سيوفي العراقي

موضوع: سيوفي العراقي الإثنين يونيو 17, 2013 5:38 pm

تذكير بمساهمة فاتح الموضوع :

لا تسألوني لماذا هويته

واحببت الحب لاجله...

لقد كنت يوما أبحث عنه...فوجدته

لقد عرفت الحب معه..

مع كل بسمة وهمسة ودقة قلب

اغرقني بحنانه..برقته..وطيبة قلبه

فامسكت بخيوط الحب معه...

ليتني عرفته من زمان..

لكي نتبادل معا....

الحب .. الحنان..والاحساس بالامان

فليت لي الف قلب على قلبي...

لاحتضن به حبي وحبيبي

فلا تسألوني لماذا أحببته...

وأحببت كل شيء لاجله

العكل يبني حكيم اليوم ونصاح
اترهدن وانعل الشيطان ونصاح
اشما ارشدك وعلم بيك ونصاح
تتوب وتوبتك حده اضحويه

الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه

يليل الشوك امري اوياك فضه
وكلبي امن الكدر مايوم فضه
الكلام ابغير وسبب فضه
السكوت امن الذهب بين البريه

نهران الدمع عالوجن تجري
خساره اولانفع بالطيب تجري
المصايب لو على كل بشر تجري
فلا بطران يوم ايلوم بيه

لدك وانحب وخلي الشوك ينباح
واصرخ لمن صوتي اعليك ينباح
حشه السامع اشنفع الجاب ينباح
الوفي ميهاب حتى امن المنيه

انياب الدهر عظني ولاجن
ابهيمه ولاذره عندي ولا جن
رضيت بقسمه الباري ولاجن
اشوفه عد غيري وتشب نيران بيه

ْ

عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه.

من يوم العرفتك واصبحت اهواك
احس بروحي يمك مو بعيـــــدة
واذا اكتب شعر مو هذا مقصــود
تره المقصود انت بكل قصــــيدة
واذا گلبي يحبك هو معـــــــذور
هم سامع گلب يكره وريــــــده،

هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه .

الشمس كلي يصاحب شعلة منهه

وترى وجنة حبيبي شعلة منهه

ثاري العين تكره شعلة منهه

مثل ماتكره الروح المنية

غزل عينك رهن روحي وجرهه

وشعل نيران لبكلبي وجرهه

اريد ابوسك من شفتك وجرهه

حتى انقل هموم البيك اليه

أحب التين والمنجا ولكنار

وحبك صار في قلبي ولك نار

الله إلإ خلق جنة وخلق نار

خلقك مثل القمر تضوي عليه

أفز من يكبل وليفي وافر بيه

واشبكه ومن فرحتي أركص وافر بيه

أذا بالشته وجو بارد وافر بيه

أحس تموز حضنه يصير اليه

سنة دمعي ترة حفرة وسنة سال

وسنة بحبال ربطني وسلاسل

وسنة مجنون خلاني وسنة سل

وسنة هدني وكعد يضحك علية

عشرتك يالعفتني مانبيها

لأن صورة وصالك مانبيها

اريد اهديك روحـي مانبيها

لأن ذكرك يسببلي الاذية

ستهتار عدهن ذني الدموع !!
يمدن روسهن من اذكر اسمك !
........................
مــادنـكَ الـك صدكَـني مو مغـرور ..
بــس إمـي اعـله راسي وخاف اوكعهــا
.......................
يوميه الحزن يندهني نص الليل
يكلي اكعد ولك مشتاق لدموعك
......................
ملك الموت بعده لازم الباب
يدري بروحي تطلع من اعوفك
......................
مـن كد ما نسولف بيك بالبيت
زيدنا نفر من كيفه ابو الحصة
......................
ذاك اليوم جنت العب ويه الزغار
شبسرعه الزمن سماني عمووو
......................
وداعـــــا" يا حزن خطيت عالباب!!!
هــــز ايده الفــرح گـام ومسحها,,,,,

ردت انــــساك من شفتك شفع ليك
غرامك جرحي من شفتك شفع ليك
علاج الامي من شفتك شفه اعليك
الــف دكـــــــــــــتور تسوه وصيدليه

مريد العاف جفي ......... وجريده

اريد بنار كلبي ............. وجريده

بتمره سنين عيثوا ........ وجريده

مناجلهم تكص صبح ومسيه.

...................................

جذب الاخبار كلها ................ والجريده

سياسينه التبره .....................والجريده

وعراقينه بحممها ................. والجريده

لان عنده الوطن هوه القضيه

» طلب تصميم من الاخ سيوفي العراقي
» بدي ارحب بالأخ العزيز سيوفي العراقي
» عيد ملاد الاخ الغالي سيوفي العراقي
» الدعآآء الى الآخ سيف ((سيوفي العراقي)) بالشفآآء
» بعض كلمات مواويل أمير الطرب العراقي حاتم العراقي