مدونة الامبراطور

موضوع: مدونة الامبراطور الأحد مارس 08, 2015 9:51 am

ياهاجسي هل الشعر دون ترتيب

وابدع جزيل القاف من دون حيره

بدع القوافي بالفكر دون تصويب

يسهل القيفان لو هي عسيره

وعسر القوافي يابعدي عندي يشيب

وجل المصايب في عيوني صغيره

ناظرت فدنيا وشفت التعاجيب

شفت النفوس من الهوأ مستديره

في هالزمان الكل صار اسمه الذيب

والذيب تايه فالخطى والمسيره

يومن غيري ياصحيبي مالا الجيب

نفضت جيبي عن امورن حقيره

أصبر على الصاحب لياصار به عيب

واعيب في منهو يعيب فعشيره

ياصاحبي كلمه هلا دون ترحيب

انا أشهد أنها ياعشيري كبيره

ومن لايقدر صاحبه فالمواجيب

وش منزله بين الوجيه السفيره

مرات تصدف يابعدي دون توضيب

وتصاحب اللي فالفعل عن عشيره

سديد راي وللمضارب مضاريب

وصدره وسع بران شبه الجزيره

وختامها ياصاحبي فالك الطيب

وتعاشر اللي مايخالف ضميره

كتبت أنا في تالي الليل بيتين
لعيون من يسوى جميع الخلايق
اللي معاهدني على الزّين والشّين
واللي بشوفه يصبح الفكر رايق
الصّاحب اللي منزله داخل العين
هو الخوي وقت السّعة والضوايق

يا سائلاً عنّي من القلب لبيه
صوتك عزيز وغصب عنّا نلبّيك
مثلك من الأجواد لا شك نغليه
ونفتح لك أبواب الخفوق ونحييك
وأشري رضى من يشتريني وأرضيه
وأقول له بالرّوح والعين نشريك.

سر يا قلم واكتب من المدح ما طاب
في الّي جزيل المدح يستاهلونه
ناس مزايين والرّجا فيهم ما خاب
الرّوح والقلب فدى لهم لو يطلبونه
واكتب لهم شيك محبّة مفتوح الحساب
يسحبون من رصيد الغلى وأبد ما ينقصونه

كتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
لعنبو قاف عجز يلحق مداك

لو أكتب إحساسي بالأشعار وأبديه
فيك المشاعر كيف بس اختصرها
قدرك كبير ويعجز الشّعر يوفيه
كل القصايد فيك ينضب بحرها
أرفع يديني واسأل الله وأرجيه
ينجيك من شرّ الحياة وكدرها

من رافقك والله حشا ما يخليك
لو عاشرك كل الدّهر ما يملك
أنا أشهد إنّي حرت مدري وش أسمّيك
كل الخصال النادرة ينتمن لك
الطيب كنّه شابك إيديه في إيديك
إن كان له صاحب فهو صاحب لك

» لعبه الامبراطور
» مدونة صاحب الطفولة
» مدونة ° o.O أحَژﺂ̲ﻧ̲يے O.o°
» مدونة //رمش الاحساس//
» مدونة :أمل جديد