الزين ماهمني تگتل چلمت الدوني
اشوفه عالأرض يمشي بس چنه عله امتوني
الردي ما اله كل امچان ياهالناس صدگوني
(( ينجس مايه لو دفنه ابشط ))

زرعت سنين عمري بكاع الاوهام
وشتلت الأمل خطوه بدرب الاحلام
جبت عود الصبر أمنته بيد الكاعه
وسكيته دموع عيني وتعب الايام
رسمت الصبر لوحه بكلب ملتاع
مثل غالي وغلاته برخص تنسام
ذبل عود الصبر والأمل صار وداع
وتكسر شمل روحي تكسر الجام
يا طبع الوفي البلظلمه وجه شعاع
ويا طبع اليخون الحجيه كله أوهام !
فرق بين اليخيط جرحك بساع
وفرق بين اليجرحك وسط ظلام
ناس هواي زرعت والحصاد أنواع
وانه كل ما حصته حروف وارقام
اعد بيهن واسجل وعود خداع
وهبته أيام عمري وخان الايام
ضنيته قصيدة شوك بيها أبداع
والشعري مشاعر روح منها ألهام
وضنيته شواطي وشوك عمري شراع
وضنبت الكلب يغفه بجف وينام
حسن الضن جزاني بألم واوجاع
وفطر بيه الحزن وامتنع ماصام
بعد ألمن عذابي وجفني دماع
إذا صار الأمل للأمل هدام ؟؟ <عباس الدراجي>

جرح ينزف جرح خايف
جرح طول العمر مفتوح
مثل جرحي جرح بالكون ما شايف
أخذته ورحت للعراف
تعذر كلي ما يراف
مثل هذا الجرح كل عمري ما رايف !
جرحك غميج وكلف
وبي ألم ماينوصف
جرحك بطول العمر وياك متوالف ??
جرحك دموع وندم
وايام عمرك عدم
بس أنته راضي وكلت مايهم ميخالف
دام الجرحني محب
مو مهم شنهي السبب
الذنب ذنب اليحب مو ذنب اليخالف

: ضايگانه :

شهد من طعم شفتك ... ضايگ آنه
وشهدموته كلمن تحرش ... ضايگانه
آنه شفت هدمك وهدمي ... ضايگانه
مزگتهن .. شفت شوفه وأشصار بيه

أســير الحــزن دروقنـه ويكفاي
دموعك ترست ايديني ويكفاي
رغـم كل هالبـعـد عنك ويكفاي
أشيل اهمومك وتشح التحيـه
:
)
(

» طلب تصميم من الاخ سيوفي العراقي
» عيد ملاد الاخ الغالي سيوفي العراقي
» الدعآآء الى الآخ سيف ((سيوفي العراقي)) بالشفآآء
» بدي ارحب بالأخ العزيز سيوفي العراقي
» بعض كلمات مواويل أمير الطرب العراقي حاتم العراقي