سيوفي العراقي

موضوع: سيوفي العراقي الإثنين يونيو 17, 2013 5:38 pm

تذكير بمساهمة فاتح الموضوع :

لا تسألوني لماذا هويته

واحببت الحب لاجله...

لقد كنت يوما أبحث عنه...فوجدته

لقد عرفت الحب معه..

مع كل بسمة وهمسة ودقة قلب

اغرقني بحنانه..برقته..وطيبة قلبه

فامسكت بخيوط الحب معه...

ليتني عرفته من زمان..

لكي نتبادل معا....

الحب .. الحنان..والاحساس بالامان

فليت لي الف قلب على قلبي...

لاحتضن به حبي وحبيبي

فلا تسألوني لماذا أحببته...

وأحببت كل شيء لاجله

شلت يل بيك دوم الدوم مديت
ايدي وسفرتي للمار مديت
انه لفركاك تدري بيك مديت
الحزن حد ماتلاگه ابأخريه

الي راس الخذاه الشيب واليد
اعجزت والدهر گف العين واليد
ادموع الگلب چنها ادموع واليد
رجعله ابنه ابنعش وگت المسيه

جرحي ابطولي من الجدم للراس
ولبطوله جرح يخفي الجرح وين
يلتم الجرح كلما يمر يوم
جرحي يگبر شما مرن اسنين
اچذب عاليگلي شلون الحوال
اظم جرحي واگله بخير انه اوزين

يدنيا ارماح حوطيني ونصبي

عليل وبالمرض طايح ونصبي

طحت وسمع ظحك شامت ونصبي

بنص احشاي بات المرض بيه

*******************

بنص احشاي بات المرض ويبات

نهه روحي وبده بالكلب ويبات

ماتلحك تشد البات ويبات

انگطع بته وفلا تلحك عليه

دليني اعلى كَلبك
ارد اعشش بيه
غشيم بحبك انه واعمى ما اندل
يبو خدود الورد والشعر ظلمة ليل
معذور من اسولف بيك واتغزل
يا مأسور مني بيد عمر وزيد
كَلي اشلون اخلصك ليش ما تقبل
الصكر عد العرب نوماس بين الناس
وعند بعض البشر ينشوي لو يؤكل
يا ملك الترفه الرقه والاحساس
يبو ركَبة المرمر وطعم المعّسل
يا بيرغ عشيرة يابو عيون اوساع
ياكحلي بدون الكحل يامكحل

ذوبني غرامك وانا الكم جاي
اظل بالباب واكَف
يا ترف تقبل؟؟؟؟

وگع كل الاملگه اعليه ساگاي
نزل سعري وشهرني صياح ساگاي
چنت دجله بسموم الصيف ساگاي
ادفنوني الچنت اساجيهم بديه

ادفنوني الچنت اساجيهم وردهم
عگب ماسبح بزودي وردهم
چنت بيدي اوديهم وردهم
ابسيوف الباشطه گطعولي إديه

حفظك ويحفظ السماك عمار

شجاعة وعنفوان الاسد عمار

وحكَ رب العرش والحجة وعمر

تضل انت حبيبي وهاي هيه
***********************

شمحله رشاقة والطول والوجه عمار

وبشوفته لعب قلبي وصار من نـار

سألتهم ولكم شسمه كالو اسمه عمار

ينكلب بيه الكون من تبعد عليه

البصره كلها ادموع تبجي على اهلها
مرت عليها سنين محد سالها

البصره كلها ادموع لبست الاسود
تبجي على اللي راح منها وفلا رد

البصره ياخوان تكسر الخاطر
وحيرتها بالسياب واكف وحاير

البصره مثل الام لو مات ابنها
تلطم عليه سنين متفك حزنها

من رحت للعشار كللي السياب
سلم سلام هواي كلش للاحباب

يبجيكم العشار تبجي ام البروم
تكول البواجي عليك خلاني رسوم

البصره تبجي عليك يبجي الكواز
بشرني يرجعون اولاد العزاز؟؟

ساحة سعد بالظيم يبجي المعقل
الدمع لجل الزين مو حقه لو هل ؟

ابمدرسه العشك لليوم طالب
ومن ربي وصال الترف طالب
ابنجاحك ياكلب لوردت طالب
ولو يوم امتحنك بيه اذيه

نفسك دوم حاسبها ولمها
تره امن ايديك مسرتها ولمها
فقير الحرص عالدنيا ولمها
وغني اليقنع ابرزقه لبلا شجيه

» طلب تصميم من الاخ سيوفي العراقي
» عيد ملاد الاخ الغالي سيوفي العراقي
» الدعآآء الى الآخ سيف ((سيوفي العراقي)) بالشفآآء
» بدي ارحب بالأخ العزيز سيوفي العراقي
» بعض كلمات مواويل أمير الطرب العراقي حاتم العراقي